ស្រីៗអាចបាត់បង់ចំណង់ផ្លូវភេទបន្តិចម្ដងៗ ដោយសារកត្តាផ្សេងៗ ហើយយូរទៅ ច្បាស់ជាបាត់បង់ចំណង់ផ្លូវភេទទាំងស្រុងក៏មាន។ “Hello គ្រូពេទ្យ” នឹងប្រាប់ពីមូលហេតុសំខាន់ៗដែលសម្លាប់ចំណង់ផ្លូវភេទស្រីៗ បើមិនចាប់អារម្មណ៍។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ស្រីៗអាចបាត់បង់ចំណង់ផ្លូវភេទបន្តិចម្ដងៗ ដោយសារកត្តាផ្សេងៗ ហើយយូរទៅ ច្បាស់ជាបាត់បង់ចំណង់ផ្លូវភេទទាំងស្រុងក៏មាន។ “Hello គ្រូពេទ្យ” នឹងប្រាប់ពីមូលហេតុសំខាន់ៗដែលសម្លាប់ចំណង់ផ្លូវភេទស្រីៗ បើមិនចាប់អារម្មណ៍។
ស្ត្រេស អាចកើតឡើងដោយសាររឿងការងារ លុយកាក់ បញ្ហាគ្រួសារ ឬក៏អាចបង្កដោយសារអ្នកជិតខាង។ ពេលយើងស្ត្រេសខ្លាំង ប្រហែលជាមិនចង់ធ្វើអ្វីទាំងអស់ តែងគិតអ្វីមួយក្នុងផ្លូវអវិជ្ជមាន។ យើងអាចនឹងគេចចេញ មិនចង់រួមភេទអំឡុងពេលយើងស្ត្រេសខ្លាំង។ ដូចនេះ ការគ្រប់គ្រងបញ្ហាស្ត្រេស ជារឿងសំខាន់ខ្លាំងណាស់ ហើយបើយើងជួបបញ្ហានេះ គួរជួបពិភាក្សាជាមួយគ្រូពេទ្យ ដើម្បីរកវិធីដោះស្រាយ។
បើឧស្សាហ៍គេងមិនគ្រប់គ្រាន់ យើងនឹងចាប់ផ្ដើមអស់កម្លាំង ហើយភាពនឿយហត់អស់កម្លាំងទាំងនេះ អាចសម្លាប់ចំណង់ផ្លូវភេទយើងបាន។ យើងអាចគ្មានអារម្មណ៍ចង់ធ្វើអ្វីទាំងអស់ នឹកចង់គេងគ្រប់ពេលអស់កម្លាំងខ្លាំង។
ពេលមានកូន ស្រីៗត្រូវចំណាយពេលច្រើន ដើម្បីចិញ្ចឹមបីបាច់ លេង និងបញ្ចុកអាហារកូនៗ។ ហេតុនេះហើយ យើងមិនមានពេលវេលាច្រើនសម្រាប់បង្កើតភាពស្និទ្ធស្នាលទេ។ ដើម្បីចៀសវាងបញ្ហានេះ បើអាច គួររកនរណាមកជួយមើលកូន ព្រោះពេលមានគេមើលកូនឲ្យហើយ យើងជាមួយប្តី អាចបង្កើតពេលវេលាស្និទ្ធស្នាលជាមួយគ្នាបាន។
មានថ្នាំមួយចំនួន ត្រូវគេរកឃើញថា ធ្វើឲ្យចំណង់ផ្លូវភេទថយចុះ។ ថ្នាំទាំងអស់នោះ មានដូចជា៖
– ថ្នាំព្យាបាលជំងឺលើសឈាម
– ថ្នាំគីមីព្យាបាលជំងឺមហារីក
– ថ្នាំព្យាបាលជំងឺអ័រម៉ូន
– ថ្នាំព្យាបាលជំងឺថប់បារម្ភ
– ថ្នាំពន្យារកំណើត
បើចំណង់ផ្លូវភេទយើងស្រាប់តែបាត់បង់ភ្លាមៗ បន្ទាប់ពីប្រើប្រាស់ថ្នាំប្រភេទនេះ គួរប្រញាប់ប្រាប់គ្រូពេទ្យ។ គ្រូពេទ្យអាចប្ដូរថ្នាំថ្មី ឬប្ដូរកម្រិតថ្នាំ ប្រហែលជាអាចជួយយើងបាន។ តែមិនត្រូវប្ដូរកម្រិតថ្នាំ ឬបញ្ឈប់ប្រើប្រាស់ថ្នាំដោយមិនមានវេជ្ជបញ្ជាពីគ្រូពេទ្យជាដាច់ខាត។
ការសិក្សាមួយចំនួនរកឃើញថា ធាត់លើសទម្ងន់ អាចធ្វើឲ្យប៉ះពាល់ដល់ចំណង់ផ្លូវភេទបាន។ នេះអាចបណ្ដាលមកពីយើងមិនសូវជឿជាក់លើសម្រស់ខ្លួនឯង ដោយសារគិតថាខ្លួនឯងធាត់ពេក។ ក្រៅពីនេះ ក៏នៅមានកត្តាផ្លូវចិត្ដមួយចំនួនផ្សេងទៀត អាចកើតឡើងទាក់ទងជាមួយបញ្ហាធាត់នេះ។ គួរព្យាយាមគ្រប់គ្រងទម្ងន់ខ្លួនឯង ញ៉ាំអាហារល្អៗសម្រាប់សុខភាព និងត្រូវហាត់ប្រាណជាប្រចាំ។
បើផឹកត្រឹមតែមួយកែវ ឬពីរកែវ មិនចោទជាបញ្ហាទេ ប៉ុន្តែបើផឹកគ្រឿងស្រវឹងច្រើនពេក នឹងទៅធ្វើឲ្យចំណង់ផ្លូវភេទទៅជាស្ពឹកៗ។ ដៃគូ ក៏មិនចង់រួមភេទជាមួយមនុស្សស្រវឹងធុំក្លិនស្រាហួងនោះដែរ។ ដូចនេះ គួរចេះគ្រប់គ្រងបរិមាណគ្រឿងស្រវឹងយើងផឹកឲ្យបានត្រឹមត្រូវ។
ពេលយើងមាន ជំងឺបាក់ទឹកចិត្ដ គ្រូពេទ្យនឹងចេញថ្នាំព្យាបាលជំងឺបាក់ទឹកចិត្ដឲ្យយើង ហើយថ្នាំបាក់ទឹកចិត្ដមួយចំនួន អាចធ្វើឲ្យចំណង់ផ្លូវភេទថយចុះ។ ពេលចំណង់ផ្លូវភេទថយចុះ យើងអាចនឹងពិបាកចិត្ដម្ដងទៀត ហេតុនេះគួរពិភាក្សាជាមួយគ្រូពេទ្យរកដំណោះស្រាយល្អ។
ពេលឈានដល់វ័យចាប់ផ្ដើមអស់រដូវ យើងអាចជួបបញ្ហាមួយចំនួន រួមមាន ស្ងួតទ្វារមាស ឬឈឺចាប់ពេលរួមភេទ ដោយរោគសញ្ញាទាំងនេះ ធ្វើឲ្យស្រីមិនចង់រួមភេទដូចមុន។ ពេលយើងឈានចូលវ័យកាន់តែចាស់ ភាពជឿជាក់លើសម្រស់ខ្លួនអាចនឹងធ្លាក់ចុះដូចគ្នា នាំឲ្យអារម្មណ៍មិនចង់ស្និទ្ធស្នាលជាមួយប្តីក្នុងវ័យចំណាស់ដូចគ្នា។
តេស្តូស្ដេរ៉ូន ជាអ័រម៉ូនសម្រាប់បង្កើនចំណង់ផ្លូវភេទ ពេលយើងកាន់តែចាស់កម្រិតអ័រម៉ូនតេស្តូស្ដេរ៉ូនកាន់តែចុះទាប ដូចនេះចំណង់ផ្លូវភេទនឹងថយចុះតាមដូចគ្នា។ កម្រិតអ័រម៉ូនតេស្តូស្ដេរ៉ូន អាចប៉ះពាល់ទាំងអារម្មណ៍ផ្លូវភេទទាំងស្រីៗ និងប្រុសៗ។
ពេលទំនាក់ទំនងប្តីប្រពន្ធមានបញ្ហា ច្បាស់ជាមិនចង់រួមភេទជាមួយគ្នាមិនខាន ហេតុនេះព្យាយាមពិភាក្សាគ្នាឲ្យបានច្រើន។ បើកចិត្ដឲ្យទូលាយ និងស្វែងយល់ពីគ្នា។
ចំណង់ផ្លូវភេទយើង អាចប្រែប្រួលដោយសារកត្ដារាងកាយ និងកត្ដាផ្លូវចិត្ដ។ ដូចនេះ ដឹងពីមូលហេតុធំៗទាំង ១០ ខាងលើ នឹងជួយឲ្យយើងរកវិធីដោះស្រាយ និងធ្វើឲ្យជីវិតផ្លូវភេទត្រឡប់មករកភាពល្អប្រសើរដូចដើមវិញបាន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