កុំថាឡើយដល់ស្វែងយល់អ្នកដទៃពីចរិតតាមប្រភេទឈាម គ្នាយើងខ្លះ អាយុប៉ុណ្ណេះទៅហើយ ប្រហែលអត់ទាន់ដឹងថា ខ្លួនឯងឈាមប្រភេទអីផងក៏មាន។ អ្នកវិទ្យាសាស្ត្រជប៉ុន និងច្រើនទៀត សុទ្ធតែអះអាងថា ប្រភេទឈាមអាចឆ្លុះបញ្ចាំងពីចរិត អាចបង្ហាញពីស្ថានភាពសុខភាពយើង។ ក្រុមហ៊ុនមួយចំនួននៅជប៉ុនប្រើប្រាស់ប្រភេទឈាមជាទិន្នន័យវាយតម្លៃបុគ្គលិក ក៏មានដែរ។
បើដឹងប្រភេទឈាម ដូចដឹងចរិតពិតមនុស្សយើងអ៊ីចឹង
ឈាមទាំងអស់មាន ៤ ក្រុមគឺ A, B, AB និង O។ ក្រុមនីមួយៗមានភាពខុសប្លែកគ្នា ហើយយើងក៏បង្ហាញពីអត្តចរិតបុគ្គល និងគុណភាពការងារបានទៀត។
១- ឈាមក្រុម A
ជាមនុស្សឥតខ្ចោះនិយម។ គេជាមនុស្ស នឹងធឹង ហ្មត់ចត់ ក្លាហាន ទាមទារខ្ពស់ចំពោះខ្លួនឯង និងអ្នកជុំវិញខ្លួន។ ដូច្នេះហើយ ទើបគេអាចជា “អ្នកដឹកនាំល្អម្នាក់”។
– ចំណុចអវិជ្ជមាន៖ អៀនប្រៀនច្រើន លាក់លៀមអារម្មណ៍ច្រើន តែភាពតានតឹងខ្លាំងជាផលអាក្រក់សម្រាប់ទាំងសុខភាពផ្លូវចិត្ត និងកាយ។
២- ឈាមក្រុម B
ជាមនុស្សគិតវែងឆ្ងាយ មានមហិច្ឆតាខ្ពស់ ចង់សម្រេចកិច្ចការធំ ហើយរាល់ការតាំងចិត្តចង់ឲ្យផែនការណាមួយកើតឡើង គេនឹងប្រឹងស៊ូធ្វើរហូតដល់បានសម្រេច។ ចំពោះមនុស្សជុំវិញខ្លួន គេជាអ្នកតួសំខាន់ដែលតែងស្វែងយល់ពីមនុស្សសឹងគ្រប់គ្នា។
– ចំណុចអវិជ្ជមាន៖ ច្រើនតែស្ទាក់ស្ទើរពេលប្រឈមមុខបញ្ហានានា។
៣- ឈាមក្រុម AB
A និង B បញ្ចូលគ្នា បង្កើតបានជាប្រភេទឈាម AB។ អ្នកឈាម AB អាចមានបុគ្គលិកលក្ខណៈចម្រុះបន្តិច ដូចជា ពូកែ និងអៀនច្រើន ក្លាហាន និងចូលចិត្តនិយាយបែបគំហក។ គេជាមនុស្សអាចទុកចិត្តបាន មានភាពទាក់ទាញខ្ពស់ តែងយកអាសា និងបារម្ភពីអ្នកជុំវិញខ្លួនមិនងាយខាន។ មនុស្សស្ថិតក្នុងក្រុមឈាម AB មានតិចតួច ឬចន្លោះពី ២-៥% នៃប្រជាជនពិភពលោក។
– ចំណុចអវិជ្ជមាន៖ ទោះជាគេមានទំនួលខុសត្រូវខ្ពស់ក៏ដោយ តែពេលប្រឈមនឹងបញ្ហាច្រើនពេក គេក៏មានភាពតានតឹងអារម្មណ៍ដូចក្រុមមនុស្សឈាមប្រភេទ A ដែរ។
៤- ឈាមក្រុម O
លក្ខណៈពិសេសបំផុតរបស់ឈាម O គឺភាពចុះសម្រុង មិនថាជាមួយមនុស្សប្រភេទណាទេ ព្រោះបើតាមលក្ខណៈវេជ្ជសាស្ត្រ ឈាម O អាចផ្តល់ឈាមឲ្យទៅឈាមប្រភេទណាក៏បាន។ ភាពពូកែរបស់អ្នកមានឈាមប្រភេទនេះ គឺមានទេពកោសល្យធ្វើឲ្យគេឯងសប្បាយ និងចាប់អារម្មណ៍គេណាស់។ គេជាមនុស្សជឿជាក់ខ្លួនឯងខ្ពស់ ធ្វើការជាមួយអ្នកណាក៏ចុះ ស្រឡាញ់សេរីភាព ចូលចិត្តធ្វើអីមិនក្រោមបង្គាប់បញ្ជានរណាគ្រប់ពេល។ ពួកគេអាចទ្រាំទ្រនឹងភាពតានតឹងបានច្រើន និងល្អជាងមនុស្សក្រុមឈាមដទៃ ហើយថែមទាំងមានប្រព័ន្ធភាពស៊ាំការពារការលុកលុយពីជំងឺនានាខ្លាំងទៀតផង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម