ជំងឺមហារីកបំពង់ដៃស្បូន នេះជារោគសញ្ញាសំខាន់ៗមួយចំនួនស្រីៗគួរដឹង
ត្រួតពិនិត្យដោយ គឹម កាណែល
បំពង់ដៃស្បូន (fallopian tubes) គឺជាបំពង់តភ្ជាប់អូវ៉ែមកកាន់ស្បូន។ មហារីកបំពង់ដៃស្បូន កើតឡើងនៅពេលកោសិការអូវ៉ែរីកលូតលាស់មិនប្រក្រតីនៅក្នុងដៃខាងណាមួយបំពង់ដៃស្បូន។ មហារីកប្រភេទនេះ គឺជាជំងឺកម្រមាន។ កោសិកាមហារីកអាចរាលដាលចេញពីផ្នែកផ្សេងៗហើយរាលទៅកាន់បំពង់ដៃស្បូន តែកម្រនឹងមានប្រភពចេញពីក្នុងបំពង់ដៃស្បូនដោយផ្ទាល់ខ្លាំងណាស់។ ទោះបីជាមហារីកបំពង់ដៃស្បូន អាចកើតលើមនុស្សស្រីគ្រប់វ័យក្ដី ប៉ុន្តែភាគច្រើនឃើញកើតតែលើមនុស្សស្រីក្នុងវ័យចន្លោះពី ៥០ ទៅ ៦០ឆ្នាំច្រើនជាងគេ។
២-អ្វីជាមូលហេតុបណ្ដាលឲ្យមានមហារីកបំពង់ដៃស្បូន?
ដោយសារតែជំងឺមួយនេះ មិនសូវមានច្រើន ដូចនេះហើយភស្ដុតាងដើម្បីបញ្ជាក់អំពីមូលហេតុនៃមហារីកបំពង់ដៃស្បូន ក៏មានមិនច្រើនដូចគ្នា។ អ្នកវិទ្យាសាស្ត្រជឿថា ជំងឺនេះអាចបណ្ដាលមកពីបញ្ហាហ្សែន។ មនុស្សស្រីដែលមានហ្សែនបម្លែង BRCA1 ឬ BRCA2 ប្រឈមមុខខ្ពស់ជាមួយការកើតជំងឺមហារីកបំពង់ដៃស្បូន មហារីកសុដន់ និងមហារីកដៃស្បូន។ អ្នកកើតជំងឺមហារីកបំពង់ដៃស្បូន គួរតែពិនិត្យរកមើលជំងឺមហារីកសុដន់ ក៏ដូចជាជំងឺមហារីកមាត់ស្បូនផងដែរ។
អត្ថបទពាក់ព័ន្ធ៖
៣-ធ្វើដូចម្ដេចទើបដឹងថាកើតជំងឺមហារីកបំពង់ដៃស្បូន?
រោគសញ្ញាសំខាន់របស់មហារីកបំពង់ដៃស្បូនមានដូចជា៖
- ធ្លាក់ឈាមតាមទ្វារមាសខុសប្រក្រតី ជាពិសេសពេលអ្នកដល់វ័យអស់រដូវ
- ឈឺក្នុងពោះដោយគ្មានមូលហេតុ
- មានអារម្មណ៍តឹងៗក្នុងពោះ
- ធ្លាក់ទឹករងៃតាមទ្វារមាសខុសធម្មតា
- មានដុំនៅក្នុងអាងត្រគៀក ឬក្នុងពោះ
ប៉ុន្តែស្រីៗត្រូវចាំថា មានរោគសញ្ញាទាំងអស់នេះ គឺមិនមែនសុទ្ធតែបានន័យថា យើងកើតជំងឺមហារីកបំពង់ដៃស្បូនទេ ដោយសារតែរោគសញ្ញាទាំងអស់នេះ អាចបណ្ដាលមកពីបញ្ហារោគស្ត្រីជាច្រើនមុខផ្សេងទៀត។ ប៉ុន្តែបើយើងមានសញ្ហាទាំងអស់នោះ គួរតែទៅពិគ្រោះជាមួយគ្រូពេទ្យបន្ថែម។
អត្ថបទគួរអាន៖
៤-តើគេធ្វើរោគវិនិច្ឆ័យមហារីកបំពង់ដៃស្បូនបានដូចម្ដេច?
ការធ្វើរោគវិនិច្ឆ័យមហារីកបំពង់ដៃស្បូន គឺមានការលំបាកបន្តិច។ គ្រូពេទ្យត្រូវការពិនិត្យប្រវត្ដិជំងឺរបស់យើង រោគសញ្ញា និងធ្វើការពិនិត្យលើដងខ្លួន។ ភាគច្រើនគ្រូពេទ្យចាំបាច់ត្រូវពិនិត្យតំបន់ត្រគៀក ដើម្បីរកមើលបញ្ហានៅក្នុងទ្វារមាស ស្បូន ដៃស្បូន បំពង់ដៃស្បូន ប្លោកទឹកនោម និងរន្ធគូទ។ គ្រូពេទ្យប្រហែលបូមឈាមរបស់យើងធ្វើតេស្តមួយហៅថា CA125 ដែលនេះគឺតេស្ដសម្រាប់ពិនិត្យមើលកម្រិតប្រូតេអ៊ីន CA125 ក្នុងឈាមរបស់យើង។ ការកើនឡើងនៃកម្រិត CA125 អាចបញ្ជាក់អំពីបញ្ហារោគស្ត្រីក្នុងខ្លួនកំពុងកើតមាន ដែលក្នុងនោះក៏មានជំងឺមហារីកបំពង់ដៃស្បូនមួយដែរ។ ដើម្បីធ្វើការវាយតម្លៃបន្ថែម គ្រូពេទ្យចាំបាច់ត្រូវថត CT ស្គែន និងអូសអេកូមើល។
អត្ថបទគួរអាន៖
- របស់ទាំងអស់នេះ អាចប្រើនៅបរិវេណខាងក្រៅបាន តែហាមដាក់ចូលទ្វារមាស
- តិចនិកធម្មជាតិ មានប្រសិទ្ធភាព ដោះស្រាយបញ្ហាស្ងួតទ្វារមាស
៥-ការព្យាបាលមហារីកបំពង់ដៃស្បូនមានជម្រើសអ្វីខ្លះ?
រហូតមកដល់ពេលនេះ ការព្យាបាលជំងឺមហារីកបំពង់ដៃស្បូន គឺមានតែមួយវិធីវះកាត់ ប្រើប្រាស់ថ្នាំគីមី និងបាញ់កាំរស្មី។ ការវះកាត់យកសាច់ចេញកម្រិតណានោះ គឺអាស្រ័យតាមស្ថានភាពរបស់អ្នកជំងឺម្នាក់ៗ។ ប្រសិនបើកោសិកាមហារីក មិនទាន់រាល់ដាលចេញពីបំពង់ដៃស្បូនទេនោះ គ្រូពេទ្យនឹងធ្វើការវះកាត់ស្បូនចេញទាំងមូល (មានដូចជាកាត់ដៃស្បូន បំពង់ដៃស្បូន និងស្បូនទាំងអស់)។ ប្រសិនបើសាច់មហារីករាលដាលដល់កន្លែងផ្សេងហើយនោះគ្រូពេទ្យត្រូវកាត់ដុំទឹករងៃ (កូនកណ្ដុរ) និងជាលិកាដែលនៅក្បែរនោះចេញទាំងអស់ដែរ។ ការព្យាបាលដោយវិធីវះកាត់ ភាគច្រើនត្រូវបូកជាមួយការបាញ់កាំរស្មី ជាមួយគ្នាឬប្រើប្រាស់ថ្នាំគីមីបន្ថែម ដើម្បីសម្លាប់សាច់កោសិកាមិនប្រក្រតីនៅសេសសល់។
អត្ថបទពាក់ព័ន្ធ៖
- មាត់ស្បូនមិនប្រក្រតី គួរភ័យដែរអត់?
- កើតមហារីកមាត់ស្បូន អាចមានកូនអត់?
- វ៉ាក់សាំងមហារីមាត់ស្បូន មិនមែនចាក់តែស្រីៗទេ ប្រុសក៏ត្រូវចាក់ដែរ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម