home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ឈឺធ្មេញពេលយប់ម្ដងម្កាល អាចប្រើវិធីទាំងនេះ ដោះស្រាយបានមួយគ្រាសិន

ឈឺធ្មេញពេលយប់ម្ដងម្កាល អាចប្រើវិធីទាំងនេះ ដោះស្រាយបានមួយគ្រាសិន

ពេលយើងឈឺធ្មេញម្ដងៗ ពិបាកទ្រាំ លែងមានអារម្មណ៍ធ្វើការអីទាំងអស់ ព្រោះដោយសាររំខានពីអាការៈឈឺធ្មេញហ្នឹងឯង។ កាន់តែយ៉ាប់ទៀតនោះ គឺឈឺធ្មេញចំពេលយប់ បណ្ដាលឲ្យយើងពិបាកគេងលក់ និងអាចធ្វើឲ្យមានអារម្មណ៍ឆេវឆាវនៅថ្ងៃថ្មីទៀត។

ហេតុអ្វីបានធ្មេញឈឺពេលយប់ ពិបាកទ្រាំជាងឈឺធ្មេញពេលថ្ងៃ? លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានពន្យល់ឲ្យដឹងថា មូលហេតុមួយដែលធ្វើឲ្យឈឺធ្មេញកាន់តែយ៉ាប់នៅពេលយប់ ព្រោះយើងទម្រេតខ្លួន បណ្ដាលឲ្យឈាមបុកទៅក្បាល។ ឈាមដែលមាននៅតំបន់នោះអាចបង្កើនភាពឈឺចាប់ និងដាក់សម្ពាធទៅលើអារម្មណ៍ដែលគ្នាយើងទទួលបានពីការឈឺធ្មេញនោះ។ ម្យ៉ាងវិញទៀត អាការៈឈឺធ្មេញខ្លាំងពេលយប់អាចដោយសារមិនមានអ្វីរំខានឲ្យយើងមិនចាប់អារម្មណ៍ទៅលើបញ្ហាធ្មេញ។

អាការៈឈឺធ្មេញពេលយប់អាចមិនមែនជារឿងងាយស្រួលទេ ទោះទ្រាំមិនបានក៏ត្រូវទ្រាំដែរ ព្រោះមិនអាចរត់ទៅរកពេទ្យធ្មេញទាំងយប់បានទេ។ ប៉ុន្តែយើងអាចសាកល្បងតាមវិធីបំបាត់ការឈឺខាងក្រោមនេះបានដូចជា៖

លេបថ្នាំបំបាត់ការឈឺចាប់៖ ការប្រើថ្នាំបំបាត់ការឈឺចាប់ជាវិធីសម្រួលដល់ការឈឺចាប់បានមួយរយៈចំពោះការឈឺចាប់ស្រាល-មធ្យម។ ពេលប្រើថ្នាំ ដើម្បីបំបាត់ការឈឺចាប់ យើងគួរប្រើឲ្យត្រូវទៅតាមការណែនាំពីឱសថការី ឬតាមពាក្យណែនាំលើថ្នាំជាដើម។

ខ្ពុរទឹកអំបិល៖ ក្បួននេះជាក្បួនសាមញ្ញ និងមានគ្រឿងផ្សំងាយស្រួលរកមាននៅក្នុងផ្ទះយើង សម្រាប់សម្រួលដល់បញ្ហាឈឺធ្មេញពេលយប់។ ទឹកអំបិលជាភ្នាក់ងារប្រឆាំងនឹងមេរោគពីធម្មជាតិ ដូចនេះហើយវាអាចកាត់បន្ថយការរលាក និងការពារធ្មេញខូចពីការឆ្លងមេរោគ។

បិតខ្ទឹមសលើធ្មេញឈឺ៖ រាប់ពាន់ឆ្នាំមកហើយ ខ្ទឹមសត្រូវបានគ្រូពេទ្យវេជ្ជសាស្ត្រស្គាល់ និងប្រើប្រាស់ដោយសារសារធាតុជាឱសថដែលវាផ្ទុក។ ខ្ទឹមសមិនត្រឹមតែអាចសម្លាប់មេរោគដែលធ្វើឲ្យខូចធ្មេញទេ វាក៏អាចដើរតួនាទីជាថ្នាំបំបាត់ការឈឺចាប់បានផងដែរ។

