ស្វែងរកអត្ថន័យជីវិត ប្រៀបបានជាស្រមោលអន្ទោលតាមប្រាណ បើទោះបីជាយើងមិនចាំបាច់បែរក្រោយ ត្រឡប់មើលអតីតកាលក៏ពិតមែន តែយើងទាំងអស់គ្នា សុទ្ធតែចង់ដឹងច្បាស់ពីគោលដៅក្នុងជីវិតផ្ទាល់ខ្លួន ព្រមទាំងអ្វីគ្រប់យ៉ាងផ្សេងទៀត មិនមែនគ្រាន់ជារឿងចៃដន្យ ឬគាប់ជួននោះឡើយ។ ពិតណាស់ ចម្លើយសម្រាប់សំណួរ “ស្វែងរកអត្ថន័យជីវិត” មិនងាយស្រួលដូចយើងគិតទេ ប៉ុន្តែប្រហែលជាសំណួរទាំងបី ក្នុងអត្ថបទនេះ អាចជួយបកស្រាយចម្ងល់យើងចង់ដឹងបានខ្លះ។
៣សំណួរ អាចជួយយើងស្វែងរកអត្ថន័យ "ជីវិត"
ត្រួតពិនិត្យដោយ គឹម កាណែល
១- អ្វីសំខាន់បំផុតសម្រាប់ខ្លួនយើង?
សម្រាប់មនុស្សជាច្រើន សំណួរមួយនេះ មានការពិបាកឆ្លើយជាងគេ។ ជាការពិត ក្នុងមួយជីវិតយើង គឺរង់ចាំអ្នកដទៃប្រាប់ថា អ្វីដែលសំខាន់បំផុតសម្រាប់យើង។ ពេលនៅក្មេង ប៉ាក់ម៉ាក់ ជាមនុស្សស្និតស្នាលបំផុត អាចជាអ្នកប្រាប់នូវអ្វីដែលយើងគួរធ្វើ តែពេលពេញវ័យ យើងត្រូវបានទទួលឥទ្ធិពលខ្លះៗ ពីមិត្តភក្តិមិត្ត អ្នករួមការងារ ដៃគូស្នេហា ព្រមទាំងប្រព័ន្ធផ្សព្វផ្សាយជាដើម។ ចុះគ្នាយើងមានធ្លាប់ពិចារណា ឲ្យតម្លៃខ្លួនឯងអត់?
សំណួរនេះ យើងអាចបែងចែកសំណួរ ទៅជាច្រើនផ្នែក ច្រើនកម្រិតផ្សេងទៀត តើអ្វីជាបញ្ហាសំខាន់ជាងគេក្នុងពិភពលោក? ដោយសារហេតុផលអ្វីខ្លះ? ហើយអ្នកណាជាមនុស្សសំខាន់បំផុតសម្រាប់អ្នក? ក្ដីប្រាថ្នា និងក្ដីសុបិនយើងសម្រាប់ពួកគេមានអ្វីខ្លះ? តើតម្លៃយើងទទួលបានមានអ្វីខ្លះ? ចុះបែបផែនជីវិតក្នុងការរស់នៅប្រចាំថ្ងៃរបស់យើង សមស្របទៅនឹងគុណតម្លៃទាំងនេះដោយរបៀបណា? សំណួរទាំងនេះ មិនមែនធ្វើឡើង ហើយអាចឆ្លើយតបមកវិញត្រឹម ១ ថ្ងៃឡើយ ព្រោះវាប្រហែលជាមិនអាចដោះស្រាយបានពេញមួយជីវិតក៏មាន។ ទោះយ៉ាងណា យើងអាចធ្វើសួរម្ដងហើយម្ដងទៀត ដោយសារតែពេលខ្លះ លទ្ធផល គឺមិនអាចរាប់ដោយមាត់បាននោះទេ។
២- តើខ្លួនឯងពូកែខាងអ្វីឲ្យប្រាកដ?
បើចង់ស្វែងរកអត្ថន័យជីវិត គួរតែតាមរកទេពកោសល្យពិតរបស់យើងជាមុនសិន ព្រោះនៅពេលយើងដឹងថា ខ្លួនយើងប៉ិនប្រសព្វលើអ្វីមួយហើយនោះ មិនត្រឹមតែធ្វើឲ្យជីវិតយើងប្រសើរឡើងនោះទេ ក៏អាចកែប្រែពិភពលោកឲ្យទៅជាកន្លែងមួយស្រស់បំព្រងសម្រាប់យើង និងមនុស្សជាទីស្រលាញ់យើងបានដូចគ្នា។
យើងម្នាក់ៗ សុទ្ធតែមានចំណុចពិសេសរៀងខ្លួន ព្យាយាមបញ្ចេញនូវទេពកោសល្យ និងចរិតលក្ខណៈរបស់ខ្លួនឯង តើយើងពូកែខាងប្រាស្រ័យទាក់ទង ឬទេ? តើស្រឡាញ់ក្នុងការបង្រៀនដទៃ ឬទេ? តើយើងជាមនុស្សពូកែវិភាគរកគំនិតថ្មី យកចិត្តទុកដាក់ ឬគោរពវិន័យដែរទេ? តើមានសកម្មភាព ឬកីឡាជាក់លាក់ណាមួយ ធ្វើឲ្យអ្នកមានអារម្មណ៍ថាមានទេពកោសល្យពីកំណើត?
សូមកុំបណ្ដោយឲ្យការវាយតម្លៃរបស់សង្គម រារាំងក្ដីសុបិនរបស់យើង។ ពេលណា យើងមានទេពកោសល្យ ដែលអ្នកផ្សេងមិនមាននោះឱកាសជោគជ័យ គឺមានកាន់តែច្រើន នាំយើងអាចដើរទៅរកអត្ថន័យនៃជីវិតខ្លួនបានកាន់តែងាយ។
អត្ថបទពាក់ព័ន្ធ៖
- “អាពាហ៍ពិពាហ៍” ជួយឲ្យជីវិតសប្បាយរីករាយ ពិតមែនអត់?
- “ស្នេហា” មានគុណប្រយោជន៍ស្ទើរមិនគួរឲ្យជឿ
៣- អ្វីជាសក្ដានុពលសម្រាប់យើង?
សំណួរពីរខាងលើនេះ នឹងបង្ហាញយើងកាន់តែច្បាស់ ខណៈសំណួរចុងបញ្ចប់ គឺផ្ដោតទៅលើមនុស្សម្នាក់យើងនឹងអាចក្លាយទៅជា នៅថ្ងៃអនាគត ហើយចាំថា មនុស្សម្នាក់ៗ មានសក្ដានុពល ឆ្ពោះទៅរកភាពជោគជ័យ ក្នុងផ្លូវរៀងៗខ្លួន។
ជីវិតពោរពេញទៅដោយភាពអាចទៅរួច ផ្លូវដើរក្នុងជីវិតខ្លះទៀត អាចមានភាពស្រដៀងគ្នា ផ្លូវជីវិតយើងតែងតែដឹង ក៏មានផ្លូវខ្លះយើងមិនធ្លាប់បានជួប ហេតុនេះត្រូវសួរខ្លួនយើងឲ្យបានច្បាស់ ថាតើយើងគួរជ្រើសរើសមួយណា? តើក្នុងដំណើរស្វែងរអនាគតរបស់យើង នឹងបណ្ដាលឲ្យអ្នករកឃើញផ្លូវមួយដ៏ល្អឥតខ្ចោះដែរ ឬទេ? តើយើងចង់ឲ្យខ្លួនឯងសម្រេចបានអ្វីខ្លះក្នុងរយៈពេល ១០ឆ្នាំ ទៅមុខ? តើចង់ក្លាយជាមនុស្សបែបណា? ចង់សម្រេចបាននូវគោលដៅកម្រិតណា? អ្វីខ្លះធ្វើឲ្យយើងជឿជាក់លើខ្លួនឯង?
ចម្លើយសម្រាប់សំណួរ ”ស្វែងរកអត្ថន័យជីវិត” គឺមិនមែនចេះតែកើតឡើងដូចផ្លេកអន្ទោល តាមតែចិត្តចង់ធ្វើនោះទេ តែវានឹងកើតឡើង តាមបែបផ្គររន្ទះ តាមលក្ខណៈកងរំពងបន្លឺចេញជាឲសាច់រឿងជីវិតដ៏ពិតប្រាកដមួយ ដែលយើងនឹងឆ្លងកាត់ ក្រោយពេលសួរខ្លួនឯងនូវសំណួរខាងលើ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម