“សម្លាប់ខ្លួន” មិនមែនជាជំងឺផ្លូវចិត្តទេ ប៉ុន្តែទូទៅកើតឡើងដោយសារតែមានបញ្ហាផ្លូវចិត្តធ្ងន់ធ្ងរ ដូចជា ជំងឺបាក់ទឹកចិត្ត ជំងឺផ្លូវចិត្ត Bipolar ស្ត្រេស ជំងឺថប់បារម្ភ ឬបញ្ហាក្រោយពេលរងគ្រោះអ្វីមួយ (Post-traumatic problems)។ សញ្ញាព្រមានចង់សម្លាប់ខ្លួន អាចជួយយើង ឬបងប្អូន កូនចៅ ចៀសវាងពីផលវិបាក ហេតុនេះ “Hello គ្រូពេទ្យ” នឹងបញ្ជាក់សញ្ញាចង់សម្លាប់ខ្លួនមួយចំនួនឲ្យគ្រប់គ្នាបានដឹង។
បើកូនចៅ បងប្អូន ឬមិត្តភក្តិមានសញ្ញបែបនេះ ត្រូវប្រយ័ត្នផង គេអាចគិតចង់សម្លាប់ខ្លួន!
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- សញ្ញាសំខាន់បង្ហាញពីចេតនាចង់សម្លាប់ខ្លួន
– អារម្មណ៍អស់សង្ឃឹម៖ អស់សង្ឃឹម ជាសញ្ញាសាមញ្ញបំផុតនៃគ្នាយើងមានជំងឺបាក់ទឹកចិត្ត។ គ្នាយើងដែលសម្លាប់ខ្លួន ច្រើនមានអារម្មណ៍សុញ គិតអ្វីមិនឃើញ ឬអស់សង្ឃឹមដោយសារស្ថានភាពអ្វីមួយ ហើងភាពអស់សង្ឃឹមនេះ អាចបណ្ដាលឲ្យមានអារម្មណ៍អវិជ្ជមាន ចំពោះស្ថានភាពបច្ចុប្បន្ន និងអនាគតទៅមុខ។
– ពិបាកចិត្ត និងទុក្ខសោកខ្លាំង៖ មានអារម្មណ៍ប្រែប្រួល ដូចជា មានអារម្មណ៍ទុក្ខសោកខ្លាំង នៅថ្ងៃទីមួយ បន្ទាប់មកបាត់បង់ភាពជឿជាក់នៅថ្ងៃបន្ទាប់។ ការប្រឈមមុខនឹងទុកសោក ក្នុងរយៈពេលវែង អាចធ្វើឲ្យយើងស្ត្រេស ហើយការពិបាកចិត្ត និងទុក្ខសោកខ្លាំងទាំងនេះ ជាមូលហេតុចម្បងនាំឲ្យគិតចង់សម្លាប់ខ្លួន។
– បញ្ហារឿងគេង៖ គេង ជួយឲ្យខួក្បាលបានសម្រាក ដើម្បីជួសជុលការខូចខាត និងធ្វើឲ្យមុខងាររាងកាយល្អប្រសើរឡើងវិញ។ គ្នាយើង មានបញ្ហាការគេងយូរអង្វែង អាចធ្វើឲ្យរបួសក្នុងខួរក្បាល មិនអាចជួសជុលបាន។ គេងមិនលក់ គឺជាមូលហេតុគ្រោះថ្នាក់បំផុត នាំឲ្យយើងគិតចង់សម្លាប់ខ្លួន។
– ផ្លាស់ប្ដូរបុគ្គលិកលក្ខណៈ និងរូបរាង៖ ការផ្លាស់ប្ដូរអាកប្បកិរិយា ឬបុគ្គលិកលក្ខណៈ ក៏ដូចជារូបរាង ក៏ជាសញ្ញាមួយចំពោះគ្នាយើងចង់សម្លាប់ខ្លួន ដូចជា និយាយយឺតៗ ងាយខឹង ឆាប់អន់ចិត្ត ឬគេងយូរ និងញ៉ាំច្រើន ឬតាំងចិត្តចង់ស្លាប់ ជិតស្លាប់ ឬបង្កហិង្សា ជាដើម។ គ្នាយើងមានបញ្ហារៀបរាប់ទាំងនេះ មិនគិតពីរូបរាងខ្លួនឯង នៅពេលដែលមានការប្រែប្រួលទៅមិនល្អឡើយ។ ខ្លះទៀតអាច នឹងផ្លាស់ប្ដូរទម្លាប់ផ្សេងទៀត ដូចជាការញ៉ាំ ឬគេង ជាដើម។
– មានអារម្មណ៍ឯកោ៖ គ្នាយើងចង់សម្លាប់ខ្លួន មិនចង់មានទំនាក់ទំនងក្នុងសង្គម រាប់បញ្ចូលទាំង គ្រួសារ និងមិត្តភក្ដិ ដោយតែងបង្ហាញអារម្មណ៍ដកខ្លួនឆ្ងាយពីការទាក់ទងក្នុងសង្គម និងចង់នៅតែម្នាក់ឯង។ គ្នាយើងច្រើនចង់នៅតែឯង ហើយចៀសវាងពីសកម្មភាពសាធារណៈ លែងចាប់អារម្មណ៍អ្វីធ្លាប់ចូលចិត្ត និងធ្វើឲ្យសប្បាយរីករាយពីមុនៗ។
