ស្រីៗយើងភាគច្រើនតែងតែជួបប្រទះការឈឺចាប់អំឡុងពេលមករដូវ ដែលរំខានដល់សកម្មភាពប្រចាំថ្ងៃ ក៏ដូចជាធ្វើឲ្យយើងមិនស្រួលក្នុងខ្លួន។ ដូច្នេះហើយ ជំនួសឲ្យការប្រើប្រាស់ថ្នាំបំបាត់ការឈឺចាប់ គ្នាយើងអាចសាកល្បងញ៉ាំទឹកផ្លែឈើទាំង៣នេះ ដើម្បីទទួលបានប្រសិទ្ធភាពខ្ពស់ មានសុវត្ថិភាព និងផ្ដល់ថាមពលដល់យើងថែមទៀតផង។
ទឹកផ្លែឈើទាំង៣ប្រភេទ បំបាត់អាការៈឈឺចាប់ពេលមករដូវ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ទឹកការ៉ុត
មិនថាយើងញ៉ាំការ៉ុតឆៅ ឬទឹកការ៉ុតទេ វាសុទ្ធតែអាចជួយគ្រប់គ្រងលំហូរឈាម កាត់បន្ថយការឈឺចាប់ ព្រមទាំងជួយឲ្យយើងមានភាពស្វាហាប់។ ជាក់ស្ដែង ការ៉ុតសម្បូរទៅដោយជាតិដែក ហើយដោយសារតែយើងបាត់បង់ឈាមច្រើននៅអំឡុងពេលមករដូវ ការបន្ថែមជាតិដែកគឺជារឿងសំខាន់មួយ។ បន្ថែមពីនេះ ការ៉ុតក៏ផ្ទុកសារធាតុBeta-Carotene ដែលបំប្លែងទៅជាវីតាមីនA ដូចនេះ វាអាចជួយកាត់បន្ថយលំហូរឈាម និងគ្រប់គ្រងការធ្លាក់ឈាមច្រើនជ្រុល។
២. ទឹកឆៃថាវក្រហម
ជាក់ស្ដែង ការបាត់បង់ឈាមដោយសារតែការមករដូវ អាចបណ្ដាលឲ្យយើងអស់កម្លាំង ហត់នឿយ និងល្ហិតល្ហៃ។ ខណៈពេលដែលឆៃថាវក្រហមមិនអាចជួយកាត់បន្ថយការឈឺចាប់នៅពេលមករដូវផ្ទាល់ក៏ពិតមែន ប៉ុន្តែការញ៉ាំទឹកឆៃថាវក្រហមចំនួន១កែវ អាចបំពេញថាមពលដែលយើងបាត់បង់យ៉ាងមានប្រសិទ្ធភាព ហើយវាក៏សម្បូរទៅដោយជាតិដែក ដែលអាចជួយបង្កើនបរិមាណឈាម និងលំហូរឈាម ដើម្បីផ្គត់ផ្គង់អុកស៊ីសែន និងសារធាតុចិញ្ចឹមដល់ផ្នែកផ្សេងៗទៀតនៃរាងកាយ។
៣. ទឹកម្នាស់
ជាមួយគ្នានេះដែរ ម្នាស់ជាអាហារដ៏ល្អឯកសម្រាប់កាត់បន្ថយអាការៈឈឺចាប់អំឡុងពេលមករដូវ។ ផ្លែឈើមួយប្រភេទនេះមានផ្ទុកអង់ស៊ីមម្យ៉ាងឈ្មោះថា Bromelain ដែលអាចជួយបន្ទន់ស្រទាប់ស្បូន ដោយធ្វើឲ្យការឈឺចាប់ថយចុះ។ បន្ថែមពីនេះ វាក៏អាចជួយគ្រប់គ្រងលំហូរឈាម និងធ្វើឲ្យយើងមករដូវទៀងទាត់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម