បាក់ទឹកចិត្ត ជាបញ្ហាសឹងតែគ្រប់គ្នាជួបប្រទះ ហើយភាគច្រើន កើតលើយុវជន ធ្វើឲ្យចុះខ្សោយទាំងសុខភាពផ្លូវចិត្ត និងផ្លូវកាយ ហើយឈានទៅធ្វើអត្តឃាតក៏មាន។ ជាដំណឹង និងដំណោះស្រាយល្អមួយ សម្រាប់ប្រុសៗគ្នាយើង គឺ ចិនអះអាងថាហាត់ប្រាណ ជួយការពារជំងឺបាក់ទឹកចិត្ត។
ជឿអត់ថា ហាត់ប្រាណ ជួយការពារប្រុសៗ ពីជំងឺបាក់ទឹកចិត្ត?
អ្នកស្រាវជ្រាវនៅសាកលវិទ្យាល័យ Michigan របស់សហរដ្ឋអាមេរិក ធ្វើការសិក្សាលក្ខណៈហាត់ប្រាណ និងដេក របស់និស្សិត ជាង ១.១០០នាក់ នៅសាកលវិទ្យាល័យប៉េកាំង។ និស្សិតចូលរួមក្នុងការសិក្សានេះ ឆ្លើយសំនួរពាក់ព័ន្ធនឹងបញ្ហា ៣សំខាន់របស់ពួកគេ គឺរោគសញ្ញាជំងឺបាក់ទឹក ទម្លាប់សកម្មភាពរាងកាយ (ហាត់ប្រាណ) និងដំណេក។
លទ្ធផល បញ្ជាក់ថា ហាត់ប្រាណ ប៉ះពាល់លើជំងឺបាក់ទឹកចិត្តខុសគ្នា រវាងប្រុសៗ និងស្រីៗ។ ខុសគ្នា ត្រង់ថា ហាត់ប្រាណ ជួយប្រុសៗការពារនឹងជំងឺបាក់ទឹកចិត្ត ប៉ុន្ដែស្រីៗ អត់នោះទេ។ លទ្ធផលនេះ ផ្ទុយនឹងការសិក្សាពីមុនៗ ថា ទម្លាប់ហាត់ប្រាណទៀងទាត់ ជួយកាត់បន្ថយជំងឺបាក់ទឹកចិត្ត។ ជាមួយគ្នានេះ អ្នកស្រាវជ្រាវ រកឃើញថា បញ្ហាដំណេក ពាក់ព័ន្ធជាមួយជំងឺបាក់ទឹកចិត្ត ទាំងប្រុសៗ និងស្រីៗ។
អត្ថបទពាក់ព័ន្ធ៖
- នេះហើយ ជាសញ្ញាប្រាប់ថាសិស្សសាលាកំពុងមានជំងឺបាក់ទឹកចិត្ត
- សូមប្រយ័ត្នចំពោះមនុស្សចាស់! បើមានសញ្ញាទាំងនេះ បញ្ជាក់ថាជំងឺបាក់ទឹកចិត្តកំពុងលុកលុយ
ភាពជាប់ពាក់ព័ន្ធរវាងដំណេក ហាត់ប្រាណ និងអារម្មណ៍ អាចពន្យល់ថា ស្រីៗ មានអត្រាខ្ពស់កើតជំងឺបាក់ទឹកចិត្ត។ លោក Weiyun Chen សាស្ត្រាចារ្យផ្នែកចលនារាងកាយមនុស្ស (kinesiology) បញ្ជាក់ថា លទ្ធផលការសិក្សានេះ ស្រដៀងនឹងលទ្ធផលសិក្សាពីមុនផងដែរ ដោយរោគសញ្ញាជំងឺបាក់ទឹកចិត្ត រកឃើញលើស្រីៗ ច្រើនជាងប្រុសៗ ក្នុងអត្រា ស្រីៗកើតជំងឺនេះ ២នាក់ ប្រុសៗកើតតែម្នាក់ប៉ុណ្ណោះ។ តែប្រុសៗ ប្រឈមអត្រាអត្ដឃាត ខ្ពស់ជាងស្រីៗ ដោយប្រុសៗ មានរហូតដល់ ៥ដង តែស្រីៗ មានត្រឹមតែ ៣ដងប៉ុណ្ណោះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម