ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្លែសាច់ គឺជាស្នាមដែលផុសចេញពីសាច់ បន្ទាប់ពីរបួសបានជាសះស្បើយដែលធ្វើឱ្យស្បែកយើងមានដុំសាច់ពីលើ មិនរាបស្មើ ហើយមើលទៅមិនស្អាត។ របួសបែបណាអាចបណ្តាលឱ្យយើងផ្លែសាច់? ហើយយើងគួរថែទាំរបួសដូម្តេចដើម្បីការពារកុំឱ្យផ្លែសាច់?
របួសអាចបណ្តាលឱ្យយើងផ្លែសាច់មានដូចជា ការមុតកាំបិត វះកាត់ គ្រោះថ្នាក់ចរាចណ៍ មុនធំៗ ជំងឺអុតស្វាយ ឬការចោះក្រវិលជាដើម។
ពេលមានរបួសជ្រៅ ឬធំៗ យើងគួរថែទាំស្បែកដូចខាងក្រោមដើម្បីចៀសវាងផ្លែសាច់៖
ពេលត្រូវរបួសភ្លាម យើងអាចលាងមុខរបួសជាមួយសាប៊ូ និងទឹក ឬជាមួយសេរ៉ូមប្រៃដើម្បីសម្អាតមេរោគ ឬធូលីដី។ យើងគួរចៀសវាងលាងមុខរបួសជាមួយដ្រូសែនពែអុកស៊ីត ឬអាល់កុល ព្រោះសារធាតុទាំងនេះអាចធ្វើឱ្យស្បែកមុខរបួសយើងស្ងួត។
បន្ទាប់មកយើងអាចលាបមុខរបួសជាមួយថ្នាំសម្លាប់មេរោគ និងរុំមុខរបួសជាមួយបង់រុំរបួស ឬបិទមុខរបួសជាមួយបង់បិទរបួសដើម្បីការពារមុខរបួសកុំឱ្យហូរឈាម ប៉ះនឹងធូលីដី ឬមេរោគ និងរក្សាស្បែកមុខរបួសឱ្យមានសំណើម។
យើងគួរលាងមុខរបួសរាល់ថ្ងៃរហូតដល់មុខរបួសជាដើម្បីការពារមុខរបួសពីការឆ្លងមេរោគ និងផ្លែសាច់។ ពេលលាងមុខរបួស យើងគួរចៀសវាងជូតត្រដុសស្បែកដើម្បីកុំឱ្យស្បែកមានស្នាម។
ពេលមុខរបួសជិតជា យើងអាចលាបថ្នាំការពារស្នាមសន្លាកបីបួនដងក្នុងមួយថ្ងៃដើម្បីការពារមុខរបួសកុំឱ្យមានស្នាមដែលអាចបង្កឱ្យផ្លែសាច់។
នៅពេលរបួសជិតជា ស្បែកមុខរបួសនឹងរមាស់ដែលធ្វើឱ្យយើងទ្រាំមិនបាន ហើយចង់អេះ។ ក្នុងអំឡុងពេលនេះ យើងគួរចៀសវាងអេះមុខរបួស ព្រោះអាចបង្កឱ្យរបួសហូរឈាម បង្កឱ្យមានស្នាម និងផ្លែសាច់។
ដើម្បីកាត់បន្ថយអាការៈរមាស់ យើងអាចស្អំមុខរបួសជាមួយទឹកកករយៈពេល ១០ នាទី រួចលាបឡេ ឬគ្រីមផ្តល់សំណើមដើម្បីការពារមុខរបួសកុំឱ្យស្ងួតដែលបណ្តាលឱ្យមុខប្រេះហូរឈាម ឬធ្វើឱ្យយើងរមាស់។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
តាមការសិក្សាបានឱ្យដឹងថា កាំរស្មីយូវីពីព្រះអាទិត្យអាចជំរុញឱ្យមុខរបួសមានស្នាម ធ្វើឱ្យស្នាមប្រែជាពណ៌ក្រមៅ និងឡើងក្រាស់។ ដូច្នេះ យើងគួរចៀសវាងឱ្យមុខរបួសត្រូវកម្តៅថ្ងៃដោយស្លៀកសម្លៀកបំពាក់បាំងមុខរបួស ឬរុំមុខរបួសជាមួយបង់រុំរបួស ឬបង់បិទរបួស។
លើសពីនេះទៅទៀត ក្រោយពេលមុខរបួសជាសះស្បើយ យើងអាចលាបឡេការពារកម្តៅថ្ងៃលើមុខរបួសដើម្បីការពារមុខរបួសពីការប្រែជាពណ៌ខ្មៅ និងឡើងក្រាស់ដោយសារត្រូវកម្តៅថ្ងៃ។
ការជក់បារីអាចបង្កើនបរិមាណកាបូនម៉ូណូអុកស៊ីតនៅក្នុងចរន្តឈាម ដែលធ្វើឱ្យរំហូរអុកស៊ីសែននៅក្នុងសរសៃឈាមយើងថយចុះដែលជាហេតុធ្វើឱ្យរបួសក្រជា និងមានស្នាម។ ម្យ៉ាងទៀត កាបូនម៉ូណូអុកស៊ីតក៏ធ្វើឱ្យស្បែកមុខរបួសប្រែជាពណ៌ក្រមៅដែរ។
ជាទូទៅផ្លែសាច់កើតឡើងដោយសារមុខរបួសដែលត្រូវការពេលយូរក្នុងការជាសះស្បើយ និងលើមុខរបួសដែលក្លាយ ដូច្នេះការថែទាំមុខរបួសឱ្យឆាប់ជាអាចកាត់បន្ថយការផ្លែសាច់បាន។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
