ស្រីៗបើ​ជួបបញ្ហា​ប៉ុន្មានយ៉ាងនេះ អាចធ្វើឲ្យ​ចំណង់ផ្លូវភេទ​ធ្លាក់ចុះ

    ស្រីៗបើ​ជួបបញ្ហា​ប៉ុន្មានយ៉ាងនេះ អាចធ្វើឲ្យ​ចំណង់ផ្លូវភេទ​ធ្លាក់ចុះ

    ជា​រឿង​ធម្មជាតិ​ទៅ​ហើយ​ដែល​ចំណង់​ផ្លូវ​ភេទ​របស់​ស្រីៗ​យើង​មាន​ការ​ប្រែ​ប្រួល​ពី​ពេល​មួយ​ទៅ​ពេល​មួយ​នោះ ​ដោយ​ពេល​ខ្លះ​ក៏​មាន​ចំណង់​ខ្លាំង និង​ពេល​ខ្លះ​ក៏​តិច​ទៅ​តាម​ហ្នឹង​ដែរ។ យ៉ាង​ណា​ក៏​មាន​បញ្ហា​វ័យ សុខភាព​ផ្លូវកាយ និង​ផ្លូវ​ចិត្ត ​មួយ​ចំនួន​បង្ក​ឲ្យ​ចំណង់​ផ្លូវ​ភេទ​របស់​ស្រីៗ​ធ្លាក់​ចុះ​បាន។

    មុ​ន​នឹង​និយាយ​ដល់​មូល​ហេតុ​នាំ​ឲ្យ​ស្រីៗ​បាត់​បង់​ចំណង់​ផ្លូវ​ភេទ យើង​ក៏​គួរ​ដឹង​ពី​រោគសញ្ញា​មួយ​ចំនួន​ដែល​បង្ហាញ​ថា​ស្រីៗ​យើង​ចាប់​ផ្ដើម​ធ្លាក់ចុះ​ចំណង់​ផ្លូវ​ភេទ​ហើយ។ រោគ​សញ្ញា​ទាំង​នោះ​រួម​មាន៖

    • មិន​ចាប់​អារម្មណ៍​នឹង​សក​ម្មភាព​ណាមួយ​ទាក់ទង​នឹងការ​រួមភេទ រួមទាំង​ការ​សម្រេច​កាម​ផង​ដែរ
    • មិន​ដែល ឬ​យូរៗ​ម្ដង​ទើប​នឹង​ដល់​រឿង​រួមភេទ
    • ព្រួយ​បារម្ភពី​ការ​បាត់​បង់​ចំណង់​ផ្លូវ​ភេទ​របស់​ខ្លួន។

    អត្ថបទពាក់ព័ន្ធ៖

    សម្រាប់​មូល​ហេតុ​បង្ក​ឲ្យ​ស្រីៗ​យើង​បាត់​បង់ ឬ​ធ្លាក់​ចុះ​ចំណង់​ផ្លូវ​ភេទ​រួម​មាន៖

    . កត្តា​ផ្លូវ​កាយ​

    ស្រីៗ​យើង​ខ្លះ​បាន​ជួប​បញ្ហា​ពេល​រួម​ភេទ ដូច​ជា​មាន​ការឈឺចាប់​ខ្លាំង​ពេល​កំពុង​រួមភេទ មិន​អាច​ដល់​ចំណុច​កំពូល បំបៅ​ដោះកូន អស់​ដូវ មាន​ជំងឺ​ប្រចាំ​កាយ​ដូច​ជា​មហារីក ទឹកនោមផ្អែម រលាក​សន្លាក់ និង​សម្ពាធ​ឈាម​ឡើង​ខ្ពស់​ក៏​​​​សុទ្ធ​តែ​អាច​កាត់បន្ថយ​ចំណង់​ផ្លូវ​ភេទ​របស់​ស្រីៗ​ដែរ។​ ជាមួយ​គ្នា​នោះ​ដែរ បើ​ស្រី​ៗ​យើង​រវល់​មើល​មើល​ថែ​កូន មើល​ថែ​ប៉ា​ម៉ាក់​ចាស់​ៗ​ក្នុង​គ្រួសារ​ក៏​​អាច​ធ្វើ​ឲ្យ​ចំណង់​ផ្លូវ​ភេទ​ធ្លាក់​ចុះ​ដែរ។​

    បៀតបៀនផ្លូវភេទ១

    . កត្តា​ផ្លូវ​ចិត្ត

    នៅ​ពេល​ដែល​យើង​មាន​អារម្មណ៍​មិន​ល្អ​ ក៏​ធ្វើ​ឲ្យ​ប៉ះពាល់​ដល់​ចំណង់ផ្លូវ​ភេទ​របស់​យើង​ដូច​គ្នា។ បញ្ហា​ផ្លូវ​ចិត្ត​ទាំង​នោះ​មាន​ដូច​ជា៖

    • ជំងឺ​បាក់ទឹកចិត្ត ឬ​ថប់​បារម្ភ
    • តានតឹង​ក្នុង​ចិត្ត​ព្រោះ​រឿង​លុយ​កាក់ ឬ​ការងារ
    • បាក់​សម្រស់ និង​
    • ធ្លាប់​ជួប​បទ​ពិសោធន៍​អវិជ្ជមាន​រឿង​រួមភេទ​

    ចង់គណនា BMR ចុចទីនេះ!

    ចង់គណនារង្វាស់ចង្វាក់បេះដូង ចុចទីនេះ!

    ចង់ពិនិត្យជំងឺមហារីកសុដន់ ចុចទីនេះ!

    ចង់ពិនិត្យជំងឺមហារីកមាត់ស្បូន ចុចទីនេះ!

    ​​​​​​. កត្តា​ទំនាក់​ទំនងដៃគូ

    សម្រាប់​ស្រីៗ​ជាច្រើន​ការ​មាន​ទំនាក់ទំនង​ជិតស្និទ្ធ​ជាមួយ​ដៃគូ ជា​រឿង​សំខាន់​ក្នុង​ការ​បង្កើត​ភាព​ស្និទ្ធស្នាល​រឿង​លើ​គ្រែ​នេះ​ដែរ។ ដូចនេះ​ហើយ​ បញ្ហា​ក្នុង​ទំនាក់​ទំនង​រវាង​ដៃគូ​ស្នេហា ដូច​ជាមិន​សូវ​ស្និទ្ធ​ស្នាល មាន​ជម្លោះ​មិន​ដោះស្រាយ លាក់​លៀម​ពី​តម្រូវ​ការ​ផ្លូវ​ភេទ និង​បញ្ហាជំនឿចិត្តលើគ្នា ​​គឺ​​សុទ្ធ​ជា​កត្តា​ចម្បងៗ​​​នាំឲ្យ​ចំណង់​ផ្លូវ​ភេទ​របស់​ស្រីៗ​យើង​ធ្លាក់​ចុះ​។

    ​​ចំពោះ​ស្រីៗ​យើង​ដែល​មាន​កង្វល់​ចំពោះ​បញ្ហា​នេះ​ សូម​ប្រឹក្សា​ជាមួយ​គ្រូពេទ្យ​ជំនាញ​ ដើម្បី​បាន​ដំណោះស្រាយ​សមរម្យ​​។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ ទូច សុខា · កែ 28/10/2022

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម