បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
លោកសាស្ត្រាចារ្យវេជ្ជបណ្ឌិត យឹម សុបុត្រា ឯកទេសវិកលវិទ្យា និងជាប្រធានផ្នែកសុខភាពផ្លូវចិត្ត និងបំពានគ្រឿងញៀន នៅមន្ទីរពេទ្យមិត្តភាពខ្មែរ-សូវៀត បានឲ្យដឹងថា អ្នកមានសុខភាពផ្លូវចិត្តទាំងអស់ គឺបណ្ដាលមកពីកត្តា ៣ យ៉ាងដូចខាងក្រោមនេះ។
១- ភូមិសាស្ត្រ
កត្តានេះវារាប់បញ្ចូលទាំងបរិស្ថានរស់នៅជុំវិញខ្លួន ទាក់ទងនឹងជីវភាព និងទំនាក់ទំនងជាមួយគ្រួសារ។ ប្រសិនបើយើងរស់នៅកន្លែងដែលចាំតែជិះជាន់ និងមិនឲ្យសេរីភាព ហើយចាំតែបន្ទោសបង្អាប់ ធ្វើឲ្យយើងរងសម្ពាធផ្លូវចិត្ត ហើយវាមិនមែនទើបតែកើតឡើងទេ គឺតាំងពីយូរដោយប្រមូលផ្ដុំទុក។ អ្នកដែលជួបបញ្ហានេះនៅពេលវិវត្តដល់ដំណាក់កាលធ្ងន់ធ្ងរហើយ អាចឈានទៅសម្លាប់ខ្លួនឯង ឬដៃគូ និងគ្រួសារជាដើម។
២- ជីវសាស្ត្រ
គ្រឿងស្រវឹង ឬថ្នាំញៀន ពេលចូលទៅចូលក្នុងខ្លួនពេលណា បណ្ដាលឲ្យពុលខួរក្បាល ធ្វើឲ្យមុខងារខួរក្បាលបាត់បង់ភាពប្រុងប្រយ័ត្ន ហើយពេលបើកបរបង្កជាគ្រោះថ្នាក់ធ្វើឲ្យស្លាប់អ្នកជុំវិញខ្លួន ខ្លួនឯង ឬពិការភាព។ ក្រោយកើតមានបញ្ហានេះធ្វើឲ្យមានវិប្បដិសារីក្នុងជីវិត ហើយសម្រាប់អ្នកញៀនថ្នាំធ្វើឲ្យវង្វេងវង្វាន់ គ្រប់គ្រងខ្លួនមិនបាន ហ៊ានធ្វើអ្វីៗគ្រប់យ៉ាងទាំងខុសច្បាប់។
កត្តាដែលនាំឲ្យមានបញ្ហានេះមិនមែនមានតែគ្រឿងស្រវឹង និងគ្រឿងញៀននោះទេ អ្នកប្រើប្រាស់ថ្នាំដទៃក៏អាចបង្កទៅជាមានជំងឺផ្លូវចិត្តដែរ។ ម្យ៉ាងទៀតសម្រាប់អ្នកកើតជំងឺផ្លូវកាយមួយចំនួនដូចជាមហារីក ទឹកនោមផ្អែម ជំងឺស្លាប់មួយចំហៀងខ្លួន ឬជំងឺរ៉ាំរ៉ៃមួយចំនួនទៀត ក៏អាចបណ្ដាលជាផ្លូវចិត្តវិញបានដែរ។
៣- ចិត្តសាស្ត្រ
អ្នកមានផ្លូវចិត្តទន់ជ្រាយ ពេលមានបញ្ហាច្រើនតែមិនអាចដោះស្រាយបាន។ ពេលមានបញ្ហាច្រើនទៅៗ ហើយគ្មានដំណោះស្រាយ ធ្វើឲ្យការខ្លួនវិវត្តទៅជាជំងឺផ្លូវចិត្តនេះបាន។
សាស្ត្រាចារ្យ យឹម សុបុត្រា ផ្នែកឯកទេសវិកលវិទ្យា បានបន្ថែមទៀតថា នរណាដែលមានកត្តាទាំង ៣ មានទំនាក់ទំនងជាមួយគ្នា នោះសភាពផ្លូវចិត្តស្ថិតក្នុងដំណាក់កាលធ្ងន់ធ្ងរ។
ដំណោះស្រាយ
ជំងឺផ្លូវចិត្តមាន ៣ ដំណាក់កាល ដំណាក់កាលស្រាល ដំណាក់កាលមធ្យម និងដំណាក់កាលធ្ងន់ធ្ងរ។ ប្រសិនបើមានបញ្ហាកុំបន្តទុកត្រូវរកដំណោះស្រាយ រកពេលសម្រាលលំហែ នេះស្ថិតក្នុងករណីស្រាល។ ប៉ុន្តែបើដល់ធ្ងន់ធ្ងរហើយត្រូវរកគ្រូពេទ្យជំនាញ ដើម្បីមានអ្នកប្រឹក្សា ជួយសម្រាលអារម្មណ៍បានប្រសើរឡើងវិញ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
