១-តើអ្វីជាជំងឺមហារីកបំពង់ដៃស្បូន?

២-អ្វីជាមូលហេតុបណ្ដាលឲ្យមានមហារីកបំពង់ដៃស្បូន?

ដោយសារតែជំងឺមួយនេះ មិនសូវមានច្រើន ដូចនេះហើយភស្ដុតាងដើម្បីបញ្ជាក់អំពីមូលហេតុនៃមហារីកបំពង់ដៃស្បូន ក៏មានមិនច្រើនដូចគ្នា។ អ្នកវិទ្យាសាស្ត្រជឿថា ជំងឺនេះអាចបណ្ដាលមកពីបញ្ហាហ្សែន។ មនុស្សស្រីដែលមានហ្សែនបម្លែង BRCA1 ឬ BRCA2 ប្រឈមមុខខ្ពស់ជាមួយការកើតជំងឺមហារីកបំពង់ដៃស្បូន មហារីកសុដន់ និងមហារីកដៃស្បូន។ អ្នកកើតជំងឺមហារីកបំពង់ដៃស្បូន គួរតែពិនិត្យរកមើលជំងឺមហារីកសុដន់ ក៏ដូចជាជំងឺមហារីកមាត់ស្បូនផងដែរ។

អត្ថបទពាក់ព័ន្ធ៖

ស្រីៗកុំទាន់អូសរំលង! មហារីកមាត់ស្បូនគ្រោះថ្នាក់ណាស់ គួរការពារយ៉ាងម៉េច?

ប្រយ័ត្នផងស្រីៗ! បើខ្លាចកើតមហារីកស្បូន ត្រូវចេះបង្ការ

៣-ធ្វើដូចម្ដេចទើបដឹងថាកើតជំងឺមហារីកបំពង់ដៃស្បូន?

រោគសញ្ញាសំខាន់របស់មហារីកបំពង់ដៃស្បូនមានដូចជា៖

ធ្លាក់ឈាមតាមទ្វារមាសខុសប្រក្រតី ជាពិសេសពេលអ្នកដល់វ័យអស់រដូវ
ឈឺក្នុងពោះដោយគ្មានមូលហេតុ
មានអារម្មណ៍តឹងៗក្នុងពោះ
ធ្លាក់ទឹករងៃតាមទ្វារមាសខុសធម្មតា
មានដុំនៅក្នុងអាងត្រគៀក ឬក្នុងពោះ

ប៉ុន្តែស្រីៗត្រូវចាំថា មានរោគសញ្ញាទាំងអស់នេះ គឺមិនមែនសុទ្ធតែបានន័យថា យើងកើតជំងឺមហារីកបំពង់ដៃស្បូនទេ ដោយសារតែរោគសញ្ញាទាំងអស់នេះ អាចបណ្ដាលមកពីបញ្ហារោគស្ត្រីជាច្រើនមុខផ្សេងទៀត។ ប៉ុន្តែបើយើងមានសញ្ហាទាំងអស់នោះ គួរតែទៅពិគ្រោះជាមួយគ្រូពេទ្យបន្ថែម។

អត្ថបទគួរអាន៖

៤-តើគេធ្វើរោគវិនិច្ឆ័យមហារីកបំពង់ដៃស្បូនបានដូចម្ដេច?

ការធ្វើរោគវិនិច្ឆ័យមហារីកបំពង់ដៃស្បូន គឺមានការលំបាកបន្តិច។ គ្រូពេទ្យត្រូវការពិនិត្យប្រវត្ដិជំងឺរបស់យើង រោគសញ្ញា និងធ្វើការពិនិត្យលើដងខ្លួន។ ភាគច្រើនគ្រូពេទ្យចាំបាច់ត្រូវពិនិត្យតំបន់ត្រគៀក ដើម្បីរកមើលបញ្ហានៅក្នុងទ្វារមាស ស្បូន ដៃស្បូន បំពង់ដៃស្បូន ប្លោកទឹកនោម និងរន្ធគូទ។ គ្រូពេទ្យប្រហែលបូមឈាមរបស់យើងធ្វើតេស្តមួយហៅថា CA125 ដែលនេះគឺតេស្ដសម្រាប់ពិនិត្យមើលកម្រិតប្រូតេអ៊ីន CA125 ក្នុងឈាមរបស់យើង។ ការកើនឡើងនៃកម្រិត CA125 អាចបញ្ជាក់អំពីបញ្ហារោគស្ត្រីក្នុងខ្លួនកំពុងកើតមាន ដែលក្នុងនោះក៏មានជំងឺមហារីកបំពង់ដៃស្បូនមួយដែរ។ ដើម្បីធ្វើការវាយតម្លៃបន្ថែម គ្រូពេទ្យចាំបាច់ត្រូវថត CT ស្គែន និងអូសអេកូមើល។

អត្ថបទគួរអាន៖

៥-ការព្យាបាលមហារីកបំពង់ដៃស្បូនមានជម្រើសអ្វីខ្លះ?

រហូតមកដល់ពេលនេះ ការព្យាបាលជំងឺមហារីកបំពង់ដៃស្បូន គឺមានតែមួយវិធីវះកាត់ ប្រើប្រាស់ថ្នាំគីមី និងបាញ់កាំរស្មី។ ការវះកាត់យកសាច់ចេញកម្រិតណានោះ គឺអាស្រ័យតាមស្ថានភាពរបស់អ្នកជំងឺម្នាក់ៗ។ ប្រសិនបើកោសិកាមហារីក មិនទាន់រាល់ដាលចេញពីបំពង់ដៃស្បូនទេនោះ គ្រូពេទ្យនឹងធ្វើការវះកាត់ស្បូនចេញទាំងមូល (មានដូចជាកាត់ដៃស្បូន បំពង់ដៃស្បូន និងស្បូនទាំងអស់)។ ប្រសិនបើសាច់មហារីករាលដាលដល់កន្លែងផ្សេងហើយនោះគ្រូពេទ្យត្រូវកាត់ដុំទឹករងៃ (កូនកណ្ដុរ) និងជាលិកាដែលនៅក្បែរនោះចេញទាំងអស់ដែរ។ ការព្យាបាលដោយវិធីវះកាត់ ភាគច្រើនត្រូវបូកជាមួយការបាញ់កាំរស្មី ជាមួយគ្នាឬប្រើប្រាស់ថ្នាំគីមីបន្ថែម ដើម្បីសម្លាប់សាច់កោសិកាមិនប្រក្រតីនៅសេសសល់។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ជំងឺមហារីកបំពង់ដៃស្បូន នេះជារោគសញ្ញាសំខាន់ៗមួយចំនួន​ស្រីៗគួរដឹង

១-តើអ្វីជាជំងឺមហារីកបំពង់ដៃស្បូន?

២-អ្វីជាមូលហេតុបណ្ដាលឲ្យមានមហារីកបំពង់ដៃស្បូន?

៣-ធ្វើដូចម្ដេចទើបដឹងថាកើតជំងឺមហារីកបំពង់ដៃស្បូន?

៤-តើគេធ្វើរោគវិនិច្ឆ័យមហារីកបំពង់ដៃស្បូនបានដូចម្ដេច?

៥-ការព្យាបាលមហារីកបំពង់ដៃស្បូនមានជម្រើសអ្វីខ្លះ?

ជំងឺមហារីកបំពង់ដៃស្បូន នេះជារោគសញ្ញាសំខាន់ៗមួយចំនួនស្រីៗគួរដឹង