home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

តិចនិកម៉ាស្សាមុខបំបាត់ស្នាមជ្រីវជ្រួញ ជួយឲ្យក្មេងជាងវ័យ

តិចនិកម៉ាស្សាមុខបំបាត់ស្នាមជ្រីវជ្រួញ ជួយឲ្យក្មេងជាងវ័យ

វ័យ​កាន់តែ​ជ្រេ គិតច្រើន ស្មុគ​ច្រើន និង​បញ្ហា​ស្ត្រេស សុទ្ធ​តែ​ធ្វើ​ឲ្យ​ផ្ទៃ​មុខ​យើង​ ងាយ​លេច​ចេញ​ស្នាម​ជ្រីវជ្រួញ​ណាស់។ មិន​ថា​ស្រីៗ មិន​ថា​ប្រុសៗ​ទេ បើ​មុខ​ជ្រួញ​កាន់​តែ​ខ្លាំង ភាព​ទាក់ទាញ​ក៏​កាន់​តែ​ថយ​ចុះ​ដូច​គ្នា។ ហេតុនេះហើយ ទើប “Hello គ្រូពេទ្យ” ជ្រើស​យក​អត្ថបទ​ រៀប​រាប់​ពី​វិធី​ម៉ាស្សា​លើ​ផ្ទៃ​មុខ​បែប​សាមញ្ញៗ ប៉ុន្តែ​មាន​ប្រសិទ្ធ​ភាពជួយ​ឲ្យ​ក្មេង​ជាង​វ័យ​បាន។

១- ម៉ាស្សា​បបូរ​មាត់

– ជំហាន​ទី ១៖ បូញ​បបូរ​មាត់​ឲ្យ​ដូច​កំពុង​ផ្លុំ រក្សា​ផ្ទៃ​មុខ​ផ្នែក​ផ្សេងៗ​ទៀត​នៅ​ដដែល។ ធ្វើ​ឲ្យ​បាន ៥​វិនាទី និង​ធ្វើ​សារ​ឡើង​វិញ យ៉ាង​ហោច​ណាស់ ៣ ដង។
– ជំហាន​ទី ២៖ សង្កត់​ម្រាម​ដៃ​ចង្អុល និង​ម្រាម​កណ្តាល​លើ​បបូរ​មាត់ ហើយ​ធ្វើ​តាម​ជំហាន​ទី ១ ម្តង​ទៀត ដោយ​ទល់​គ្នា​ជាមួយ​ម្រាម​ដៃ។
– ជំហាន​ទី ៣៖ ញញឺម​ដោយ​ខ្ជឹប​មាត់ ហើយ​រក្សា​មុខ​ស្មើ​ដដែល។ នៅ​ស្ងៀម ៥វិនាទី ត្រូវ​ធ្វើ​ដដែលៗ​ឲ្យ​បាន ៤​ដង។

សម្រស់ស្បែក

២- ម៉ាស្សា​ភ្នែក

– ជំហាន​ទី ១៖ យក​ម្រាម​ដៃ​ប៉ះ​សៀត​ផ្កា​ទាំង​សង​ខាង​ថ្នមៗ និង​បិទ​ភ្នែក។
– ជំហាន​ទី ២៖ មើល​ទៅ​លើ និង​ចុះ​ក្រោម​ឲ្យ​បាន​កាន់​តែ​ឆ្ងាយ​កាន់​តែ​ល្អ ខណៈ​ម្រាម​ដៃ​នៅ​តែ​សង្កត់​លើ​សៀត​ផ្កា​ទាំង​សង្ខាង។ ធ្វើ​ដដែលៗ​ឲ្យ​បាន ១០ ដង។
– ជំហាន​ទី ៣៖ លើក​ត្របក​ភ្នែក​លើ ក្រោម ឡើងចុះ និង ទាញ​ត្របក​ភ្នែក​កាន់​តែ​វែង​កាន់​តែ​ល្អ ដោយ​មិន​ចាំ​បាច់​បើក​ភ្នែក​ទេ។ រក្សា​ឥរិយាបថ​នេះ​ឲ្យ​បាន ៥វិនាទី សឹម​ប្រលែង​មក​វិញ និង​ធ្វើ​ដដែលៗ ៥ ដង។

អត្ថបទ​ពាក់​ព័ន្ធ៖

៣- ម៉ាស្សា​ថ្ពាល់

– ជំហាន​ទី ១៖ បាំង​ធ្មេញ​ដោយ​បបូរមាត់ ធ្វើ​មាត់​ឲ្យ​ចេញ​ជា​រាង​មូល​ដូច​រង្វង់។
– ជំហាន​ទី ២៖ ញញឹម​ឲ្យ​បាន​វែង ទាំង​បបូរ​កំពុង​តែ​បាំង​ធ្មេញ​នៅ​ឡើ​យ នឹង​ធ្វើ​ឲ្យ​បាន ៦ ដង។
– ជំហាន​ទី ៣៖ រក្សា​ទម្រង់​ញញឹម​នេះ ហើយ​យក​ចង្អុល​ដៃ​សង្កត់​លើ​ចង្កា។ បន្ទាប់​មក​ចាប់​ផ្តើម​ធ្វើ​ចលនា​ថ្គាម​ឡើង​ចុះ ដោយ​ងើយ​ក្បាល​ទៅ​ក្រោយ​ថ្នមៗ។ ត្រូវ​សម្រាក​បន្តិច និង​ធ្វើ​ឡើង​វិញ ឲ្យ​បាន ២ ដង​ទៀត។

៤- ម៉ាស្សា​ថ្ងាស

– ជំហាន​ទី ១៖ ដាក់​ដៃ​ទាំង​ពីរ​លើ​ថ្ងាស យក​ម្រាម​ដៃ​ទាំង​អស់​ឈ្លី​នៅ​ចន្លោះ​ចិញ្ចើម និង​ដល់​សក់។
– ជំហាន​ទី ២៖ បូត​ថ្ងាស​ទៅ​ក្រៅ​ថ្នមៗ ដោយ​ប្រើ​ម្រាម​ដៃ​សង្កត់​ស្រាលៗ ដើម្បី​បន្តឹង​ស្បែក។ ត្រូវ​សម្រាក​បន្តិច និង​ធ្វើ​ឡើង​វិញ ១០ ដង។

យើង​អាច​ធ្វើ​ការ​ម៉ា​ស្សាមុខ​តាម​របៀប​ទាំង​នេះ ឲ្យ​បាន ១០នាទី ទាំង​ពេល​ព្រឹក និង​ពេល​ថ្ងៃ។ ចំណុច​សំខាន់​មួយ​ទៀត យើង​អាច​លាប​ឡេ​ពេញ​ផ្ទៃ​មុខ ដើម្បី​ជួយ​ធ្វើ​ឲ្យ​ស្បែក​មុខ​តឹង និង​ស្អាត។ បើ​អាច គួរ​បន្ថែម​សំណើម ឬ​ប្រេង​អាល់ម៉ុន ២-៣ តំណក់ ដើម្បី​ឲ្យ​មាន​សំណើម​លើ​ស្បែក ហើយ​ចាំ​ថា ត្រូវ​សម្អាត​មុខ និង​ដៃ​ឲ្យ​ស្អាត​ជា​មុន មុន​នឹង​អនុវត្ត​វិធី​ម៉ាស្សា​នេះ។

សំខាន់​បំផុត ដើម្បី​ជួយ​ឲ្យ​ការ​ម៉ាស្សា​ផ្ទៃ​មុខ​កាន់​តែ​មាន​ប្រសិទ្ធភាព ត្រូវ​ប្រាកដ​ថា យើង​បាន​ផឹក​ទឹក​គ្រប់​គ្រាន់ ដើម្បី​ផ្តល់​សំណើម​ស្បែក និង​កាត់​បន្ថយ​ការ​ប្រើ​សារធាតុ​អំបិល ព្រោះ​អាច​ធ្វើ​ឲ្យ​ស្បែក​ខ្សោះ​ជាតិ​ទឹក នាំ​ឲ្យ​មាន​ស្នាម​ជ្រួញ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

23 Ways to Reduce Wrinkles. http://www.webmd.com/beauty/wrinkles/23-ways-to-reduce-wrinkles. Accessed September 2, 2016.

Anti-aging exercises. http://www.livestrong.com/article/182028-anti-aging-face-exercises/. Accessed September 2, 2016.

Best face exercises to remove wrinkles http://best-natural-facelift-without-surgery.blogspot.com/2013/01/best-face-exercises-to-remove-wrinkles.html Accessed September 2, 2016.

រូបថត​របស់​អ្នក​និពន្ធ
អត្ថបទដោយ Khlaut Rithy នៅ 29/08/2019
ត្រួតពិនិត្យ​ដោយ វេជ្ជ. ចាន់ ស៊ីណេត
x