– ចង់ធ្វើខ្លួនឯងមានគ្រោះថ្នាក់៖ ពួកគេចាប់ផ្ដើមចង់ធ្វើអ្វីបង្កគ្រោះថ្នាក់លើខ្លួនឯង ដូចជា ផឹកស្រា ឬប្រើថ្នាំញៀនច្រើន បើកបរដោយគ្មានការយកចិត្តទុកដាក់ ឬរួមភេទដោយមិនការពារជាដើម។ គេលែងចាប់អារម្មណ៍លើសុវត្ថិភាពផ្ទាល់ខ្លួន ឬលែងឲ្យតម្លៃលើជីវិតខ្លួនឯង។
– គំនិតចង់សម្លាប់ខ្លួន៖ មនុស្សជាច្រើនជឿថា គ្នាយើងចង់សម្លាប់ខ្លួន នឹងបញ្ចេញអាការៈព្រមានទៅគ្រួសារ និងមិត្តភក្ដិ ឧទាហរណ៍ ដូចជានិយាយពាក្យថាលាហើយទៅមនុស្សជុំវិញខ្លួន ទាំងនោះហាក់ដូចជាមិនឃើញមនុស្សទាំងនោះ។ អាចនិយាយដដែលៗ ពីគំនិតចង់សម្លាប់ខ្លួន ឧទាហរណ៍ ដូចជា និយាយថា “ខ្ញុំនឹងសម្លាប់ខ្លួន” “ខ្ញុំចង់ស្លាប់” ឬ “ខ្ញុំមិនចង់កើតមកទេ” ។ គ្នាយើងមានសញ្ញាទាំងនេះ អាចនឹងរៀបចំសម្រាប់ផែនការសម្លាប់ខ្លួន ដូចជា ទិញកាំភ្លើង ឬទិញថ្នាំទុក ឬឲ្យរបស់របរផ្ទាល់ខ្លួនទៅអ្នកដទៃ បង្កឲ្យមានរឿងអាស្រូវ ដើម្បីមានលេសសមស្របដើម្បីសម្លាប់ខ្លួនឯង។
អត្ថបទពាក់ព័ន្ធ៖
- បើថប់បារម្ភ ត្រូវគ្រប់គ្រងអារម្មណ៍យ៉ាងម៉េច ទើបជីវិតប្រសើរ?
- ដំណឹងល្អ! មានថ្នាំព្យាបាលជំងឺបាក់ទឹកចិត្ត ជាផ្លូវការហើយ
២- នរណាខ្លះដែលមើលទៅចង់សម្លាប់ខ្លួន?
អត្រាសម្លាប់ខ្លួន ខុសៗគ្នាក្នុងចំណោមក្រុមមនុស្សផ្សេងៗ មិនរើសវ័យនោះឡើយ ខណៈក្រុមមនុស្សប្រឈមខ្លាំងចេតនាសម្លាប់ខ្លួនខ្លាំងមានដូចជា៖
– មានជំងឺធ្ងន់ធ្ងរ មិនអាចព្យាបាលបាន
– ប្រវត្តិសមាជិកគ្រួសារសម្លាប់ខ្លួន
– ធ្លាប់មានមិត្តភក្ដិសម្លាប់ខ្លួន
– ធ្លាប់រងគ្រោះពីអំពើហិង្សាទាំងផ្លូវកាយ ផ្លូវចិត្ត និងផ្លូវភេទ
– បាក់ទឹកចិត្តយូរ ឬមានជំងឺផ្លូវចិត្តយូរ
- មិនបានរៀបការ មិនមានជំនាញ ឬមិនមានការងារធ្វើ
– ធ្លាប់ចង់សម្លាប់ខ្លួនពីមុនមក
– មានបញ្ហាញៀនថ្នាំ
បើយើងមានអារម្មណ៍ពិបាកចិត្ត ចង់សម្លាប់ខ្លួន ឬចង់ធ្វើឲ្យខ្លួនឯងរងគ្រោះ សូមកុំផឹកស្រា ត្រូវបង្ហាញអារម្មណ៍យើងកំពុងកើតមាន ទៅមនុស្សដែលជិតស្និត ដូចជា មិត្តភក្ដិ ក្រុមគ្រួសារ ឬរកអ្នកពិគ្រោះយោបល់ ក្រុមជំនួយ ដើម្បីជួយអ្នកដោះស្រាយបញ្ហាយើងកំពុងប្រឈមមុខ។
ការសម្លាប់ខ្លួន មិនអាចព្យាបាលដោយថ្នាំពេទ្យបានទេ តែអាចព្យាបាលតាមរយៈការយកចិត្តទុកដាក់ គាំទ្រ ពីក្រុមគ្រួសារ និងមិត្តភក្ដិ និងដោះស្រាយមូលហេតុនាំឲ្យយើងគិតចង់សម្លាប់ខ្លួន។ ត្រូវទៅជួបពេទ្យ ដើម្បីដឹងពីបញ្ហាចម្បង ពេលយើងចេះតែមានអារម្មណ៍ចង់សម្លាប់ខ្លួន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម