ពន្យារកំណើតដោយចងដៃស្បូនជាវិធីសាស្រ្តពន្យារកំណើតអចិន្ត្រៃយ៍មួយ នៅពេលស្រ្តីលែងចង់បានកូនបន្តទៅទៀត។ វិធីសាស្រ្តនេះ ត្រូវគេជឿថាអាចមានប្រសិទ្ធភាពជាង៩៩ភាគរយ ការពារមិនឲ្យមានផ្ទៃពោះ។ យ៉ាងណា ក្រោយចងដៃស្បូនហើយ នៅមានស្រ្តីមួយចំនួនមានចម្ងល់ច្រើនទាក់ទងនឹងរឿងនេះដែរ។
៣ សំណួរ អ្នកពន្យារកំណើតដោយចងដៃស្បូនច្រើនចង់ដឹង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ចងដៃស្បូនប៉ះពាល់ដល់ការមករដូវដែរទេ?
ស្រ្តីមិនតិចនាក់ទេបានគិតថាការចងដៃស្បូននឹងធ្វើឲ្យអ័ម៉ូនប្រែប្រួល ឬក៏ធ្វើឲ្យរដូវមកលឿនជាងធម្មតា។ ប៉ុន្តែការគិតបែបនេះមិនត្រូវនោះទេ។ ការចងដៃស្បូនមិនមានឥទ្ធិពលលើអ័រម៉ូនក្នុងរាងកាយនោះទេ។ ការណ៍នេះ វាមិនគួរមានបញ្ហាធ្វើឲ្យប៉ះពាល់ដល់ការប្រែប្រួលវដ្ដរដូវនោះដែរ។
ស្រ្តីខ្លះនៅឆ្ងល់បើអ៊ីចឹងម៉េចបានជាវដ្ដរដូវរបស់ខ្លួនប្រែប្រួល? ការសិក្សាជាច្រើនបានរកឃើញថាការចងដៃស្បូនមិនពាក់ព័ន្ធនឹងការប្រែប្រួលវដ្ដរដូវនោះទេ។ យ៉ាងណា នៅមានស្រ្តីមួយចំនួននៅតែអះអាងថាខ្លួនប្រែប្រួលវដ្ដរដូវមែន ក្រោយចងដៃស្បូន ប៉ុន្តែមិនមានភស្តុតាងជាក់លាក់ណាមួយបញ្ជាក់ពីការប្រែប្រួលនេះទេ ជូនកាលការប្រែប្រួលនេះអាចមកពីកត្តាអាយុក៏មាន។
ចង់ពិនិត្យជំងឺមហារីកមាត់ស្បូន ចុចទីនេះ!
ចង់ពិនិត្យជំងឺមហារីកក្រពេញអូវែ ចុចទីនេះ!
ចង់ពិនិត្យជំងឺមហារីកសួត ចុចទីនេះ!
២. ចងដៃស្បូនហើយ អាចមានវិធីកែប្រែជួយឲ្យមានកូនវិញបានទេ?
វិធីសាស្រ្តពន្យារកំណើតដោយការចងដៃស្បូនក្នុងទម្រង់ណាមួយក៏ដោយ គឺត្រូវដឹងថា ជាការពន្យារកំណើតបែបអចិន្ត្រៃយ៍។
ការជ្រើសរើសវិធីសាស្រ្តពន្យារកំណើតចងដៃស្បូន គឺមិនមែនជាវិធីសាស្រ្តដែលអាចឲ្យស្រីៗងាយស្វែងរកវិធីកែប្រែ ដើម្បីបានត្រឡប់ទៅមានកូនវិញជាធម្មតាទេ។ ទោះបីជាអាចកែប្រែបាន ឬស្រាយដៃស្បូនវិញបានមែន តែមិនធានាថាអាចនឹងមានលទ្ធភាពមានកូនវិញដែរ។ ដើម្បីស្រាយដៃស្បូននេះវិញបាន ត្រូវមានកត្តាច្រើនយ៉ាងរួមផ្សំគ្នា ដូចជាកត្តាអាយុ សុខភាព ទម្ងន់ខ្លួន ប្រភេទនៃការចងដៃស្បូន ប្រវែងបំពង់ដៃស្បូនដែលនៅសល់ និងគុណភាពមេជីវិតញីជាដើម។
ដូចនេះហើយ មុនសម្រេចចិត្តជ្រើសរើសវិធីពន្យារកំណើតដោយការចងដៃស្បូនស្រីៗយើង និងដៃគូ ត្រូវតែគិតឲ្យបានច្បាស់លាស់ មុននឹងសម្រេចចិត្ត។
អត្ថបទគួរអាន៖
- តំបន់ស្រើបស្រាលលើដងខ្លួនស្រីៗ ៥កន្លែង គូស្នេហ៍គួរស្វែងយល់
- សកម្មភាពផ្លូវភេទប្រថុយប្រថានមួយចំនួន បង្កហានិភ័យខ្ពស់ឆ្លងកាមរោគ
- លើសទម្ងន់ អាចនាំឲ្យចំណង់ផ្លូវភេទថយចុះ?
- នៅសុខៗថយចុះចំណង់ផ្លូវភេទ អាចមកពីមូលហេតុទាំងនេះ
- អាហារ៥យ៉ាង ជួយប្រុសៗទប់ទល់បានយូរ និងបង្កើនចំណង់ផ្លូវភេទ
៣. ចងដៃស្បូនហើយគួរលេបថ្នាំពន្យារកំណើតទៀតអត់?
វិធីសាស្រ្តពន្យារកំណើតដោយចងដៃស្បូនមានប្រសិទ្ធភាពជាង៩៩ភាគរយការពារស្រីៗមិនឲ្យមានផ្ទៃពោះ។ ដូចនេះបន្ទាប់ពីបានចងដៃស្បូនហើយ មិនចាំបាច់លេបថ្នាំគ្រាប់ពន្យារកំណើតទៀតនោះទេ។
យ៉ាងណា ការចងដៃស្បូនមិនអាចការពារស្រីៗយើងពីជំងឺកាមរោគបានទេ។ ដើម្បីការពារជំងឺកាមរោគ ពេលរួមភេទនៅតែត្រូវប្រើស្រោមអនាម័យដដែល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម