ពេលនេះយើងកំពុងប្រឈមនឹងគ្រោះទឹកជំនន់ បងប្អូនយើងត្រូវថែរក្សាសុខភាពឲ្យបានល្អ ដើម្បីការពារខ្លួនពីជំងឺឆ្លងនានាក្នុងពេល និងក្រោយពេកទឹកជំនន់។ ដើម្បីឲ្យរាងកាយយើងមានសុខភាពល្អ យើងគួរជ្រើសរើសអាហារប្រភេទនេះញ៉ាំ បើអាចទៅរួច ដើម្បីឲ្យប្រព័ន្ធភាពស៊ាំរបស់យើងរឹងមាំ ប្រឆាំងនឹងជំងឺឆ្លងផ្សេងៗបាន។
កំពុងទឹកជំនន់ផង គួរញ៉ាំអាហារប្រភេទនេះដើម្បីរាងកាយរឹងមាំប្រឆាំងរោគឆ្លងផ្សេងៗ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តើគួរមានអ្វីខ្លះក្នុងរបបអាហារ?
សារធាតុចិញ្ចឹមសំខាន់ៗសម្រាប់ជំនួយដល់ប្រព័ន្ធភាពស៊ាំក្នុងការប្រឆាំងនឹងបាក់តេរី និងវីរុសមាន៖
- Beta-carotene: រាងកាយនឹងបំលែងសារធាតុនេះជាវីតាមីន A ដែលជាសារធាតុសំខាន់សម្រាប់ប្រព័ន្ធភាពស៊ាំក្នុងការប្រឆាំងនឹងជាតិពុល និងមេរោគឈ្លានពានផ្សេងទៀត។ ផ្លែឈើ និងបន្លែមានសារធាតុ Beta-caroteneមានដំឡូងជ្វា ការ៉ុត ផ្លែស្វាយ ស្ពៃពួយឡេង ផ្កាខាត់ណាខៀវ និងផ្លែត្រសក់ផ្អែម។
- វីតាមីន C៖ វីតាមីននេះជួយរាងកាយក្នុងការកំណត់ថាតើការពារបែបណាដែលរាងកាយត្រូវការ។ យើងអាចទទួលបានវីតាមីន C ពីអាហារទាំងនេះរួមមានផ្លែក្រូច ក្រូចថ្លុង គីវី ស្ត្របឺរី ម្ទេសប្លោកក្រហមនិងបៃតង ផ្កាខាត់ណាខៀវ ស្ពៃក្ដោប និងផ្កាខាត់ណា។
- វីតាមីន D៖ ការខ្វះវីតាមីន D អាចធ្វើឲ្យប្រព័ន្ធភាពស៊ាំចុះខ្សោយ និងមានហានិភ័យនៃជំងឺផ្លូវដង្ហើមបង្កដោយវីរុស។ ប្រភពវីតាមីន D មានត្រីសាល់ម៉ុន ត្រីសាឌីន ស៊ុត ទឹកដោះគោ ផលិតផលធ្វើពីទឹកដោះគោ តៅហ៊ូ និងផ្សិត។
- ស័ង្កសី៖ ស័ង្កសីជួយកោសិកាក្នុងប្រព័ន្ធភាពស៊ាំឲ្យលូតលាស់ និងមានភាពខុសគ្នា។ អាហារមានជាតិស័ង្កសីមានសណ្ដែក តៅហ៊ូ cereals គ្រាប់ធញ្ញជាតិ អយស្ទើរ ក្តាម បង្កង សាច់គោ សាច់ជ្រូក និងយាអ៊ួ។
- ប្រូតេអ៊ីន៖ ប្រូតេអ៊ីនសំខាន់សម្រាប់ការបង្កើតកោសិកាប្រព័ន្ធភាពស៊ាំ និងអង់ទីករ រួមទាំងជួយប្រព័ន្ធភាពស៊ាំក្នុងការដំណើរការទៀតផង។ ប្រូតេអ៊ីនអាចបានពីសាច់សត្វ និងបន្លែរួមមានសាច់ត្រី សាច់មាន់ សាច់គោ ទឹកដោះគោ យ៉ាអួ៊ ស៊ុត គ្រាប់ធញ្ញជាតិ និងសណ្ដែក។
- Prebiotics៖ Probiotics និងPrebiotics ជួយទ្រទ្រង់ប្រព័ន្ធភាពស៊ាំ។ ប្រភពរបស់Probiotics មានយ៉ាអួ៊ ឈីស និងគីមឈី។ រីឯ Prebiotics មានក្នុងគ្រាប់ធញ្ញជាតិ (whole grains) ផ្លែចេក ខ្ទឹមបារាំង ខ្ទឹមស ស្លឹកខ្ទឹម និងសណ្ដែក។
- ជាតិទឹក៖ អ្វីដែលសំខាន់គឺញ៉ាំទឹកស្អាត ឬទឹកដាំពុះ) ទឹកឲ្យបានគ្រប់គ្រាន់។ ស្ត្រីគួរផឹកឲ្យបាន ២,៧លីត្រក្នុងមួយថ្ងៃ និងបុរសគួរផឹក៣,៧លីត្រក្នុងមួយថ្ងៃ។ យើងក៏អាចញ៉ាំអាហារដែលសំបូរជាតិទឹកដូចជាផ្លែឈើ បន្លែ និងស៊ុបដែរ។
មួយវិញទៀត បើអាចគ្នាយើងក៏គួរបន្ថែមគ្រឿងផ្សំទាំងនេះ ដើម្បីជួយពង្រឹងប្រព័ន្ធភាពស៊ាំរបស់យើងឲ្យកាន់តែរឹងមាំ អាចប្រឆាំងនឹងជំងឺផ្សេងៗបាន។
រមៀត
ដោយសាររមៀតសម្បូរដោយ សារធាតុព័ណ៌លឿង (Curcumin) ជួយប្រឆាំងនឹងដំណើររលាក ហើយជាមួយគ្នានេះ ក៏ជួយជំរុញឱ្យប្រព័ន្ធភាពស៊ាំក្នុងរាងកាយ ប្រឆាំងនឹងពពួកបាក់តេរី ដែលចម្លងជំងឺ។ សម្រាប់រមៀត ក៏ជួយប្រព័ន្ធភាពស៊ាំប្រឆាំងនឹងមេរោគផ្តាសាយមានប្រសិទ្ធិភាពផងដែរ។
ខ្ទឹមបារាំង
ខ្ទឹមបារាំងសម្បូរដោយ សារធាតុស័ង្កសី វីតាមីន C និង B ព្រមទាំងសារធាតុ Selenium និង Sulfur ដែលសុទ្ធសឹងជំរុញ និងពង្រឹងភាពសកម្មរបស់ប្រព័ន្ធភាពស៊ាំក្នុងរាងកាយ ដោយជួយបន្ថយហានិភ័យ និងប្រឆាំងនឹងមេរោគឆ្លង។
ខ្ទឹមស
ដោយយោងតាមការឱ្យដឹងពីអង្គការសុខភាពពិភពលោក (WHO) សមាសធាតុក្នុងខ្ទឹមស មានសារធាតុ AntiMicrobial ដែលជាសារធាតុប្រឆាំងនឹងពពួកមេរោគមីក្រុបតូចៗ នឹងជួយឱ្យប្រព័ន្ធភាពស៊ាំមានភាពខ្លាំង។ ដូចនេះការបន្ថែមខ្ទឹមសក្នុងរបបអាហារ ជាការប្រសើរមួយ។
រូបភាព៖ មន្ទីរសាធារណការ និងដឹកជញ្ជូនរាជធានីភ្នំពេញ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម