ទ្វារមាសរលុងដោយសារស្បែកទ្វារមាសមានសភាពទន់ និងយឺតដូចជាកៅស៊ូកងអ៊ឹងចឹងដែលអាចបាត់បង់ភាពយឺត និងរលុង។ ធ្វើម៉េចទើបយើងដឹងថា ទ្វារមាសរលុង? គួរបន្តឹងវិញដោយវិធីណា? ប្រសិនបើយើងសង្កេតឃើញអាការៈដូចខាងក្រោមអាចមានន័យថា ទ្វារមាសយើងរលុងហើយ។

១. លេចនោម

ប្រសិនបើយើងលេចនោមតិចតួច (តិចជា ៥០ មីលីលីត្រ) ក្នុងអំឡុងពេលដូចជា ធ្វើកិច្ចការផ្ទះ លើករបស់ធ្ងន់ៗ ធ្វើសកម្មភាពណាដែលត្រូវប្រើកម្លាំងខ្លាំង ឬសូម្បីតែពេលកណ្តាស់ សើច ឬក្អកអាចមានន័យថាសាច់ដុំទ្វារមាសរបស់យើងបាត់បង់ភាពយឺត និងសមត្ថភាពក្នុងការកន្ត្រាក់ហើយ។

ជាធម្មតាសាច់ដុំទ្វារមាសអាចជួយទប់ទឹកនោម និងការពារប្លោកនោមមិនឱ្យបញ្ចេញទឹកនោម។ ការលេចនោមបែបនេះមិនដូចការលេចនោមដែលមិនដឹងខ្លួនទេ តែជាការលេចនោមដែលភ្ញោចពីការមានសម្ពាធបុកនឹងពោះ។

២. ខ្សោយសាច់ដុំអាងត្រគាក

ប្រសិនបើសាច់ដុំអាងត្រគាកយើងខ្សោយជាងមុន ទ្វារមាសយើងអាចរលុង ព្រោះសាច់ដុំទ្វារមាសពឹងផ្អែកលើកម្លាំងសាច់ដុំអាងត្រគាកដើម្បីកន្រ្តាក់ និងសន្ធឹង។ បើយើងមានអាការៈដូចខាងក្រោម អាចមានន័យថាសាច់ដុំអាងត្រគាកយើងខ្សោយ៖

រាន់នោមខ្លាំង
នោមញឹកញាប់ ឬនោមច្រើននៅពេលយប់
មានអារម្មណ៍ថាធ្ងន់ ធ្លាក់ ប៉ោង ឬមិនស្រួលនៅក្នុងទ្វារមាស ឬរន្ធគូទ
ឈឺចាប់នៅតំបន់អាងត្រគាក ឬមិនស្រួលក្នុងអំឡុងពេលរួមភេទ

៤. ខ្វះភាពរំភើបអំឡុងពេលរួមមេត្រី

ប្រសិនបើយើងមិនមានអារម្មណ៍រំភើប នៅមុនពេលរួមមេត្រីដូចជាពេលដៃគូរបបោសអង្អែរ ឬថើបជាដើម ឬអំឡុងពេលរួមមេត្រី នេះអាចដោយសារទ្វារមាសយើងរលុង ព្រោះសាច់ដុំទ្វារមាសលែងអាចកន្រ្តាក់ ឬសន្ធឹងបាន។

៥. បបូរទ្វារមាសមិនអាចខ្ជឹបម្រាមដៃចង្អុល

ប្រសិនបើពេលយើងសូកម្រាមដៃចង្អុលចូលទ្វារមាស ហើយបបូរទ្វារមាសមិនអាចខ្ជឹបម្រាមដៃចង្អុលទេ មានន័យថាយើងមិនអាចកន្ត្រាក់សាច់ដុំទ្វារមាសបានទេដែលបញ្ជាក់ទ្វារមាសយើងរលុងហើយ។

ក្រៅពីការវះកាត់បង្រួមទ្វារមាស យើងអាចបន្តឹងទ្វារមាសដោយ៖

– លំហាត់លើកជើង៖ លំហាត់ប្រាណដ៏សាមញ្ញនេះគ្រាន់តែតម្រូវឱ្យយើងគេងផ្ងារ ហើយលើកជើងឡើងលើម្តងមួយចំហៀងឱ្យត្រង់រយៈពេល ១ នាទី។ យើងគួរហាត់បែបនេះ ៥ ដងក្នុងមួយថ្ងៃ ហើយក្នុងមួយដង ១០ នាទី។

លើកជើង

ចង់គណនា BMI ចុចទីនេះ!

ចង់គណនា BMR ចុចទីនេះ!

ចង់ពិនិត្យជំងឺសរសៃឈាមបេះដូង ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

– ហាត់លំហាត់ Kegel៖ មុននឹងធ្វើលំហាត់នេះយើងត្រូវស្វែងរកសាច់ដុំអាងត្រគាកសិន។ ពេលបត់ជើងតូច យើងត្រូវទប់នោម សាច់ដុំអាងត្រគាកគឺជាសាច់ដុំដែលគ្រប់គ្រងរំហូរនោមរបស់យើង ហើយមានដូចជា សាច់ដុំក្នុងទ្វារមាស ប្លោកនោម ឬរន្ធគូទ។ ពេលយើងទប់នោម សាច់ដុំទាំងបីគួរតែរំកិលឡើង ខណៈភ្លៅ គូទ និងពោះរបស់យើងនៅធម្មតា។

គេងផ្ងារ និងបន្ធូរអារម្មណ៍
ដកដង្ហើមចូល រួចខ្ជឹបសាច់ដុំអាងត្រគាករយៈពេល ៥ វិនាទីបន្ទាប់មកដកដង្ហើមចេញ ហើយលាសាច់ដុំអាងត្រគាករយៈពេល ៥ វិនាទី
រួចសម្រាក ៥ វិនាទី ហើយបន្តធ្វើបែបនេះ ១០ ដង និងហាត់លំហាត់ Kegel បីដងក្នុងមួយថ្ងៃ

– លំហាត់អាងត្រគាក៖

ឈរដោយផ្អែកស្មា និងគូទទល់នឹងជញ្ជាំង
បន្ធូរជង្គង់
ផតពោះរយៈពេល ៤ វិនាទីដោយផ្អែកខ្នងនឹងជញ្ជាំងឱ្យត្រង់ រួចលែងពោះវិញ
ធ្វើបែបនេះឡើងវិញ ១០ ដង និង ៥ ដងក្នុងមួយថ្ងៃ

ទ្វារមាសរលុងមិនត្រឹមតែប៉ះពាល់ដល់សុខភាពផ្លូវភេទ និងទំនាក់ទំនងប្តីប្រពន្ធទេ ថែមទាំងប៉ះពាល់ដល់សុខភាពផ្លូវទឹកនោមយើងទៀតផង។ ដូច្នេះយើងគួរហាត់លំហាត់ខាងលើដើម្បីបន្តឹងសាច់ដុំទ្វារមាសឡើងវិញ។

អត្ថបទគួរអាន៖

ចំណុចសំខាន់

១. សញ្ញាបញ្ជាក់ថាទ្វារមាសយើងរលុង៖

លេចនោម
ខ្សោយសាច់ដុំអាងត្រគាក
ខ្វះភាពរំភើបអំឡុងពេលរួមមេត្រី
បបូរមាត់ទ្វារមាសមិនអាចខ្ជឹបម្រាមដៃចង្អុល

២. ក្រៅពីការវះកាត់បង្រួមទ្វារមាស យើងអាចបន្តឹងទ្វារមាសដោយ៖

ហាត់លំហាត់លើកជើង
ហាត់លំហាត់ Kegel
ហាត់លំហាត់អាងត្រគាក

ក្បូនបន្តឹងទ្វារមាសឲ្យណែនល្អ ​និងជួយសុខភាពផ្លូវទឹកនោម

១. លេចនោម

២. ខ្សោយសាច់ដុំអាងត្រគាក

៤. ខ្វះ​ភាព​រំភើប​អំឡុង​ពេល​រួម​មេត្រី

៥. បបូរទ្វារមាសមិនអាចខ្ជឹបម្រាមដៃចង្អុល

ចំណុចសំខាន់

ក្បូនបន្តឹងទ្វារមាសឲ្យណែនល្អ និងជួយសុខភាពផ្លូវទឹកនោម

៤. ខ្វះភាពរំភើបអំឡុងពេលរួមមេត្រី