មុនពេញមុខខ្មាសគេ ពិបាកចិត្តសឹងស្លាប់។ ខំព្យាបាលមុនឡើងស្អាត ប៉ុន្តែនៅមានស្នាម ហើយឡើងក្រហមទៀត។ បញ្ហានេះ “Hello គ្រូពេទ្យ” ជឿថាធ្វើឲ្យគ្នាយើងបាត់ភាពជាក់លើខ្លួនឯង។ បើចឹងដឹង គួរធ្វើម៉េច ដើម្បីបន្ថយបញ្ហាឡើងក្រហម ក្រោយកើតមុន? អានអត្ថបទនេះច្បាស់ជាយល់មិនខាន។
ក្រោយព្យាបាលមុន នៅមានស្នាមក្រហមទៀត ត្រូវធ្វើម៉េច?
១- ប្រើថ្នាំ
ឡើងមុន កើតលើវ័យជំទង់ ប៉ុន្តែវាក៏អាចកើតលើមនុស្សចាស់ដែរ។ បញ្ហាមុន អាចឲ្យគ្នាយើងមានភាពឈឺចាប់ ហើម ឡើងក្រហម មុនក្បាលស និងមុនក្បាលខ្មៅ។ ភាគច្រើន សញ្ញាឡើងមុន អាចព្យាបាលបាន ប៉ុន្តែពេលខ្លះ ស្នាម និងការឡើងក្រហមនៅតែមាន បន្ទាប់ពីព្យាបាលមុនរួច។ ពេលជួបពេទ្យស្បែក គេនឹងឲ្យប្រើថ្នាំព្យាបាលមានថ្នាំផ្សះ ដើម្បីឲ្យស្បែកមានសភាពល្អ ហើយថ្នាំនេះត្រូវប្រើសម្លាប់មេរោគឡើងមុន។ បើមានមុនតិច អាចនឹងមានឡើងស្នាមក្រហមតិចៗ បន្ទាប់ពីព្យាបាល។
យើងអាចប្រើថ្នាំផ្សះសម្រាប់លាប ឬលេប ដើម្បីសម្លាប់មេរោគ គ្រាន់តែលាបមានប្រសិទ្ធភាពតែលើតំបន់នោះប៉ុណ្ណោះ។ បើលេបមានប្រសិទ្ធភាពលើគល់រោមតែម្តង។ ពេលខ្លះ គេក៏ប្រើថ្នាំផ្សះជាមួយ សារធាតុ រ៉េទីនូអ៊ីត (Retinoid) ឬ បង់ហ្ស៊ូអ៊ីល ពែអុកស៊ីត (Benzoyl Peroxide) ដើម្បីបង្កើនប្រសិទ្ធភាពថ្នាំ និងកាត់បន្ថយហានិភ័យការស៊ាំនឹងថ្នាំផ្សះ។
គួរពិគ្រោះជាមួយពេទ្យ បើកំពុងមានផ្ទៃពោះ ឬមានប្រតិកម្មជាមួយថ្នាំផ្សះ។ គេក៏អាចប្រើប្រាស់ថ្នាំ Accutane® ផងដែរ។
២- វះកាត់
គេអាចវះកាត់ព្យាបាលការឡើងក្រហម ដោយសារបញ្ហាឡើងមុន។ ខាងក្រោមនេះជាប្រភេទការវះកាត់ ដែលគួរសម្រេចចិត្តធ្វើ៖
– ខាត់ស្នាមស្បែក៖ ដើម្បីព្យាបាលការប្រែពណ៌ ឬទម្រងស្បែក។ ពេទ្យនឹងប្រើច្រាស (Wire Brush) ឬ Diamond Wheel ដើម្បីបកស្រទាប់ស្បែកខាងលើចេញ។ វាអាចធ្វើឲ្យស្បែកមានហូរឈាម ប៉ុន្តែស្រទាប់ថ្មីនឹងដុះមកវិញ បន្ទាប់ពី ៥-៧ ថ្ងៃ ហើយស្បែកដុះថ្មី នឹងអាចមានសភាពដូចស្បែកធម្មតា បន្ទាប់ពី ៦-១២ សប្ដាហ៍។
គួរថែទាំស្បែកដោយប្រយ័ត្ន បន្ទាប់ពីព្យាបាលរួច៖
– សម្អាតស្បែករាល់ថ្ងៃជាមួយទឹកស្អាត និងផលិតផលដើម្បីកុំឲ្យបង្ករោគ ដែលអាចធ្វើឲ្យមានស្នាមបាន។
– ត្រូវប្តូរបង់បិទលើរបួសជាប្រចាំ ដើម្បីកុំឲ្យមានមេរោគ និងមានជាតិទឹកដែលធ្វើឲ្យសះលឿន ជាងស្បែកស្ងួត។
– គួរប្រើក្រែមការពារកម្ដៅថ្ងៃ ការពារកាំរស្មី UV ដែលនាំឲ្យរលាកស្បែក ឬមហារីកស្បែក។
– ព្យាបាលដោយវះកាត់ អាចកាត់បន្ថយស្បែកឡើងក្រហមយ៉ាងមានប្រសិទ្ធភាព ប៉ុន្តែតម្លៃថ្លៃ។
– បាញ់ឡាស៊ែរ៖ ជួយបន្ថយស្នាមក្រហម បន្ទាប់ពីឡើងមុន ជួយជម្រុះស្រទាប់ខាងលើរបស់ស្បែក ដែលអាចឲ្យស្បែកមានសុខភាពល្អ។ បាញ់ឡាស៊ែរម្តងចំណាយរយៈពេល ២ម៉ោង ស្បែកនឹងជាសះក្នុងរយៈពេល ១០-២០ ថ្ងៃក្រោយ ហើយយើងអាចប្រើម្សៅទ្រនាប់គ្មានជាតិប្រេង ដើម្បីកាត់បន្ថយស្នាមក្រហមបាន ហើយស្នាមក្រហមនឹងបាត់វិញ នៅ ២-៣ ខែក្រោយ។ មុនពេលបាញ់កាំរស្មី មិនត្រូវប្រើថ្នាំ Ibuprofen Aspirin ឬវីតាមីន E ទេ។ ថ្នាំទាំងនេះអាចមានផលប៉ះពាល់ដល់កំណកឈាម។ គួរការពារស្បែកពេលត្រូវពន្លឺថ្ងៃ ដោយប្រើក្រេមការពារកម្ដៅថ្ងៃ មាន SPF ៣០ ឬខ្ពស់ជាងនេះ ឬពាក់អាវខោវែង។ រក្សាស្បែកឲ្យមានសំណើម ជារឿងសំខាន់ ព្រោះវាជូយឲ្យឆាប់ជា។
ការឡើងក្រហមមិនមែនជាបញ្ហាធ្ងន់ទេ ដោយសារវាអាចកើតពេលព្យាបាលមុន ហើយយើងអាចប្រើការព្យាបាលលើសពីមួយមុខក៏បាន ដើម្បីកាត់បន្ថយការឡើងក្រហម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម