មនុស្សគ្រប់រូបមិនអាចគេចផុតឡើយពីអារម្មណ៍សោកសៅ ហើយជារើយៗកើតមានពេលដែលជីវិតរបស់យើងជួបការពិបាកហើយអារម្មណ៍ពិបាកចិត្ដទាំងនោះនឹងបាត់ទៅវិញក្នុងមួយរយៈក្រោយមក។ ប៉ុន្តែមានអ្នកខ្លះ នៅបន្តមានអារម្មណ៍ពិបាកចិត្ដក្នុងរយៈពេលយូរ ហើយអារម្មណ៍នោះក៏ធ្វើឲ្យប៉ះពាល់ដល់ជីវិតរស់នៅរបស់អ្នកទាំងនោះទៀតផង។ អារម្មណ៍បែបនេះ អាចធ្វើឲ្យអ្នកទាំងនោះមិនអាចធ្វើការ ឬគេងបាន ហើយមានពេលខ្លះ អ្នកជួបបញ្ហានេះគិតថាខ្លួនឯងមិនមានតម្លៃ។ អារម្មណ៍ទាំងអស់នេះ អាចជាសញ្ញាដំបូងនៃជំងឺបាក់ទឹកចិត្ដ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
យើងគួរធ្វើម៉េចខ្លះ ដើម្បីកែលម្អបញ្ហានេះ?
អត្ថបទនេះមានកំហុស ព័ត៌មាន ឬតួលេខមិនត្រឹមត្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
អត្ថបទនេះមានព័ត៌មានមិនគ្រប់គ្រាន់
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ហមមម... ខ្ញុំមានចម្ងល់ពីបញ្ហាសុខភាពខ្លះចង់សាកសួរ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
អារម្មណ៍សោកសៅ អាចវិវត្តទៅជាជំងឺបាក់ទឹកចិត្តបើចេញរោគសញ្ញាទាំងនេះ
អត្ថបទពាក់ព័ន្ធ៖
- កត្តានេះហើយ ទើបយុវវ័យឥឡូវ ប្រឈមនឹងជំងឺបាក់ទឹកចិត្តខ្ពស់
- “ថប់បារម្ភ” ជាជំងឺគួរឲ្យខ្លាច មិនចាញ់ជំងឺ “បាក់ទឹកចិត្ត”
- ជំងឺដ៏សែនគ្រោះថ្នាក់មួយ កើតនៅកន្លែងធ្វើការ ដោយអត់ដឹងខ្លួន
- បើដឹងខ្លួនឯងបាក់ទឹកចិត្ត កុំតាមដានរឿង Sad ពេក ប្រយ័ត្នលើសដើម
១- រោគសញ្ញារបស់ជំងឺបាក់ទឹកចិត្ដ
រោគសញ្ញារបស់ជំងឺបាក់ទឹកចិត្ដ ដែលយើងឃើញញឹកញាប់ជាងគេមានដូចជា៖
– អារម្មណ៍មួម៉ៅ
– គិតថាគ្មានអ្វីនៅសេសសល់ក្នុងខ្លួន
– លែងចង់ធ្វើអ្វីដែលខ្លួនធ្លាប់ចូលចិត្ដ
– ឡើង ឬស្រកគីឡូខុសធម្មតា
– មានបញ្ហាដំណេក អាចគេងមិនគ្រប់ ឬគេងច្រើនពេក
– អារម្មណ៍ឆេវឆាវ
– អស់កម្លាំង
– មានវិប្បដិសារីដោយគ្មានមូលហេតុ
– ប៉ះពាល់ដល់ស្មារតីដូចជា ពិបាកផ្ចង់អារម្មណ៍ ឬពិបាកក្នុងការសម្រេចចិត្ដ
– ធ្លាប់គិតដល់ ឬព្យាយាមសម្លាប់ខ្លួន
អត្ថបទពាក់ព័ន្ធ:
- ស្តាប់តន្រ្តី ផ្ដល់គុណប្រយោជន៍ច្រើនយ៉ាងដល់សុខភាពផ្លូវចិត្ត
- ការរត់ហាត់ប្រាណផ្ដល់អត្ថប្រយោជន៍ច្រើនយ៉ាងដល់សុខភាពផ្លូវចិត្ត
- បញ្ហាកម្ពស់ធ្វើឲ្យអ្នកខ្លះពិបាកចិត្ត សាកគិតវិជ្ជមានតាមវិធីនេះនឹងជួយផ្លូវចិត្តបាន
២- កត្តាប្រឈមមុខជាមួយជំងឺបាក់ទឹកចិត្ដ
ជំងឺបាក់ទឹកចិត្ដអាចកើតលើមនុស្សគ្រប់គ្នា។ ជំងឺនេះកើតលើមនុស្សគ្រប់វ័យ គ្រប់ភេទ និងសញ្ជាតិ។ ប៉ុន្តែមានកត្ដាមួយចំនួន អាចឲ្យយើងងាយកើតជំងឺនេះជាងអ្នកដទៃ មានដូចជា៖
– ធ្លាប់រងការប៉ះពាល់ផ្លូវចិត្ដកាលពីនៅតូច
– មិនសូវទុកចិត្ដលើខ្លួនឯង
– មានសមាជិកគ្រួសារកើតជំងឺបាក់ទឹកចិត្ដ ឬជំងឺផ្លូវចិត្ដណាមួយផ្សេង
– ធ្លាប់ប្រើសារធាតុញៀន
– ផ្ដាច់ខ្លួនចេញពីសង្គម
– មិនងាយសម្របខ្លួនជាមួយមជ្ឈដ្ឋានថ្មី
– មិនមានអ្នកជួយលើកទឹកចិត្ដ
ក្រៅពីនេះនៅមានថ្នាំមួយចំនួន ក៏ធ្វើឲ្យប្រឈមកើតជំងឺបាក់ទឹកចិត្ដដែរ៖- ពពួកថ្នាំ Beta-blockers
– ពពួកថ្នាំ Corticosteroids
– ពពួកថ្នាំអ័រម៉ូន
– ពពួកថ្នាំ Statins
៣- ពេលណាត្រូវស្វែងរកជំនួយ?
បើមានអារម្មណ៍សោកសៅទុក្ខព្រួយលើសពី ២សប្ដាហ៍ ត្រូវនិយាយជាមួយវេជ្ជបណ្ឌិត ពិសេសពេលគិតថាចង់សម្លាប់ខ្លួន។ ក្នុងករណីអារម្មណ៍នេះប៉ះពាល់ដល់ការរស់នៅប្រចាំថ្ងៃ យើងគួរពិភាក្សាជាមួយមនុស្សជាទីស្រលាញ់ មិត្តភក្តិ ឬសមាជិកគ្រួសារ។ គ្នាយើងត្រូវចាំថាជំងឺនេះនឹងឆាប់ជាមកវិញ បើយើងចេះចែករំលែកអារម្មណ៍ពិបាកចិត្ដចេញមកក្រៅ។
៤- ទម្លាប់រស់នៅអាចបង្ការជំងឺបាក់ទឹកចិត្ត
ទម្លាប់រស់នៅមួយចំនួននេះ អាចជួយយើងបង្ការកុំឲ្យធ្លាក់ខ្លួនកើតជំងឺបាក់ទឹកចិត្ត ដូចជា៖
– កុំឃ្លាតឆ្ងាយពីមិត្តភក្ដិ
– គួរចំណាយពេលវេលាធ្វើអ្វីដែលខ្លួនចូលចិត្ត
– ហាត់ប្រាណ ឬលេងកីឡា
– ជ្រើសរើសការចិញ្ចឹមសត្វ បើយើងចូលចិត្ត
– ចៀសវាងប្រើគ្រឿងញៀន ឬគ្រឿងស្រវឹង
– ញ៉ាំអាហារមានសុខភាពល្អ និងគេងឲ្យបានច្រើន
– បើមិនអាចដេកលក់ទេ យើងអាចងាកធ្វើសមាធិដែលអាចជួយយើងបាន។
ក្រៅពីនេះ យើងត្រូវពិគ្រោះ និងព្យាបាលជាមួយគ្រូពេទ្យជំនាញឲ្យបានត្រឹមត្រូវ។ ការព្យាបាលតាមបែបប្រឹក្សាយោបលផ្លូវចិត្ដ គឺជាវិធីមានប្រសិទ្ធភាពខ្ពស់ក្នុងការព្យាបាលជំងឺបាក់ទឹកចិត្ដ។ សម្រាប់ថ្នាំវិញ យើងក៏ចាំបាច់ត្រូវប្រើប្រាស់ដែរ។ ថ្នាំប្រឆាំងជំងឺបាក់ចិត្ដ (antidepressants) ដែលយើងត្រូវលេប គឺអាស្រ័យទៅតាមស្ថានភាពជំងឺ ប្រវត្តិក្រុមគ្រួសារ និងទៅតាមរបៀបនៃការរស់នៅ។ ត្រូវចាំថាថ្នាំព្យាបាលជំងឺបាក់ទឹកចិត្ដ មិនប្រាកដថាមានប្រសិទ្ធភាពលើមនុស្សគ្រប់រូបនោះទេ។ ដោយសារមានអ្នកជំងឺខ្លះ ធ្វើទុក្ខកាន់តែខ្លាំង ក្រោយពេលប្រើប្រាស់ថ្នាំព្យាបាលជំងឺបាក់ទឹកចិត្ដនេះ។ គ្នាយើងត្រូវប្រាប់គ្រូពេទ្យជាបន្ទាន់ ប្រសិនបើគិតថាថ្នាំលេបទៅមិនមានប្រសិទ្ធភាព ឬធ្វើឲ្យយើងបាក់ទឹកចិត្ដកាន់តែខ្លាំងជាងមុន។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Is It Depression or Just the Blues? http://www.webmd.com/depression/is-it-depression-or-the-blues. Accessed January 25, 2017.
Is It Depression or Sadness? Learn the Signs. http://www.healthline.com/health/depression/depression-vs-sadness. Accessed January 25, 2017.
