home

ក្រចក

ក្រចក - សុខភាព​ក្រចក សម្រស់​/ម៉ូដ​ក្រចក ជាពិសេស​ស្រីៗ អាច​ស្វែងយល់​ពី​បញ្ហា​ក្រចក​នានា និង​វិធីដោះស្រាយ​ងាយ​បាន​នៅទីនេះ

ចំណេះដឹងទូទៅ

ក្រចក

វា​ជា​រឿង​សំខាន់​មួយ​ដែល​ប៉ា​ម៉ាក់​គួរ​បង្រៀន​កូន​ឲ្យ​យល់​ដឹង​ពី​របៀប​ថែទាំ​ក្រចក ព្រោះ​ថា​ការ​ចេះ​ថែទាំ​ក្រចក​អាច​ជួយ​ឲ្យ​កូន​យើង​មានទម្លាប់​ថែ​ទាំ​​ក្រចក​ប្រកប​ដោយ​សុខភាព​ល្អ​ និង​មិន​ឆ្លង​រោគ​។ ជា​ការ​ណែ​ប៉ា​ម៉ាក់​មិន​ត្រូវ​បណ្ដោយ​ឲ្យ​កូន​កាត់​ក្រចក​ខ្លួន​ឯង​នៅ​មុន​ពួកគេ​មាន​អាយុ​៩ ឬ​១០​ឆ្នាំ​នោះ​ទេ។ ១. វិធី​ថែ​ទាំ​ក្រចក​ដៃ ក្រ​ចក​ដៃ​ខ្លី ងាយ​ស្រួល​សម្អាត និង​មិន​ងាយ​បាក់​។ អ្នក​​ឯកទេស​ខាង​សុខ​ភាព​ស្បែក​លើក​ឡើង​ថា​ពេល​កូន​ចេះ​កាត់​ក្រចក​ខ្លួន​ឯង​ប៉ា​ម៉ាក់​គួរ​បង្រៀន​កូន​ពី​ចំណុច​មួយ​ចំនួន​នេះ​៖ កាត់​ក្រចក​បន្ទាប់​ពី​ងូត​ទឹក​រួច ព្រោះ​ថា​ក្រោយ​ងូត​ទឹក​ក្រចក​មាន​សភាព​ទន់ ងាយ​ស្រួល​កាត់​ សម្ងួត​ដៃ​ឲ្យ​បាន​ស្អាត​ជា​និច្ច បើ​សិន​ជា​ក្រ​ចក​សើម​រយៈពេល​យូរ​អា​ច​ធ្វើ​ឲ្យ​ឆ្លង​រោគ​បាន​ លាប​ឡេ​នៅ​បរិវេណ​ក្រចក​ដៃ ព្រោះ​ថា​ក្រចក​ក៏​ត្រូវ​ការ​សំណើម​ដូច​គ្នា។ ពេល​វេលា​ល្អ​សម្រាប់​លាប​ឡេ​ដល់​ក្រ​ចក​គឺ ក្រោយ​លាង​ដៃ​រួច ឬ​ក្រោយ​ងូត​ទឹក​រួច​។ កម្រិត​ការ​ប្រើ​ប្រាស់​ទឹក​លាង​ក្រចក​ឲ្យ​នៅ​ត្រឹម​ពីរ​ដង​ក្នុង​មួយ​ខែ។ ទឹក​លាង​ក្រចក​ អាច​ធ្វើ​ឲ្យ​ក្រចក​ស្ងួត​​ខ្លាំង​បាន។ ចូរ​ជ្រើស​រើស​ទឹក​សម្អាត​ថ្នាំ​ក្រចក​ដែល​មិន​មាន​ជាតិ​អាសេតូន​(acetone)។ ញ៉ាំ​អាហារ​មាន​សម្បូរ​ប្រូតេអ៊ីន និង​វីតាមីន​B7។ ត្រី សាច់ ទឹក​ដោះ​គោ គ្រាប់​ផ្លែ​ឈើ និង​ស៊ុត សទ្ធ​តែ​សម្បូរ​ទៅ​ដោយ​ប្រូតេអ៊ីន និង​វីតាមីន​B7។ អាហារ​ទាំង​នេះ​ជួយ​ឲ្យ​ក្រ​ចក​មាន​សុខ​ភាព​ល្អ​ និង​រឹង​មាំ​។ ​២. វិធី​ថែទាំ​ក្រចក​ជើង ថ្វី​បើ​ក្រ​ចក​ជើង​មិន​សូវ​អ្នក​ណា​មើល​ឃើញ​ក៏​ពិត​មែន តែ​ប៉ា​ម៉ាក់​ក៏​គួរ​បង្រៀន​កូន​ឲ្យ​ចេះ​ថែទាំ​ដូច​គ្នា​។ ក្រៅ​តែ​ពី​ត្រូវ​កាត់​​ដូច​ក្រ​ចក​ដៃ​ដែរ ​ខាង​ក្រោម​នេះ​ជា​តិចនិក​មួយ​ចំនួន​ទៀត​ជួយ​ឲ្យ​ក្រចកជើង​មាន​សុខ​ភាព​ល្អ​៖ ពេល​ទិញ​ស្បែក​ជើង​ឲ្យ​កូន​ប៉ាម៉ាក់​ត្រូវ​ប្រាកដ​ថា​ស្បែក​ជើង​ត្រូវ​មាន​ចន្លោះ​ខ្លះ​នៅ​ខាង​ចុង​ជើង​ ដើម្បី​កុំ​ឲ្យ​ចុង​ជើង​បុក​ជាប់​នឹង​ស្បែក​ជើង​ពេក អាច​នាំឲ្យ​ឈឺ​ក្រចក​។ ផ្លាស់​ប្តូរ​ស្រោម​ជើង​ឲ្យ​កូន ឬ​ប្រាប់​កូន​ឲ្យ​ប្ដូរ​ស្រោម​ជើង​រាល់​ថ្ងៃ ព្រោះ​ថា​ស្រោម​ជើង​កខ្វក់​អាច​ធ្វើ​ឲ្យ​មាន​រោគ​ឆ្លង​ដែរ​។ ​៣.​ពិនិត្យ​ក្រចក​ ក្រចក​ក្មេង​ភាគ​ច្រើន​មាន​សុខ​ភាព​ល្អ​ស្រាប់​ហើយ តែ​ថា​ការណ៍​ដែល​ប៉ា​ម៉ាក់​​បង្រៀន​កូន​ឲ្យ​ចេះ​​ពិនិត្យ​​តាម​ដាន​សុខភាព​ក្រចក​ ជា​រឿង​សំខាន់​មួយ​ក្នុង​ការ​បង្កើត​ទម្លាប់​ល្អ​ដល់​កូន​ក្នុង​ការ​ថែ​ទាំ​ក្រចក​ពេល​ធំឡើង​។ អ្នក​ជំនាញ​ខាង​សុខភាព​ស្បែក​លើក​ឡើង​ថា​ការ​ពិនិត្យ​ក្រ​ចក​ជា​ប្រចាំ​អាច​ឲ្យ​យើង​ដឹង​ពី​សញ្ញា​សុខ​ភាព​មួយ​ចំនួន​ដែល​កើត​មាន​លើ​ក្រចក​។ បើ​ឃើញ​មាន​អ្វី​ប្រែ​ប្រួល​លើ​ក្រចក អាច​នាំ​ឲ្យ​ក្រចក​ខូច យើង​អាច​នាំ​កូន​ទៅ​ជួប​ពេទ្យ​ទាន់​ពេល​វេលា​។

