អាការៈរមាស់ធ្វើឲ្យយើងមានអារម្មណ៍រលាក ក្រហាយ ក៏ដូចជាចង់អេះស្បែកត្រង់បរិវេណនោះ។ ពេលខ្លះ យើងអាចរមាស់នៅតំបន់តែមួយ ប៉ុន្តែពេលខ្លះទៀត យើងក៏អាចរមាស់ពេញរាងកាយដូចគ្នា។ ទន្ទឹមនឹងអាការៈរមាស់នេះ យើងក៏អាចឡើងកន្ទួល ឬត្រអកផងដែរ។
អ្វីធ្វើឲ្យកើតមានអាការៈរមាស់?
អាការៈរមាស់អាចជារោគសញ្ញានៃបញ្ហាសុខភាពជាច្រើន ដែលក្នុងនោះរួមមាន៖
- អាលែកហ្ស៊ីទៅនឹងអាហារ សត្វល្អិតទិច ល្អងធូលី និងថ្នាំពេទ្យ
- ជំងឺស្បែកដូចជាត្រអក រលាកស្បែករ៉ាំរ៉ៃ និងស្បែកស្ងួត
- ប្រតិកម្មទៅនឹងសារជាតិគីមី គ្រឿងសម្អាង និងសារធាតុដទៃទៀត។
- ពពួកប៉ារ៉ាស៊ីត ដូចជាព្រូន ចៃ
- មានផ្ទៃពោះ
- ជំងឺថ្លើម តម្រងនោម ឬក្រពេញទីរ៉ូអ៊ីត
- ជំងឺមហារីកជាក់លាក់
- ជំងឺដែលអាចប៉ះពាល់ដល់ប្រព័ន្ធប្រសាទ ដូចជាជំងឺទឹកនោមផ្អែមជាដើម។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
យើងគួរព្យាបាលអាការៈរមាស់ដោយវិធីណា?
ពិតណាស់ អាការៈរមាស់ភាគច្រើនមិនមានភាពធ្ងន់ធ្ងរឡើយ។ ប៉ុន្តែ គ្នាយើងក៏អាចសាកល្បងតិចនិកទាំងនេះ៖
- ស្អំកំណាត់ត្រជាក់
- ប្រើក្រែមផ្ដល់សំណើម
- ងូតទឹកក្ដៅឧណ្ហៗ
- ប្រើប្រាស់ក្រែមលាបរមាស់ប្រភេទ Hydrocortisone ឬ Antihistamines
- ជៀសវាងអេះ ជៀសវាងសំលៀកបំពាក់ដែលងាយរលាក និងមិនត្រូវប៉ះពាល់កម្ដៅ ក៏ដូចជាសំណើមខ្លាំងពេក
អត្ថបទគួរអាន៖
- ចង់បានស្បែកស្រស់ថ្លា គួរកាត់បន្ថយអាហារប៉ុន្មានមុខនេះ
- តិចនិកជ្រើសរើសផលិតផលឲ្យត្រូវនឹងសភាពស្បែក បង្ការបញ្ហាផ្សេងៗ
- តិចនិកថែទាំស្បែកមុខ ការពារកុំឲ្យឡើងអាចម៍រុយផ្ដេសផ្ដាស
- ម៉េចបានចេះតែរបកស្បែកដៃ? គួរដោះស្រាយបែបណា?
- មិនចង់ឲ្យមុខឡើងជាំ ស្រីៗគួរចេះតិចនិកទាំងនេះ
- ខូឡាជែនល្អចំពោះសម្រស់ និងសុខភាព រកបានពីអាហារណាខ្លះ?
យ៉ាងណាមិញ យើងគួរជៅទូបគ្រូពេទ្យ ប្រសិនបើមានអាការៈរមាស់ធ្ងន់ធ្ងរ និងមិនបាត់ទៅវិញនៅក្នុងរយៈពេលពីរបីសប្ដាហ៍ ឬមិនមានមូលហេតុច្បាស់លាស់។ ក្នុងករណីដែលយើងមានជំងឺដែលបង្កឲ្យមានអាការៈរមាស់ យើងចាំបាច់ត្រូវព្យាបាលជំងឺនោះជាមុនសិន។
[embed-health-tool-heart-rate]
ចំណុចសំខាន់
- ស្អំកំណាត់ត្រជាក់
- ប្រើក្រែមផ្តល់សំណើម
- ងូតទឹកក្តៅឧណ្ហៗ
- ប្រើប្រាស់ក្រែមលាបរមាស់
- ជៀសវាងអេះ ឬពាក់សំលៀកបំពាក់ដែលងាយរលាកស្បែក
