អំឡុងពេលមករដូវ ស្រីៗយើងតែងតែប្រឈមនឹងបញ្ហាផ្សេងៗ ដូចជាការប្រែប្រួលអារម្មណ៍ ឬអាការៈចុកពោះជាដើម។ ជាមួយគ្នានេះដែរ ស្បែករបស់យើងក៏ជួបប្រទះនឹងផលវិបាកដោយសារតែការប្រែប្រួលអ័រម៉ូន។ ដូច្នេះហើយ ស្រីៗយើងចាំបាច់យកចិត្តទុកដាក់ចំពោះស្បែកឲ្យបានដិតដល់ជាងមុន នៅអំឡុងពេលមករដូវ។

១. ដោះស្រាយបញ្ហាមុនកើតអំឡុងពេលមករដូវ

ទោះបីជាការកើតមុនអាចបណ្ដាលមកពីការផលិតខ្លាញ់កើនឡើងក៏ពិតមែន ប៉ុន្តែការប៉ះពាល់នឹងបាក់តេរីពីខាងក្រៅក៏ជាឫសគល់នៃការកើតមុនដូចគ្នា។ ដូច្នេះហើយ ការសម្អាតផ្ទៃមុខចំនួន២ដងក្នុងមួយថ្ងៃ ដោយប្រើទឹកក្ដៅឧណ្ហៗ និងហ្វូមលាងមុខ salicylic acid ប្រភេទស្រាល គឺជារឿងចាំបាច់មួយ ដែលយើងមិនគួររំលងឡើយ។ បន្ថែមពីនេះ យើងគប្បីជូតសម្អាតមុខស្រាលៗជាមួយនឹងក្រដាសជូតមុខមួយថ្ងៃ ២ដង ដើម្បីកម្ចាត់ជាតិប្រេងដែលលើស។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២. កាត់បន្ថយការប្រើប្រាស់គ្រឿងសម្អាង

ទន្ទឹមនឹងនេះដែរ ស្រីៗយើងគប្បីកាត់បន្ថយការប្រើប្រាស់គ្រឿងសម្អាង ដើម្បីឲ្យស្បែករបស់យើងអាចដកដង្ហើមបាន។ បន្ថែមពីនេះ យើងអាចប្រើម៉ាសបិទមុខធម្មជាតិដូចជាទឹកដោះគោជូរ ស៊ុត ផ្លែប័រ ឬល្ហុង ដើម្បីធ្វើឲ្យស្បែកវិលមករកសភាពក្មេងជាងវ័យ។ យ៉ាងណាមិញ ប្រសិនបើចាំបាច់ត្រូវប្រើប្រាស់គ្រឿងសម្អាង យើងត្រូវលាងជម្រះចេញឲ្យស្អាតល្អ មុនពេលចូលគេង ព្រមទាំងប្រើប្រាស់ក្រែមការពារកម្ដៅថ្ងៃជាប្រចាំ។

៣. ផ្ដល់ជាតិទឹកដល់ស្បែក

ស្បែករបស់យើងអាចនឹងស្ងួត នៅអំឡុងពេលមករដូវ។ ស្រីៗយើងក៏អាចប្រើប្រាស់ក្រែមផ្ដល់សំណើមដែលស័ក្ដិសមចំពោះប្រភេទស្បែករបស់យើងផងដែរ។

ថែស្បែកអំឡុងពេលមករដូវ១

៤. ញ៉ាំអាហារល្អចំពោះសុខភាពៗ

អាហារដែលសម្បូរដោយអាស៊ីដខ្លាញ់អូមេហ្គា៣ វីតាមីនE និងសារធាតុប្រឆាំងអុកស៊ីតកម្ម សុទ្ធតែល្អបំផុតចំពោះស្បែក។ វាជួយកាត់បន្ថយការរលាក ជួយឲ្យស្បែកមានសំណើម និងទន់ល្មើយ ព្រមទាំងជួយជំរុញចរន្តឈាម និងពន្យឺតភាពចាស់ថែមទៀតផង។ ហេតុនេះហើយ ស្រីៗយើងគប្បីបញ្ចូលសាច់ត្រី ប្រេងបន្លែ គ្រាប់ធញ្ញជាតិ ក៏ដូចជាផ្លែបឺរី ដើម្បីសម្រស់ស្រស់ស្អាត នៅអំឡុងពេលមករដូវ។

៥. ហាត់ប្រាណ

ពិតណាស់ លំហាត់ប្រាណមិនត្រឹមតែអាចជួយគ្រប់គ្រងទម្ងន់របស់យើងប៉ុណ្ណោះទេ វាថែមទាំងផ្ដល់នូវស្បែកភ្លឺរលោងបន្ទាប់ពីមករដូវរួច ព្រមទាំងកាត់បន្ថយអាការៈចុកពោះនៅអំឡុងពេលនេះដែរ។ ញើសអាចបណ្ដេញភាពកខ្វក់ចេញពីផ្ទៃមុខបានយ៉ាងមានប្រសិទ្ធភាព ប៉ុន្តែយើងចាំបាច់ត្រូវលាងសម្អាតមុខឲ្យបានស្អាត បន្ទាប់ពីធ្វើលំហាត់ប្រាណរួច។

គួរស្វែងយល់បន្ថែមពីបញ្ហារដូវផ្សេងទៀត៖

ស្រីៗយើងដឹងអត់ថា ពេល​មករដូវគួរថែទាំស្បែកបែបណាល្អ?

១. ដោះស្រាយ​បញ្ហា​មុន​​កើត​អំឡុង​ពេល​មក​រដូវ​

២. កាត់បន្ថយ​ការ​ប្រើប្រាស់​គ្រឿង​សម្អាង​

​​​​​​៣. ផ្ដល់​ជាតិ​ទឹក​ដល់​ស្បែក​

៤. ញ៉ាំ​​អាហារ​​ល្អ​ចំពោះសុខភាពៗ​

៥. ហាត់​ប្រាណ​

ស្រីៗយើងដឹងអត់ថា ពេលមករដូវគួរថែទាំស្បែកបែបណាល្អ?

១. ដោះស្រាយបញ្ហាមុនកើតអំឡុងពេលមករដូវ

២. កាត់បន្ថយការប្រើប្រាស់គ្រឿងសម្អាង

៣. ផ្ដល់ជាតិទឹកដល់ស្បែក

៤. ញ៉ាំអាហារល្អចំពោះសុខភាពៗ

៥. ហាត់ប្រាណ