ស្វែងរក​បន្ថែម​ទៀត ក្រចក អត្ថបទ

ក្រចក

យើង​អាច​នឹង​ចង់​បាន​ក្រចក​ដែល​ស្រស់​ស្អាត ហើយ​ក៏​ចង់​ឲ្យ​ក្រចក​វែង​លឿន​ដែរ។ ទោះបីជាយើង​មិន​អាច​ធ្វើ​ឲ្យ​ក្រចក​ដុះ​លឿន​ភ្លាមៗ ប៉ុន្តែ​យើង​អាច​ជួយ​ពង្រឹង​សុខភាព​ក្រចក​ដែល​អាច​ជួយ​ឲ្យ​ក្រចក​ដុះ​លឿន​តាម​ដែល​អាច​ធ្វើ​ទៅ​បាន។ ១. ញ៉ាំ​អាហារ​សម្បូរ​ដោយ​វីតាមីន B7 (Biotin) ការ​ញ៉ាំ​អាហារ​សម្បូរ​ដោយ​វីតាមីន B7 ធ្វើ​ឲ្យ​ក្រចក​រឹងមាំ។ អ្នក​ជំនាញ​មួយ​ចំនួន​បាន​លើកឡើង​ថា​ការ​ទទួល​បាន​វីតាមីន B7 ២,៥មិល្លីក្រាម​អាច​ពង្រឹង​ក្រចក​បាន​ក្នុង​រយៈពេល​២ទៅ៣​សប្ដាហ៍។ អាហារ​ដែល​មាន​វីតាមីន B7 មាន​ដូចជា ពោត ស៊ុត​ពណ៌​លឿង ទឹកដោះគោ សណ្ដែកសៀង ផ្លែបឺរ ផ្លែ​ចេក ផ្កាខាត់ណាខៀវ ផ្សិត ឈីស សាច់ត្រី សាច់​មាន់ និង​សាច់​ជ្រូក។ ២. ចៀសវាង​ការ​ត្រូវ​ទឹក និង​សាប៊ូ​ច្រើន យក​ល្អ​កុំ​ឲ្យ​ក្រចក​ត្រូវ​ទឹក​ច្រើន​ពេក​លើកលែង​តែ​ពេល​លាងដៃ និង​ពេល​ងូតទឹក។ នៅ​ពេល​លាង​ចាន ឬ​ធ្វើ​កិច្ចការ​ក្នុង​ផ្ទះ​ផ្សេងៗ យើង​គួរ​ពាក់​ស្រោមដៃ​ដើម្បី​កុំ​ឲ្យ​ក្រចក​ត្រូវ​ទឹក និង​សាប៊ូ​ច្រើន។ ការ​ការពារ​កុំ​ឲ្យ​ក្រចក​ត្រូវ​ទឹក​ ឬ​សាប៊ូច្រើន​អាច​រក្សា​សំណើម និង​បន្ថយ​ហានិភ័យ​នៃ​ការ​បាក់​ក្រចក។ ៣. ឈូស​ក្រចក​ជាប្រចាំ យើង​គួរ​ឈូស​ក្រចក​ឲ្យ​បាន​ម្ដង​ក្នុង​មួយ​សប្តាហ៍ និង​នៅពេល​ក្រចក​រហែក។ ដើម្បី​ឲ្យ​ក្រចក​រឹងមាំ​មិន​ងាយ​បាក់​គួរ​ឈូស​ជា​រាង​មូល​ទ្រវែង។ ក្រៅ​ពី​នេះ​យើង​ត្រូវ​សម្អាត​ក្រចក​ឲ្យ​បាន​ស្អាត និង​ចៀសវាង​កុំ​ខាំ​ក្រចក ឬ​កាត់​ក្រចក​ខ្លី​ពេក។ ៤. លាប​ថ្នាំក្រចក​ថ្លា និង​ចៀសវាងការ​ត​ក្រចក ការ​លាប​ថ្នាំ​ក្រចក​ថ្លា​​អាច​ជា​របាំង​ការពារ​ក្រចក និង​ធ្វើ​ឲ្យ​ក្រចក​រឹងមាំ​មិន​ងាយ​បាក់។ យើង​អាច​លាប​ត្រឹម​តែ​មួយ​ជាន់​ក៏​​អាច​ការពារ​ក្រចក​បាន​ដែរ។ ការ​សិក្សា​បាន​រកឃើញ​ថា​ការ​ប្រើ​កាវ​ត​ក្រចក​អាច​ធ្វើ​ឲ្យ​ក្រចក​យើង​ខ្សោយ និង​ងាយ​បាក់ ហើយ​ជម្រើស​​ដែល​ល្អ​គឺ​លាប​ថ្នាំ​ក្រចក​ធម្មតា។

ក្រចក

ការធ្វើអនាម័យរាងកាយ ជាចំណុចសំខាន់ដើម្បីសុខភាពល្អ ក្នុងនោះគ្នាយើងក៏ត្រូវចាប់អារម្មណ៍ឲ្យបានច្រើននៅកន្លែងណា​មួយ​លើរាងកាយដែលងាយបង្កផលប៉ះពាល់សុខភាព ក្នុង​នោះមាន​ដូចជា​ក្រចកដៃ និង​ក្រចកជើងជាដើម។ គ្នាយើងមួយចំនួន​ហាក់មិនសូវយកចិត្តទុកដាក់សម្អាតក្រចក ឬកាត់ក្រចកឲ្យបានទៀងទាត់ ប៉ុន្តែតែដឹងទេ​ថាការ​ទុកក្រចកវែងៗ មិនត្រឹមមើលទៅគ្មានអនាម័យទេ ថែមទាំងប៉ះពាល់សុខភាពទៀត។ ចំណុចខាងក្រោមនេះ អាចដាស់តឿនគ្នាយើងឲ្យ​ងាកមក​កាត់​ក្រចក​ដៃ ​ក្រចកជើងបានទៀងទាត់គ្រប់ៗគ្នា។ ១- ក្រចកបង្កឲ្យងាយឆ្លងមេរោគ និង​បាក់តេរី ទុកក្រចកវែងៗ អាចនាំឲ្យបាក់តេរីងាយឆ្លងចូលក្នុងរាងកាយ ព្រោះថាភាពកខ្វក់អាចលាក់ខ្លួនក្នុងក្រចករបស់យើង។ គ្នាយើងទាំងអស់ច្បាស់ជាដឹងច្បាស់ហើយនូវពពួកបាក់តេរី និងមេរោគដែលមានក្នុងរបស់កខ្វក់ ហើយពួកវាងាយតោងជាប់ក្នុងក្រចកជើងរបស់យើងបំផុត។ នៅពេលយើងពាក់ស្បែកជើង ជើងរបស់យើងនឹងបញ្ចេញញើស ព្រោះថាស្បែកមិនមានកន្លែងទំនេរគ្រប់គ្រាន់ដើម្បីដកដង្ហើម ហើយបើយើងមិនកាត់ក្រចកឲ្យបានស្អាតទេនោះ បាក់តេរី មេរោគតូចៗ នឹងចាប់ផ្តើមលូតលាស់ក្នុងក្រចកជើងយើង នាំឲ្យឆ្លងចូលក្នុងរាងកាយបានយ៉ាងងាយ។ ២- ឆ្លងមេរោគផ្សិត ការឆ្លងមេរោគផ្សិត ត្រូវចាត់ទុកជាករណីឧស្សាហ៍កើតមានបំផុត ពិសេសនៅលើស្បែកត្រង់ប្រអប់ជើង ចន្លោះរវាងប្រអប់ជើង និងក្រចក នៅពេលក្រចកជើងយើងកាន់តែវែង អត្រាហានិភ័យឆ្លងក៏កាន់តែខ្ពស់។ ពពួកមេរោគផ្សិតហៅថា Fungi សម្បូរនៅកន្លែងមានភាពកខ្វក់ ហើយភាពកខ្វក់មានក្នុងក្រចករបស់យើង គឺដូចគ្នាទៅនឹងពពួកបាក់តេរី ឬមេរោគតូចៗដែរ នាំឲ្យពពួកមេរោគផ្សិតងាយតោងជាប់បំផុត។ អត្ថបទពាក់ព័ន្ធ៖ ​ទឹកក្រូចឆ្មារមាន​គុណសម្បត្តិច្រើន​ជួយសម្អាត និងថែក្រចកដៃ​ បើឃើញរោគសញ្ញាទាំងនេះលើក្រចក បញ្ជាក់ថាយើងកំពុងមានបញ្ហាសុខភាព​ ៣- បង្កឲ្យពុលអាហារ នៅពេលយើងទុកក្រចកដៃវែងៗ មានន័យថាយើងបានផ្ទុកមេរោគ បាក់តេរីជាច្រើនប្រភេទនៅក្នុងនោះ ហើយពេលយើងប្រើដៃញ៉ាំអាហារទាំងមិនបានកាត់ក្រចកឲ្យស្អាត ដូចកំពុងចម្លងបាក់តេរីទាំងនោះចូលក្នុងប្រព័ន្ធរាងកាយយើងអ៊ីចឹង ដែលជាលទ្ធផលនាំឲ្យងាយពុលអាហារ។ អ្នកជំនាញបានទទូចណែនាំគ្នាយើង គួរសម្អាតដៃ និងក្រចកឲ្យបានត្រឹមត្រូវ […]

ក្រចក

គ្នា​យើង​មួយ​ចំនួន​ប្រហែលជា​ធ្លាប់​មាន​ចម្ងល់​ទាក់ទង​ទៅ​នឹង​ស្នាម​អុជ​ពណ៌​សៗនៅ​លើ​ក្រ​ចក។ តើស្នាម​នេះ​អាច​មាន​ផល​ប៉ះពាល់​អ្វី​ដល់​សុខភាពឬ​ទេ?​។ មូលហេតុ​បង្ក​ ស្នាម​ពណ៌ស​លើ​ក្រចក​នេះ​អាច​បង្ក​ដោយ​មូលហេតុ​ផ្សេងៗ៖ ប្រតិកម្ម៖ នេះ​អាច​បណ្ដាល​មក​ពី​ប្រតិកម្ម​ទៅ​នឹង​ថ្នាំ​លាប​ក្រចក ឬ​ទឹក​លាង​ក្រចក​ជាដើម។ ការ​ត​ក្រចក​ក៏​អាច​បង្ក​ការ​ខូចខាត​ដល់​ក្រចក និង​ជា​មូលហេតុ​បង្ក​មួយដែរ។ ពពួកផ្សិត៖ ជាទូទៅ​ពពួក​ផ្សិត​បង្ក​រោគ​នៅ​ក្រចក​ឈ្មោះ onychomycosis អាច​បង្ក​ឲ្យ​មាន​ស្នាម​លើ​ក្រចក​ដែល​ដំបូង​ជា​ស្នាម​តូច​មួយ ហើយ​យូរ​ទៅ​នឹង​រាលដាល​ និង​​ធ្វើឲ្យ​ក្រចក​ផុយ​ស្រួយ។ របួស​ក្រចក៖ របួស​នៅ​ក្រចក​ក៏​អាចបង្ក​ឲ្យ​មាន​ស្នាម​ពណ៌​ស​នៅ​លើ​ក្រចក​ពេល​ក្រចក​ដុះ​ចេញ​មក។ ប៉ុន្តែ​យើង​អាច​នឹង​មិន​ចាំ​ថា​តើ​យើង​ប៉ះ​នឹង​អ្វី​ព្រោះ​ស្នាម​នេះ​អាច​ចេញ​មក​ក្រោយ​៤​សប្ដាហ៍ ឬ​យូរ​ជាង​នេះ។ ការ​ធ្វើ​ក្រចក​ញឹកញាប់​ក៏​ជា​មូលហេតុ​បង្ក​ដែរ។ កង្វះ​ជាតិរ៉ែ៖ ជាទូទៅ​នៅពេល​មាន​ស្នាម​លើ​ក្រចក យើង​អាច​នឹង​មាន​បញ្ហា​កង្វះ​ជាតិរ៉ែ​ដូចជា​ខ្វះ​ជាតិ​កាល់ស្យូម និង​ស័ង្កសី​ជាដើម។ ក្រៅពី​មូលហេតុ​ខាងលើ​ ស្នាម​ពណ៌​ស​នៅ​លើ​ក្រចក​នេះ​ក៏​អាច​បណ្ដាល​មក​ពី​មូលហេតុកម្រ​ផ្សេងៗ​មាន​ដូចជា​ជំងឺ​បេះដូង សុខភាព​មិន​ល្អ ខ្សោយ​តម្រងនោម ជំងឺ​រលាក​សួត និង​psoriasis និង​តាអក (eczema)។ ការ​ព្យាបាល ការ​ព្យាបាល​គឺ​ផ្អែក​ទៅ​លើ​មូលហេតុ​បង្ក។ ប្រតិកម្ម៖ ផ្អាក​ប្រើប្រាស់​ថ្នាំ​លាប​ក្រចក ឬ​ផលិតផល​ក្រចក​ផ្សេងៗ​ដែល​យើង​គិត​ថា​អាច​មាន​ប្រតិកម្ម។ ប៉ុន្តែ​បើ​នៅ​តែមាន​​បញ្ហា​នេះ​កើត​ឡើង​ក្រោយពី​ឈប់​ប្រើ​ផលិតផល​ក្រចក គួរ​ពិគ្រោះ​ជាមួយ​គ្រូពេទ្យ។ ពពួកផ្សិត៖ គ្រូពេទ្យអាចចេញវេជ្ជបញ្ជា​ឲ្យយើង​ក្នុង​ករណីនេះ ហើយ​ការ​ព្យាបាល​ជាមធ្យម​អាច​នឹង​ត្រូវ​ប្រើ​រយៈពេល​៣ខែ។ របួស​ក្រចក៖ របួស​ក្រចក​ភាគច្រើន​ត្រូវការ​ពេល​ក្នុង​ការ​ជា​សះស្បើយ។ នៅ​ពេល​ក្រចក​ដុះ​ចេញ ការ​ខូចខាត​នៃ​ក្រចក​នេះ​នឹង​ដុះ​ចេញ​មក​ ដែល​យូរ​ទៅ​ស្នាម​ពណ៌​ស​នេះ​ក៏បាត់​ទៅដែរ​​។ អត្ថបទពាក់ព័ន្ធ៖ បើឃើញរោគសញ្ញាទាំងនេះលើក្រចក បញ្ជាក់ថាយើងកំពុងមានបញ្ហាសុខភាព រោគសញ្ញា ១០ យ៉ាង​​ បង្ហាញថាយើង​កំពុងខ្វះវីតាមីន C កូនមានទម្លាប់ខាំក្រចកដៃ ប៉ាម៉ាក់ត្រូវធ្វើម៉េច? ស្រីៗកុំឧស្សាហ៍តជេលក្រចកខ្លាំងពេក […]

ក្រចក

គ្នា​យើង​ប្រាកដ​ជា​ដឹង ថា​​ទឹក​ក្រូច​ឆ្មារ ប្រៀប​ដូច​ជា​របស់​ពិសេស​នៅ​ក្នុង​ផ្ទះ​បាយ ងាយ​រក​ និង​មាន​ប្រយោជន៍​ច្រើន មិន​ថា​សម្រាប់​សុខភាព និង​​​ប្រើ​ក្នុង​ការ​ថែ​ទាំ​សម្រស់​។ តាម​រយៈ​ អ្នក​ជំនាញ​ថែ​ទាំ​ក្រចក​នៅ​សហរដ្ឋអាមេរិក​ គឺ​លោក​ស្រី Jemma Williams បាន​បង្ហាញ​ពី​ គុណ​សម្បត្តិ​​នៃ​ទឹក​ក្រូច​ឆ្មារ ដូច​ខាង​ក្រោម​នេះ៖ ក្រូចឆ្មារមាន​តម្លៃ​​​ថោក​ ហើយ​ជា​របស់​ធម្មជាតិ​ ​ងាយ​ស្រួល​រក​ និង​ពុំ​មាន​ផ្ទុក​នូវ​សារធាតុ​គីមី​ខ្លាំង​ៗ ដែល​អាច​​បង្ក​ឱ្យ​ក្រចក​យើង​ខូច​​ ងាយ​បាក់ និង​មិន​ងាយ​លូត​លាស់​ឡើង​វិញ ដូច​​ផលិត​ផល​​ថែ​ក្រចក​ផ្សំ​ពី​ធាតុ​គីមីផ្សេងឡើយ​។ អត្ថបទពាក់ព័ន្ធ៖ នេះ​វិធី​ថែ​​ក្រចក​ឲ្យស្អាត ហើយ​សុខភាពល្អ ស្រីៗភាគច្រើន​អត់​ដឹង បើឃើញរោគសញ្ញាទាំងនេះលើក្រចក បញ្ជាក់ថាយើងកំពុងមានបញ្ហាសុខភាព​ ម្យ៉ាងទៀតក្រូចឆ្មារ​មាន​ផ្ទុក​​​វីតាមីន C សារធាតុ​​ប្រូតេអ៊ីន​ផ្សេង​ៗ និង​ប៉ូតាស្យូម ដែល​​អំណោយ​ផល​ដល់​​ការ​រក្សា​សំណើម និង​ជួយ​ឱ្យ​ក្រចក​យើង​​ស្អាត តាម​បែប​ធម្មជាតិ​។ ជាងនេះទៅទៀត​ ទឹក​ក្រូច​ឆ្មារ​ មាន​សារធាតុ​ពី​ធម្មជាតិ ដែល​ប្រឆាំង​​ពពួក​បាក់តេរី និង​ផ្សិត អាច​សម្លាប់​មេរោគ ដែល​នៅ​តោង​ជាប់​ម្រាម​ដៃ ឬ​គល់​​ក្រ​ចក​ដៃបាន​។ ក្រៅពីនេះ​ជាតិ​អាស៊ីត​​នៅ​ក្នុង​ក្រូច​ឆ្មារ ជា​សមាស​ធាតុ​ពិសេស​ដែល​ អាច​សម្អាត និង​ជម្រះ​ស្នាម​ជាំ ខូច​ផ្សេង​ៗ ពី​ក្រចក​ដៃផង​ដែរវ​។ អត្ថបទពាក់ព័ន្ធ៖ ទឹកជូតក្រចក អាចយកលាងដៃជំនួសអាល់កុលបានអត់? រោគសញ្ញា ១០ យ៉ាង​​ បង្ហាញថាយើង​កំពុងខ្វះវីតាមីន C កូនមានទម្លាប់ខាំក្រចកដៃ […]

ក្រចក

ស្រីៗយើង​​ភាគច្រើនដឹង​តែ​​ចូលចិត្ត​លាប​ថ្នាំ​ក្រចកហើយ និងមាន​គ្នា​យើង​ស្រីៗ​ខ្លះ​ចូល​ចិត្ត​លាប​ក្រចក​ទុក​​​រយៈពេល​យូរទៀត​ផង។ ​តើ​ការ​លាប​ថ្នាំ​ក្រចក​រយៈពេល​យូរ​រហូត​ដល់​មួយ​ខែអី​​មាន​សុវត្ថិភាព​ឬ​យ៉ាងណា?  អត្ថបទពាក់ព័ន្ធ៖ ចង់បានក្រចកស្អាត និងសុខភាពល្អ កុំភ្លេចអនុវត្តវិធីទាំងនេះ ១. ​ការ​លាប​ថ្នាំ​ក្រចក​អាច​ធ្វើ​ឲ្យ​ក្រចក​ស្ងួត ការ​លាប​ថ្នាំ​ក្រចក​ និង​ទុក​រយៈពេល​យូរ​អាច​ធ្វើ​ឲ្យ​ក្រចក​ស្ងួត និង​ស្រួយ។ នៅ​ពេល​ក្រចក​ផុយ​ស្រួយ​អាច​បង្ក​គ្រោះ​ថ្នាក់​ដល់​សុខភាព​ដោយសារ​ក្រចក​គឺ​ជា​រនាំង​ការពារ​បាក់តេរី និង​ផ្សិត។ ២. ​ថ្នាំ​ក្រចក​ពណ៌​ក្រមៅៗ​ធ្វើឲ្យ​ក្រចក​ឡើង​ពណ៌ និង​ទៅ​ជា​លឿង ប្រសិន​ជា​យើង​លាប​ថ្នាំ​ក្រចក​ពណ៌ក្រមៅ​អាច​ធ្វើ​ឲ្យ​ជាតិ​ពណ៌​នេះ​ជ្រាប​ចូល​ក្រចក​ដែល​ក្រចក​នឹង​ទៅ​ជា​ពណ៌​លឿង។ ទោះបីជា​ជាតិ​ពណ៌​នេះ​មិន​មាន​ផល​ប៉ះពាល់​ដល់​សុខភាព ប៉ុន្តែ​អាច​ត្រូវ​ការ​រយៈពេល​១​ឆ្នាំ​រហូត​ក្រចក​ត្រលប់​មក​សភាព​ដើម​វិញ។ ម៉្យាងទៀត​ក្រចក​ជើង​ដុះ​យឺត​ជាង​ក្រចក​ដៃ​ដែល​ត្រូវ​ការ​រយៈពេល​៩​ខែ​ក្នុង​ការ​ត្រលប់​មក​សភាព​ធម្មតា រីឯ​ក្រចក​ដៃ​ត្រូវ​ការ​តែ​៤​ទៅ​៦​ខែ​។ ៣. ការ​លាប​ថ្នាំ​ក្រចក​អាច​បង្ក​ឲ្យ​មាន​ផ្សិត​នៅ​ក្រចក​ជើង ការ​ប្រែប្រួល​នៃ​ពណ៌​ក្រចក​អាច​មក​ពី​ថ្នាំ​លាប​ក្រចក ឬ​មក​ពី​ផ្សិត​នៅ​ក្រចក​ជើង ដើម្បី​កាន់តែ​ច្បាស់​យើង​អាច​ទៅ​ពិគ្រោះ​ជាមួយ​គ្រូពេទ្យ។ ផ្សិត​នៅ​ក្រចក​ជើង​ភាគច្រើន​ងាយ​ក្នុង​ការ​ព្យាបាល ប៉ុន្តែ​គួរ​ប្រយ័ត្ន​ក្នុង​ការ​ចម្លង​ទៅ​អ្នក​ដទៃ។  ៤. ការ​លាប​ថ្នាំ​ក្រចកដោយ​សុវត្ថិភាព យើង​អាច​លាង​ថ្នាំ​ក្រចក​ចេញ​រៀង​រាល់​ពីរ​សប្តាហ៍ និង​ទុក​ក្រចក​ចោល​មួយ​ថ្ងៃ ឬ​អាច​ប្តូរ​មក​លាប​ពណ៌​ស្រាលៗ​វិញដែល​យើងមិន​ចាំ​បាច់​ផ្លាស់​ប្តូរ​ពណ៌​ថ្នាំ​ក្រចក​ញឹក​ញាប់​ទេ​ព្រោះ​ពណ៌​ស្រាល​មិន​ធ្វើ​ឲ្យ​ក្រចក​ឡើង​ពណ៌​ទេ។ អ្នក​ឯកទេស​អវយវៈ​ខាងក្រោម​បាន​ណែនាំ​ថា​ការ​លាប​ថ្នាំ​ក្រចក​ និង​ទុក​ពីរ​ទៅ​បី​ខែ​គឺ​មិន​មាន​ផល​ប៉ះពាល់​អ្វី​ទេ ប៉ុន្តែ​យក​ល្អ​គួរ​ទុក​ក្រចក​មិន​លាប​អ្វី​ពណ៌អ្វីទាំងអស់​នៅ​ប៉ុន្មាន​ខែ​បន្ទាប់។ គួរ​បញ្ជាក់​ដែរ​ថា​ថ្នាំ​ក្រចក​គឺ​មិន​មាន​ផុត​កាល​កំណត់​ទេ ហើយ​ការ​ប្រើ​ថ្នាំ​ក្រចក​ដែល​មាន​រយៈពេល​យូរ​ក៏​មិន​បង្ក​គ្រោះ​ថ្នាក់​ដែរ គ្រាន់​តែថា​​ថ្នាំ​ស្ងួត និង​លាប​ទៅ​មិន​ស្អាត​ប៉ុណ្ណោះ។  អត្ថបទពាក់ព័ន្ធ៖ នេះ​វិធី​ថែ​​ក្រចក​ឲ្យស្អាត ហើយ​សុខភាពល្អ ស្រីៗភាគច្រើន​អត់​ដឹង ស្រីៗកុំឧស្សាហ៍តជេលក្រចកខ្លាំងពេក ប្រយ័ត្នខូចខ្ទេច បើឃើញរោគសញ្ញាទាំងនេះលើក្រចក បញ្ជាក់ថាយើងកំពុងមានបញ្ហាសុខភាព​ ទឹកជូតក្រចក អាចយកលាងដៃជំនួសអាល់កុលបានអត់? រោគសញ្ញា ១០ យ៉ាង​​ បង្ហាញថាយើង​កំពុងខ្វះវីតាមីន C កូនមានទម្លាប់ខាំក្រចកដៃ ប៉ាម៉ាក់ត្រូវធ្វើម៉េច? ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា […]

ក្រចក

ក្រៅ​ពី​សក់ និង​ស្បែក ក្រចកក៏ជា​អ្វីដែល​យើង​ត្រូវយក​ចិត្ត​ទុក​ដាក់​ដូច​គ្នា​ដែរ ព្រោះ​ថា​ក្រ​ចក​ក៏​រួមចំណែក​ក្នុងការ​ផ្ដល់​សម្រស់​ដល់រូបរាងរបស់​យើង​ដូចគ្នា។ យើងអាច​ថែរក្សា​ក្រចក​តាម​វិធីសាមញ្ញៗបាន និងថែមទាំងសន្សំសំចៃទៀត​ផង។ ខាង​ក្រោម​នេះ​ជា​គន្លឹះ​សម្រាប់គ្នា​យើង​ចង់​​ទទួល​បាន​ក្រចក​ស្អាត និង​មាន​សុខ​ភាព​ល្អ។ ១- បន្ថែម Biotin ប្រសិន​បើ​របប​អាហារ​មាន​សុខ​ភាព​ល្អ និង​មាន​ជីវជាតិ​គ្រប់​គ្រាន់​នោះក្រចក​របស់​យើង​នឹង​មានភាព​រឹង​មាំ​ដោយ​មិន​ចាំបាច់​ប្រើ​អាហារ​បំប៉ន​ផ្សេង​ទៀត​ឡើយ។ មិន​មែន​មនុស្ស​គ្រប់​គ្នា​សុទ្ធ​តែ​មាន​ក្រចក​រឹង​មាំ​នោះ​ទេ អ្នក​ខ្លះ​កើត​មក​គឺ​មាន​ក្រចក​ខ្សោយ។ ក្នុង​ករណី​នេះ Biotin ដែល​ជា​វីតាមីន B complex អាច​ជួយ​ដល់​គ្នា​យើង​ដែលមានបញ្ហាបែបនេះ​បាន។ Biotin មាន​នាទី​អាច​ធ្វើ​ឲ្យ​ក្រចក​យើង​រឹងមាំ និង​លូត​បាន​លឿន​ជាង​មុន។ អត្ថបទគួរអាន៖ រោគសញ្ញា ១០ យ៉ាង​​ បង្ហាញថាយើង​កំពុងខ្វះវីតាមីន C កូនមានទម្លាប់ខាំក្រចកដៃ ប៉ាម៉ាក់ត្រូវធ្វើម៉េច? ២- ប្រើថ្នាំលាបក្រចក ទោះបីជា​យើង​មិនគួរ​ប្រើ​ផលិត​ផល​​ថែរក្សាសម្ផស្សមានសារធាតុគីមី​នៅ​លើ​ក្រចក​របស់​យើង​ក៏​ដោយ តែការលាបថ្នាំក្រចក​មិន​មាន​ផល​ប៉ះពាល់អ្វី​ដល់សុខភាព​​ក្រចក​នោះទេ។ ប៉ុន្តែ​នៅពេល​យើ​ង​ចង់​សម្អាត​ថ្នាំក្រ​ចក​ចេញ​វិញ យើង​ត្រូវ​ជ្រើស​រើស​ថ្នាំ​ជម្រះ​​ណា​ដែល​មិន​​មាន​ជាតិ​អាសេតូន (acetone)​ សម្រាប់​យកមក​លាងជម្រះក្រចករបស់​យើង​​​​។ ៣- ផ្តល់សំណើមដល់ស្បែកគល់ក្រចក ជា​ធម្មតា​ស្បែក​គល់​ក្រចក (cuticles) ដែល​ស្ងួត​ងាយ​នឹង​ប្រេះ​បែក។ ដូច្នេះ​ការ​ផ្តល់​សំណើម​ដល់ ស្បែកនៅគល់​ក្រចក​ មិន​ត្រឹម​តែ​អាច​ជួយ​ឲ្យ​ក្រចករបស់​យើង​មិន​ប្រេះ​បែក​នោះ​ទេ ប៉ុន្តែ​វា​អាច​ធ្វើ​ឲ្យ​ក្រចក​យើងមើល​ទៅ​ស្រស់​ស្អាត​បាន​ទៀត​ផង។ ៤- កាត់ក្រចកឲ្យបានទៀងទាត់ កាត់​ក្រចក​ដៃយើង​ឲ្យ​បាន​ញឹក​ញាប់​ដើម្បី​ការពារ​ក្រចក​​ពី​ការ​ប្រេះ ឬ​រហែក។ យើង​គួរ​តែ​កាត់​ក្រចក​តាម​កម្រិត​ជាក់​លាក់​ដែល​ផ្អែក​លើ​ការ​រីក​លូត​លាស់​នៃ​ក្រចក​របស់​យើង។ ក្រោយ​កាត់ក្រ​ចក​រួច​យើង​ក៏​អាច​សម្អាតចុងក្រចក​របស់​យើង​ដោយ​រូសវា​ឲ្យ​រលោង​បាន​។ ៥- ពាក់ស្រោមដៃ ដើម្បី​កែ​លំអ​ក្នុង​ការ​ថែរក្សា​ក្រចក​ យើង​គួរ​តែ​ពាក់​ស្រោម​ដៃ​នៅ​ពេល​ដែលយើង​ត្រូវ​ការ​ធ្វើអ្វី​មួយ​ដោយ​ប្រើ​ដៃ​ច្រើន ឧទាហរណ៍​ពេល​ថែ​សួន ឬ​លាង​ចាន។ នៅ​ពេល​ដែល​យើង​មាន​ការ​ប៉ះ​ពាល់​ច្រើន​ជា​មួយ​នឹង​ទឹក​ក្តៅ​ឧណ្ឌ​ៗ ទឹក​សាប៊ូ​នៅ​ពេល​លាង​ចាន​នោះ​ទោះ​បី​ជា​ក្រចក​យើង​រឹង​មាំ​ ក៏​អាច​ធ្វើ​ឲ្យ​ងាយ​នឹង​ខូច​ដែរ។ ការ​ពាក់​ស្រោម​ដៃ​គឺ​ដើម្បី​ការពារ​ក្រចករបស់​យើង។ រឿង​ពិតមួយ​ដែលគ្នា​យើង​គួរដឹងដែរ […]

ក្រចក

វា​ជា​ការ​ពិតណាស់ បញ្ហា​កើត​លើ​​ក្រចក អាច​ប្រាប់​អំពី​សុខភាព​របស់​យើង​បាន​ពិត​មែន។ បញ្ហា​លើ​ក្រចក​នេះ ​អាច​បណ្ដាល​មក​ពី​មាន​ការ​បង្ក​រោគ ឬ​អាច​ជា​ផ្នែក​មួយ​នៃ​បញ្ហា​រលាក​ស្បែក។ រោគ​សញ្ញា​ចម្បង​មួយ​ចំនួននៃការខូចក្រចក​ មាន​ដូច​ជាបម្រែ​បម្រួល​ផ្នែក​ខាងក្រៅ មាន​ដូច​ជា​ប្ដូរ​ពណ៌ ខូច​រូប​រាង ក្រាស់​ជាង​មុន មាន​ស្នាម​ឆ្នូត​បណ្ដាយ​ក្រចក ឬ​ក្រចក​ស្រួយ​ងាយ​បាក់។ មាន​ករណី​ខ្លះ​ទៀត​ក្រចក​អាច​មាន​​ស្នាម​ឡើង​លឿង ស ខ្មៅ ឬ​ពណ៌​ត្នោត ចំណែក​អ្នក​ខ្លះ​ផ្សេង​ទៀត ក្រចក​មាន​ស្នាម​ឆ្នូត​ខ្មៅ​លេច​ឡើងក៏មាន។ ១-តើបម្រែបម្រួលលើក្រចកប្រាប់យើងឲ្យដឹងអំពីអ្វីខ្លះ? ភាគ​ច្រើន​នៃ​បញ្ហា​បម្រែ​បម្រួល​ក្រចក គឺ​បណ្ដាល​មក​ពី​ការ​បង្ក​រោគ​ដោយ​ពពួក​ផ្សិត គេ​ហៅ​វា​ថា onychomycosis។ រោគផ្សិត​នេះ​​អាច​បង្ក​ដោយ​ពពួក dermatophytes (ពពួក​ផ្សិត​ត្រូវ​ការ​ជាតិ​កេរ៉ាទីន​ដើម្បី​លូត​លាស់) ឬ​ពពួក Candida albicans។ បញ្ហា​ក្រចក​ឃើញ​ច្រើន​ជាង​គេ​មាន​ដូចជា ក្រចក​​ដុះ​កប់​ ក្រចក​បង្ក​រោគ​ដោយ​ពពួក Pseudomonas, psoriasis តាអក (eczema) lichen planus និង alopecia areata។ បម្រែ​បម្រួល​ផ្សេង​ទៀត​លើ​ក្រចក អាច​បញ្ជាក់​អំពី​បញ្ហា​កង្វះ​សារធាតុ​ចិញ្ចឹម បញ្ហា​ថ្លើមនិង​បញ្ហា​តម្រង​នោម​ជាដើម។ Acral melanoma គឺ​ជា​ប្រភេទ​ជំងឺ​មហារីក​លើ​ស្បែក​មួយ​ប្រភេទ ដែល​វា​លេច​សញ្ញា​ជា​ស្នាម​អុច​ខ្មៅ​ ឬ​បន្ទាត់​ខ្មៅ​លើ​ម្រាម​ដៃ និង​ក្រចក ជា​ពិសេស​បើ​​កើត​លើ​គល់​ក្រចក។ កត្តា​ប្រឈម​​ធ្វើ​ឲ្យ​កើត​មេរោគ​ផ្សិត​លើ​ក្រចក​មាន​ដូចជា ប្រព័ន្ធ​ការ​ពារ​ក្នុង​ខ្លួន​ខ្សោយ មាន​ជំងឺ​ស្បែក​ ដូច​ជា atopic eczema […]

