home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ធ្វើការរាល់ថ្ងៃស្ត្រេសណាស់ គួរទប់ទល់អារម្មណ៍ធុញថប់បែបណាទើបល្អ?

ធ្វើការរាល់ថ្ងៃស្ត្រេសណាស់ គួរទប់ទល់អារម្មណ៍ធុញថប់បែបណាទើបល្អ?

នៅ​ក្នុង​ការ​រស់​នៅ​ប្រចាំ​ថ្ងៃ​របស់​យើង​ឥឡូវ​នេះ ម្នាក់ៗ​ងាយ​នឹង​រង​សម្ពាធ​ផ្លូវ​អារម្មណ៍​ដោយ​សារ​ការ​ស្រ្តេស​ដែល​កើត​ឡើង​នៅ​ក្នុង​ជីវិត ទាំង​ការងារ ការ​សិក្សា។ល។ ដូច​នេះ​ហើយ យើង​ត្រូវ​ចេះ​រក​វិធី​ទប់​ទល់​នឹង​អារម្មណ៍​ពេល​មាន​សម្ពាធ​ទើប​ល្អ ចៀស​វាង​ការ​ប៉ះពាល់​កាន់​តែ​ខ្លាំង។

បញ្ហា​នេះ វេជ្ជបណ្ឌិត យឹម សុបុត្រា ជំនាញ​វិកល​វិទ្យា​បាន​បក​ស្រាយ​ឲ្យ​ដឹង​ថា វិធី​សាស្ត្រ​ក្នុង​ការ​ទប់​ទល់​នឹង​ភាព​តាន​តឹង​គឺ​មាន​ច្រើន​តាម​ចំណូល​ចិត្ត​របស់​បុគ្គល​ម្នាក់ៗ​ដូច​ជា ការ​លំហាត់​ប្រាណ ដើរ​លេង ស្ដាប់​បទ​ចម្រៀង ជួបជុំ​មិត្តភក្ដិ។ “និយាយ​ទៅ អ្វី​ដែល​ធ្វើ​ឲ្យ​អារម្មណ៍​យើង​បាន​ធូរ​ស្បើយ គេ​ហៅ​ថា ការ​គ្រប់​គ្រង​ភាព​តាន​តឹង ឬ stress management។ ជាទូទៅ ការ​ដែល​ធ្វើ​ឲ្យ​អារម្មណ៍​បាន​ធូរ​ស្បើយ​គឺ​អាស្រ័យ​ទៅ​លើ​ជម្រើស​នៃ​​សកម្មភាព​ដែល​បុគ្គល​នោះ​ធ្វើ​ដើម្បី​បំបាត់​ភាព​តាន​តឹង​ដែល​មាន​នៅ​ក្នុង​ខ្លួន”។

លោក​បន្ត​ថា ក្នុង​ចំណោម​វិធី​ទាំង​នេះ​ ​មួយ​ណា​ក៏​ល្អ​ដែរ ឲ្យ​តែ​មាន​ប្រសិទ្ធិភាព​ក្នុង​ការ​ជួយ​បុគ្គល​នោះ​មាន​អារម្មណ៍​ល្អ​ប្រសើរ​ឡើង​វិញ។ ប៉ុន្តែ ប្រសិន​បើបុគ្គល​ដែល​កំពុង​តែ​ពោរពេញ​ទៅ​ដោយ​ភាព​តាន​តឹង ស្ត្រេស​នៅ​ក្នុង​ខួរ​ក្បាល​ច្រើន ហើយ​ជ្រើស​រើស​យក​ការ​ផឹក​ស្រា ជក់​បារី ឬ​ប្រើ​ថ្នាំ​ញៀន​ដើម្បី​ឲ្យ​សប្បាយ បំបាត់​ភាព​ធុញ​ថប់​គឺ​មិន​មែន​ជា​មធ្យោបាយ​ល្អ​ទេ។

ក្នុង​ករណី​ដែល​ផ្ទុក​ភាព​តាន​តឹង​ច្រើន​ពេក​នៅក្នុង​ខ្លួន ហើយ​ទោះ​ខំ​ប្រឹង​ហាត់​ប្រាណ ឬ​ដើរ​លេង​យ៉ាង​ណា​ក៏​មិន​អាច​ធ្វើ​ឲ្យ​ខ្លួន​ឯង​បាន​ធូរ​ស្រាល​ចិត្ត​ឡើង​វិញ​ទេ​នោះ គួរ​ណា​ទៅ​រក​គ្រូពេទ្យ​ជំនាញ​ចិត្តសាស្ត្រ ដើម្បី​ពិគ្រោះ​រក​មធ្យោបាយ​ដោះ​ស្រាយ​ឲ្យ​បាន​លឿន ចៀសវាង​វា​ក្លាយ​ទៅ​ជា​ជំងឺ​ផ្លូវ​ចិត្ត​ធ្ងន់ធ្ងរ​ ដូច​ជា​ជំងឺ​បាក់​ទឹក​ចិត្ត ឬ​អាច​គិត​ដើរ​ផ្លូវ​អាក្រក់។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

សោកសៅដោយសារស្នេហារអាចប៉ះពាល់សុខភាពផ្លូវចិត្ត តិចនិកនេះអាចជួយបាន

​កត្តានេះហើយ ទើបយុវវ័យឥឡូវ ប្រឈមនឹងជំងឺបាក់ទឹកចិត្តខ្ពស់

បញ្ហាកម្ពស់ធ្វើឲ្យ​អ្នកខ្លះពិបាកចិត្ត សាកគិតវិជ្ជមានតាមវិធីនេះនឹងជួយផ្លូវចិត្តបាន

ស្ត្រេសនឹងការងារ ធ្វើឲ្យប៉ះពាល់ដល់សុខភាពបេះដូង

ស្ដាប់តន្ត្រី ពេលបើកឡាន ជួយដល់សុខភាពផ្លូវចិត្ត

ពិត​អត់​? ស្រ្តេស តប់​ប្រមល់​ធ្វើ​ឲ្យ​បាក់​សម្រស់ និង…

ធុញ​ការងារ​កម្រិត​ណា សាក​វាស់​ខ្លួន​ឯង​ប៉ុន្មាន​ចំណុច​នេះ

ប្រើប្រាស់សារលើទូរសព្ទ ជាមូលហេតុធ្វើឲ្យយើងស្ត្រេសកាន់តែខ្លាំង?

អាថ៌កំបាំងមនុស្សភាគច្រើនមិនធ្លាប់ដឹងពីបញ្ហា "ស្ត្រេស"


រូបថត​របស់​អ្នក​និពន្ធbadge
ដោយ នាង សុខុមដាលីញ៉ា កែសម្រួល​ចុងក្រោយ 06/07/2020
ត្រួតពិនិត្យដោយ វេជ្ជ. ចាន់ ស៊ីណេត