ពេលរួមភេទដោយមិនបានប្រើស្រោម ឬក៏មធ្យោបាយពន្យារកំណើតដទៃទៀតការពារ ស្រីៗមួយចំនួនបារម្ភពីការមានកូនដោយចៃដន្យ។ ក្នុងនោះដំណោះស្រាយចំពោះបញ្ហានេះ ស្រីៗគ្នាយើងខ្លះ ចប់ប្រតិបត្តិការភ្លាម ក៏ប្រញាប់ទៅលាងសម្អាតប្រដាប់ភេទចេញ ដោយគិតថាការធ្វើបែបនេះអាចជួយសម្អាតទឹកកាមចេញអស់ រារាំងការមានផ្ទៃពោះបាន។

តាមការពន្យល់របស់ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែន លោកវេជ្ជបណ្ឌិត ចាន់ ស៊ីណេត ការលាងសម្អាតប្រដាប់ភេទក្រោយរួមភេទ មិនអាចការពារមិនឲ្យមានផ្ទៃពោះ និងឆ្លងជំងឺកាមរោគបាននោះទេ។ លោកបន្តការ ការយល់ច្រឡំបែបនេះហើយ ទើបធ្វើឲ្យស្រ្តីភ្លាត់មានកូនតែញឹក។

ការគេងជំរុញដល់ការរួមភេទ១

រួមភេទដោយមិនបានការពារ លោកវេជ្ជបណ្ឌិតថា ជម្រើសបង្ការការមានផ្ទៃពោះល្អបំផុត គឺប្រើថ្នាំពន្យារកំណើតបន្ទាន់ ឬថ្នាំ ៧២ ម៉ោង។ ថ្នាំពន្យារកំណើតបន្ទាន់ ឬថ្នាំ ៧២ ម៉ោង បង្ការកុំឲ្យមេជីវិតឈ្មោលជួបជាមួយពងមេជីវិតញី ឬពន្យារកុំឲ្យពងមេជីវិតញីធ្លាក់ចេញពីក្រពេញអូវែ ដោយគ្រាន់តែស្រីៗលេបថ្នាំនេះអំឡុងពេល ៣ ថ្ងៃនៃការរួមភេទដែលមិនបានការពារ ។ ថ្នាំនេះមានប្រសិទ្ធភាពតែរយៈពេល ៣ ថ្ងៃ (៧២ម៉ោង) បន្ទាប់ពីរួមភេទរួចប៉ុណ្ណោះ លេបកាន់តែលឿនប្រសិទ្ធភាពកាន់តែខ្ពស់។ ការប្រើថ្នាំនេះ ស្រីៗខ្លះអាចជួបប្រទះផលរំខាន ដូចជាចង្អោរ អស់កម្លាំង ឈឺក្បាល និងឈឺសុដន់។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

កុំច្រឡំទៀត ការប្រើវិធីនេះ​មិន​អាចការពារ​មិន​ឲ្យមានកូនបានទេ

កុំច្រឡំទៀត ការប្រើវិធីនេះមិនអាចការពារមិនឲ្យមានកូនបានទេ