ពិតណាស់ ស្រីៗយើងអាចប្រឈមនឹងការរាំងរដូវ ដោយសារមូលហេតុជាច្រើន។ ជួនកាលរដូវអាចមកលឿន ឬយូរជាងធម្មតា ហើយរយៈពេល និងបរិមាណនៃការធ្លាក់ឈាមរដូវ ក៏មិនដូចគ្នាដែរ។ ជាក់ស្តែង ស្រ្តេសជាមូលហេតុចម្បងមួយ ដែលនាំឲ្យយើងមានវដ្ដរដូវមិនទៀង ឬរាំងរដូវតែម្តង ពីព្រោះបញ្ហាស្រ្តេស អាចប៉ះពាល់ដល់វដ្ដបន្តពូជ ព្រមទាំងបង្កជាការឈឺចាប់អំឡុងពេលមករដូវ។ នៅពេលដែលកម្រិតអ័រម៉ូនស្រ្តេស Cortisolនៅក្នុងរាងកាយឡើងខ្ពស់ មុខងារជាច្រើន ដូចជាការរំលាយអាហារ ឬការបន្តពូជក៏ប្រែប្រួលផងដែរ។

ស្រ្តេសអាចបង្កឲ្យរាំងរដូវដោយវិធីណា?

ខួរក្បាលផ្នែកខាងលើរបស់មនុស្សយើងគ្រប់គ្រងមុខងារសំខាន់ៗជាច្រើននៃរាងកាយ និងទទួលខុសត្រូវជំរុញក្រពេញEndocrine ផ្សេងទៀតឲ្យបញ្ចេញអ័រម៉ូនរបស់ខ្លួនទៅក្នុងឈាម។ នៅពេលដែលរាងកាយយើងស្រ្តេស នោះកម្រិតអ័រម៉ូនCortisol នឹងឡើងខ្ពស់ ហើយអ័រម៉ូនCortisolនេះ ក៏មានសមត្ថភាពបិទមុខងារមិនចាំបាច់មួយចំនួន ដូចជាការរំលាយអាហារ និងការបន្តពូជ ដើម្បីគ្រប់គ្រងនឹងបញ្ហាស្ត្រេស។ លើសពីនេះ ស្រ្តេសក៏អាចរំខានដល់មុខងារនៃប្រព័ន្ធភាពស៊ាំ ដែលអាចធ្វើឲ្យរាងកាយងាយនឹងឆ្លងមេរោគថែមទៀតផង។ យោងតាមអ្នកជំនាញបានឲ្យដឹងថា អ័រម៉ូនCortisol អាចបណ្តាលឲ្យគ្នាយើងមករដូវយឺត ឬមករដូវតិចតួច និងពេលខ្លះរាំងរដូវតែម្តង។ ប្រសិនបើយើងរកមិនឃើញកត្តាបង្កស្រ្តេសនៅក្នុងរាងកាយ ឬមានបញ្ហាស្រ្តេសរ៉ាំរ៉ៃ នោះយើងអាចរាំងរដូវរយៈពេលវែង។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

ពេលណាគួរទៅជួបគ្រូពេទ្យ?

ជំហានដំបូង យើងគួរធ្វើតេស្ដផ្ទៃពោះជាមុន នៅពេលដែលគ្នាយើងបាត់រដូវ។ ក្នុងករណីដែលយើងបាត់រដូវជាប់ៗគ្នាចំនួន៣ខែ នោះគួរតែទៅពិគ្រោះយោបល់ជាមួយនឹងគ្រូពេទ្យ ដើម្បីស្វែងរកកត្តាបង្កមួយចំនួន ដូចជាគីសទឹកក្រពេញអូវែ បញ្ហាក្រពេញទីរ៉ូអ៊ីត និងកត្តាផ្សេងទៀតផង។ ប៉ុន្តែ ប្រសិនបើ ស្រ្តេសជាបញ្ហាចម្បងនៃការរាំងរដូវនេះ យើងអាចសាកល្បងតិចនិកមួយចំនួនខាងក្រោម៖

ធ្វើលំហាត់ប្រាណ
ញ៉ាំអាហារដែលមានសារធាតុចិញ្ចឹម
ធ្វើសមាធិ
គេងឲ្យបានគ្រប់គ្រាន់
ចូលរួមនៅក្នុងសកម្មភាពសប្បាយៗ ឬដើរលេងកំសាន្ត។

អត្ថបទគួរអាន៖

ស្រ្តេសអាចបណ្តាលឲ្យស្រីៗរាំងរដូវ ដោះស្រាយបែបណា?​

​​​ស្រ្តេស​អាច​​បង្ក​ឲ្យ​រាំង​រដូវ​ដោយ​វិធី​ណា?

ពេល​ណា​គួរ​ទៅ​ជួប​គ្រូពេទ្យ​?

ស្រ្តេសអាចបណ្តាលឲ្យស្រីៗរាំងរដូវ ដោះស្រាយបែបណា?

ស្រ្តេសអាចបង្កឲ្យរាំងរដូវដោយវិធីណា?

ពេលណាគួរទៅជួបគ្រូពេទ្យ?