ស្អំទឹកកក៖ ការស្អំទឹកកកអាចសម្រួលដល់ការឈឺចាប់ដោយសារឈឺធ្មេញបាន។ ការស្អំទឹកកក នៅខាងថ្គាមដែលឈឺអាចពង្រួមសរសៃឈាមនៅតំបន់នោះ ជាហេតុជួយបំបាត់ការឈឺចាប់ជួយឲ្យយើងគេងលក់បានស្រួលជាងមុន។ មួយវិញទៀត ការស្អំទឹកកកពី ១៥-២០នាទី រាល់២-៣ម៉ោង/ម្ដង អាចការពារធ្មេញមិនឲ្យឈឺពេលយើងចូលគេង។

ខ្ពុរតែជីអង្កាម៖ ការខ្ពុរ ឬស្អំកញ្ចប់តែជីអង្កាម (peppermint tea bag) នៅធ្មេញឈឺដោយផ្ទាល់អាចជួយកាត់បន្ថយអាការៈឈឺចាប់បាន។ នៅក្នុងជីអង្កាមមានផ្ទុកសារធាតុប្រឆាំងបាក់តេរី និងប្រឆាំងអុកស៊ីតកម្ម ហើយមេនថុល ជាសារធាតុមួយក្នុងជីអង្កាម អាចជួយធ្វើឲ្យកន្លែងឈឺចាប់ ស្ពឹកបានមួយរយៈពេលខ្លី។

វេជ្ជបណ្ឌិតរូបនេះ បានបញ្ជាក់ថា ជំងឺធ្មេញជាច្រើនត្រូវការព្យាបាលដោយទន្តពេទ្យឲ្យបានត្រឹមត្រូវ ព្រោះការប្រើប្រាស់ថ្នាំបំបាត់ការឈឺចាប់គ្រាន់តែអាចធ្វើឲ្យបានឈឺមួយរយៈពេលប៉ុណ្ណោះ។ បើយើងឈឺធ្មេញផង និងមានលាយជាមួយរោគសញ្ញាប៉ុន្មាននេះ ត្រូវតែពិនិត្យ និងព្យាបាលជាមួយពេទ្យដូចជា៖

• ក្ដៅខ្លួន
• ពិបាកទំពា ឬដកដង្ហើម
• ហើម
• ឈឺពេលខាំ
• អញ្ចាញឡើងក្រហមខុសធម្មតា។ល។

ឈឺធ្មេញ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

រលាកអញ្ចាញធ្មេញទុកចោលយូរ អាចបង្កជាជំងឺផ្សេងទៀតលើរាងកាយ

ដុសធ្មេញញឹកញាប់ទំនងជួយ​កាត់បន្ថយអត្រាកើតជំងឺទឹកនោមផ្អែមប្រភេទ២

ម៉េចបានអាការៈឈឺធ្មេញ ពេលយប់ ពិបាកទ្រាំជាងពេលថ្ងៃ?

កត្តាប៉ុន្មាននេះ បណ្ដាលឲ្យកើតបញ្ហាធ្មេញបង្ករោគ យូរទៅអាចរាលដាលដល់ខួរក្បាល

កូនឈឺធ្មេញចំពេលយប់ អាចសាកតិចនិកទាំងនេះបាន

ចូលចិត្តញ៉ាំទឹកផ្លែឈើសម្រករាង នេះជាបញ្ហាប្រឈមចំពោះធ្មេញ និងវិធីដោះស្រាយ

ឧស្សាហ៍ស្រៀវធ្មេញ អាចមកពី​បញ្ហាប៉ុន្មាននេះ!

វិធី​ថែ​ធ្មេញ​កូន​ មិន​ឲ្យ​ខូចដោយសារ​ញ៉ាំ​ស្ករគ្រាប់ ឬ​ចំណី​ផ្អែម​ៗ

សុខភាព​​មាត់​ធ្មេញ​កុមារសំខាន់ណាស់ ​ម៉ាក់ប៉ាយកចិត្តទុកដាក់ឲ្យមែនទែន


រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ នាង សុខុមដាលីញ៉ា
កែ 5 days ago
x