ក្រចក

សម័យ​នេះ​ ការ​ត​ជេល​ក្រចក​ពេញ​និយម​បំផុត​សម្រាប់​មនុស្ស​ស្រី ព្រោះ​វា​អាច​ជួយ​លើក​សម្រស់​បាន​មួយ​ផ្នែក​បន្ថែម​ទៀត ប៉ុន្តែ​អ្នក​ដែល​ធ្វើ​រួច​តែង​ស្ដាយក្រោយ ព្រោះ​វា​បាន​ធ្វើ​ឲ្យ​ក្រចក​ធម្មជាតិ​យើង​ខូចខាត​។ អ្នកស្រី សានីតា វ័យ ៣៧ ឆ្នាំ​​ដែល​ជា​ម្ចាស់​ហាង​ថែរក្សា​សម្រស់នៅ​ម្ដុំ​ផ្សារ​កណ្ដាល និង​មាន​បទពិសោធជិត ២០ ឆ្នាំ នឹង​រៀបរាប់ពីផល​ប៉ះពាល់​ដូច​ខាងក្រោម។ ១- ជេល​សម្រាប់​ត​ក្រចក​នោះ អាច​ធ្វើឲ្យ​ក្រចក​ធម្មជាតិ​ចុះ​ខ្សោយ ព្រោះ​វា​មិន​អាច​ស្រូប​យក​សារធាតុ​ចិញ្ចឹម​បាន​គ្រប់គ្រាន់។ ២- ធ្វើឲ្យ​ស្ដើង និង​ងាយ​បាក់​ក្រចក​ធម្មជាតិ ព្រោះ​ថា​ដំណើរ​ការ​ត​ជេល ត្រូវ​រូស​ក្រចក​ដើម​ចេញ​សិន ទើប​យក​ទឹក​ថ្នាំ​មក​គ្រប​ពី​លើសិន ទើប​ក្រចក​​ស៊ី​ចូល​គ្នា​បាន។ ៣- ក្រចក​មិន​ងាយ​ត្រឡប់​មក​រក​ពណ៌​ស៊ីជម្ពូ​វិញ ព្រោះ​រង​ការ​ខូចខាត​ពេល​ត និង​ពេល​ដក​ចេញ​វិញ។ ៤- ក្លិន​ឈួល​របស់​ជេល​អាច​ធ្វើឲ្យ​ប៉ះពាល់​ដល់​ផ្លូវ​ដង្ហើម និងអាច​បណ្ដាល​ឲ្យ​រលាក​ស្បែក​មុខ។ អត្ថបទពាក់ព័ន្ធ៖ តិចនិកជម្រុះរោមបែប​ធម្មជាតិមានប្រសិទ្ធភាព និងសុវត្ថិភាព តែស្រីៗអត់សូវដឹង! ៥- កម្ដៅ​ក្នុង​ម៉ាស៊ីន​សម្ងួត​ក្រចក អាច​ធ្វើឲ្យ​ស្បែក​មាន​បញ្ហា ទោះ​ពេល​ដំណើរ​ការ​ត​ជេលមានរយៈពេល​ខ្លី តែ​​កាំរស្មី​យូវី​ដែល​មាន​ក្នុង​ម៉ាស៊ីនក្ដៅ ហើយយើង​លូក​ចូល​ទៅ​ច្រើន​ដង។ ៥- ជេល​សម្រាប់​ត​ក្រចក​នោះ គឺ​ផលិត​ឡើង​ពី​អាស៊ីដ​សរីរាង្គ ដូចនេះ​ហើយ​ទើប​វា​មាន​ក្លិន​ឈួល។ ៦- ពេល​ត​ពិបាក​ម្ដង និង​អស់​លុយ​ម្ដង ដក​ចេញ​ក៏​ត្រូវ​អស់​លុយ​ម្ដង​ទៀត។ ៧- បើ​ត​ជេល​យូរ​មិន​ទាន់​ដក វា​នឹងផុយ ​ស្រួយ​ងាយ​បែក​ដោយ​ទាំង​ក្រចក​ធម្មជាតិ។   ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ក្រចក

និយាយ​រឿង​ក្រចក ស្រីៗ​លេងខ្លួន ឬស្រលាញ់ខ្លួន ឧស្សាហ៍​ធ្វើ​ណាស់ ព្រោះ​ចង់​ស្អាត។ ប៉ុន្តែ គ្នា​យើង​ភ្លេច​រឿង​មួយ គឺ​ធ្វើ​ម៉េច​ដើម្បី​ថែក្រចក​ឲ្យ​មាន​សុខភាព​ល្អ ខណៈ​ដែល​ធ្វើ​ក្រចក​បាន​ត្រឹម​លាប​ពណ៌​ស្អាត​ប៉ុណ្ណោះ។ "Hello គ្រូពេទ្យ" នឹង​ប្រាប់​ពី​វិធី​ថែ​ក្រចក​ឲ្យ​មាន​សុខភាព​ល្អ​ម្ដង៖ ១- វីតាមីនប្យូទីន (Biotin) អាហារ​ល្អជួយ​ឲ្យ​រាងកាយ​លូតលាស់ និង​មាន​សុខភាព​ល្អ។ ឯ​ក្រចក​ក៏​ដូច​គ្នា មិនមែន​នៅ​សុខៗ ចេះ​តែ​ល្អនោះ​ទេ។ "វីតាមីនប្យូទីន" ជា​ធាតុ​សំខាន់មាន​ក្នុងក្រុម​វីតាមីន B ជួយ​ឲ្យ​ក្រចក​ដុះ​ ​លូតលាស់ឆាប់​រហ័ស ហើយ​រឹងមាំ។ វីតាមីន ប្យូទីន មាន​ក្នុង​ស៊ុត​លឿង ថ្លើម​សត្វ ត្រី​សាលម៉ុន គ្រាប់​ធញ្ញជាតិ ផ្លែប៊ើរ ដំឡូងជ្វា ជាដើម។ ២- ប្រើថ្នាំលាបក្រចក ថ្វី​បើ​គួរ​​នៅ​ឲ្យ​ឆ្ងាយ​ពី​ផលិតផល​សម្ផស្សដែល​មាន​ជាតិ​គីមី​ តែ​ការ​លាបថ្នាំ​ក្រចក​មិន​មាន​ឥទ្ធិ​ពល​អាក្រក់​ទេ។ តាម​ផ្នែក​បច្ចេកទេស ពេល​ចង់​សម្អាត​ថ្នាំ​ក្រចក​ចេញ ឬ​ពេល​ខ្លះ​ដូរ​ម៉ូដ ឬ​លាប​ថ្នាំ​ពណ៌​ផ្សេង ត្រូវជ្រើសរើស​យក​តែ​ទឹក​លាង​ថ្នាំ​លាប​​ក្រចក​ដែល​គ្មាន​ជាតិអាសេតូន។ ៣- ផ្តល់សំណើមដល់ស្បែកគល់ក្រចក បើ​ស្បែក​គល់​ក្រចក​ស្ងួត ​ងាយ​នឹង​បែក ឬ​រហែក។ ហេតុនេះ​ ការ​ផ្តល់​សំណើម​ដល់ស្បែក​គល់​ក្រចក​ មិន​គ្រាន់​តែ​ជួយ​ក្រចក​កុំ​ឲ្យ​ប្រេះ​បែក​រហែក​ប៉ុណ្ណោះ​ទេ តែ​ក៏​ជួយ​ឲ្យ​ក្រចក​កាន់​តែ​មាំ​ស្អាត និង​សុខភាព​ល្អ​ដែរ។ ៤- តម្រឹមក្រចកឲ្យទៀង ក្រចក​វែង​ ឬ​ខ្លី ជា​ចំណូល​ចិត្ត​របស់​គ្នា​យើង​ផ្សេង​គ្នា។ តែ​ដើម្បី​ឲ្យ​មើល​ទៅ​មាន​របៀប គឺ​គួរ​តម្រឹម​ឲ្យ​ញឹកញាប់ ឬ​ទៀងទាត់ ដើម្បី​កុំ​ឲ្យ​បាក់ […]

គ្រូពេទ្យឯកទេសផ្នែក ក្រចក របស់យើង

មើល​បន្ថែម​ពី​គ្រូពេទ្យ​ឯកទេសsee-more-icon
expert-avatarbadge
វេជ្ជ. ចាន់ ស៊ីណេត

ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ

x