home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

អនុវត្តទម្លាប់ ៥ យ៉ាងមុនចូលគេង ជួយ​ឲ្យ​ស្បែកមានសុខភាព​ល្អ

អនុវត្តទម្លាប់ ៥ យ៉ាងមុនចូលគេង ជួយ​ឲ្យ​ស្បែកមានសុខភាព​ល្អ

ជារៀងរាល់ថ្ងៃស្បែករបស់យើងតែងតែប៉ះពាល់ជាមួយបរិយាកាសខាងក្រៅដែលអាចមាន​សារធាតុបង្កគ្រោះថ្នាក់ដូចជាធូលី សារធាតុគីមីកាចគ្រោះថ្នាក់​ កាំរស្មី UV និងបរិស្ថានជុំវិញផ្សេងទៀតដែលអាចជះឥទ្ធិពលដល់ស្បែកយើង​បាន។ ការ​ប៉ះពាល់ជាមួយ​នឹង​សារធាតុទាំងនេះយូរៗទៅនឹងបណ្តាលឲ្យស្បែកយើង​មានការផ្លាស់ប្តូរ និងវិវឌ្ឍទៅជាកើត​មុន ស្លាកស្នាម ខូង ស្នាមជ្រួញ និងការខូចខាតផ្សេងៗទៀត ហើយនឹង​ត្រូវចំណាយពេលច្រើនដើម្បីព្យាបាល និងបំបាត់ស្នាមទាំងនោះ។ ខាងក្រោមនេះគឺជាគន្លឹះ ៥ យ៉ាងដើម្បី​ថែរក្សាស្បែកយើង​​មុនពេលចូលគេង។

១- លាងសម្អាតមុខ

នៅពេលយើង​គេងពេលយប់ស្បែករបស់យើង​នឹងមានធ្វើការជួសជុលកន្លែងមាន​បញ្ហា​ដោយខ្លួនឯង ហើយរន្ធញើសនឹងបើកផងដែរ។ ប្រសិនបើ​គ្រឿង​តុបតែងមុខរបស់យើង​ដូចជា ម៉ាស្ការ៉ា (mascara) ម្សៅទ្រនាប់ (foundation) ហាយឡាយ (highlighter) និង គូល័រភ្នែក (eyeshadow) ដែលយើង​បានប្រើប្រាស់មិនត្រូវបាន​លាងសម្អាត​ចេញ​នោះទេ នឹងបង្កឲ្យមានការស្ទះរន្ធញើស ហើយរំខានដល់ដំណើរការធម្មជាតិនៃការជួសជុលទាំងនោះ។ កត្តាទាំងនេះ​ជាហេតុបណ្តាលឲ្យស្បែកយើង​មិនរលោង បែរជា​មានស្នាម និងមានមុនទៅវិញ​។ តាមរយៈការលាងសម្អាត​គ្រឿងសម្អាងចេញពីមុខ អាចជួយឲ្យស្បែករបស់​យើ់ង​មានដង្ហើម និងរក្សាឲ្យនៅធម្មជាតិបាន។

អត្ថបទពាក់ព័ន្ធ:

២- ប្រើទឹក toner

បន្ទាប់ពីយើង​បានតុបតែងមុខរួច ចាំបាច់ត្រូវធ្វើការលាងសម្អាតវិញជាមួយនឹងទឹក Toner។ Toner អាចជួយឲ្យកម្រិត pH ធម្មជាតិរបស់ស្បែកត្រឡប់មកវិញ ដែលអាចឲ្យស្បែកយើង​មានភាពធន់នឹងបាក់តេរី និងមីក្រូសរីរាង្គផ្សេងទៀត។ Toner មានសារៈសំខាន់ណាស់សម្រាប់អ្នកដែលមានស្បែកមុខខ្លាញ់ និងមុខមុន។ យើង​អាចបន្តក់ Toner ពីរបីដំណក់លើ​សំឡី​ជូតមុខ ជូតទៅលើមុខ និងក រួច​ហើយទុកឲ្យស្ងួត។ Toner ដែលល្អបំផុតគឺគ្មានជាតិអាល់កុល ឬផ្សំបែបធម្មជាតិដូចទឹកផ្កាកុលាបសុទ្ធ។

៣- ប្រើឧបករណ៍ផ្តល់សំណើម humidifier

ឧបករណ៍ផ្តល់សំណើម humidifier អាចជួយផ្តល់សំណើម ធ្វើឲ្យស្បែកមានភាពរលោង និងការពារកុំឲ្យស្បែកស្ងួត រមាស់ និងប្រេះ។ កម្រិតសំណើមទាបអាចមានលើអ្នកមានជំងឺស្បែក eczema psoriasis និងជំងឺស្បែកផ្សេងៗទៀត។ ឧបករណ៍ផ្តល់សំណើមជួយរក្សាស្បែករបស់យើង​ឲ្យមានសំណើម និងសើមដែលមិនងាយនឹងរលាក និងអាលែ្លកហ្ស៊ី។

៤- ជ្រើសរើស​ខ្នើយ

ខ្នើយសូត្រ (silk) គឺពិតជាអាចជួយដល់ស្បែករបស់អ្នកឲ្យមានសុខភាពល្អបាន។ សូត្រមានផ្ទុកប្រូតេអ៊ីនធម្មជាតិ និងអាស៊ីតអាមីណូសំខាន់១៨ ដែលអាចជួយឲ្យស្បែកស្រស់ស្អាត។ ខ្នើយសូត្រ អាចការពារកុំឲ្យមានស្នាមនៅលើផ្ទៃស្បែកយើងនៅពេលដែលយើង​ក្រោកពីគេង ចំណែកឯសារធាតុសរសៃរបស់ខ្នើយកប្បាសវិញអាចបណ្តាលឲ្យមានការស្អិតជាប់នឹងស្បែក និងសក់របស់យើង។ ការណែនាំមួយចំនួនតម្រូវឲ្យយើងផ្លាស់ប្តូរខ្នើយជាប្រចាំ ដោយសារ​តែការបោកគក់ខ្នើយគឺមិនមានភាពគ្រប់គ្រាន់ឡើយ។ យោងទៅតាមបណ្ឌិត្យសភានៃរោគសើស្បែកអាមេរិក (AAD) បានឲ្យដឹងថាខ្នើយអាចប្រមូលផ្តុំនូវកោសិកាស្បែកដែលងាប់​ និងបាក់តេរីចេញពី​ភាពមិនស្អាតនៃស្បែក ហើយសារធាតុកខ្វក់​ទាំងនោះអាចនឹងចូលទៅស្បែករបស់យើង​តាមរយៈខ្នើយរបស់យើង​វិញ។

៥- គាបសក់

ការគាបសក់មុនពេលចូលគេងគឺជាវិធីសំខាន់មួយក្នុងការរក្សាឲ្យស្បែករបស់​យើង​ឲ្យមានភាព​ស្រស់ស្អាត។ សក់របស់តែងមានផ្ទុកនូវជាតិប្រេង ធូលី និងកោសិកាស្បែកងាប់ដែលអាចចូលទៅផ្ទៃមុខ និងខ្នើយ។ ជាតិប្រេង និងកោសិកាស្បែកងាប់ទាំងនោះអាចធ្វើឲ្យយើងកើតមុន។ ការគាបសក់មិនត្រឹមតែអាចផ្តល់ប្រយោជន៍ដល់ស្បែកយើង​ប៉ុណ្ណោះទេ តែ​ក៏ជួយកុំឲ្យសក់របស់យើង​ជំពាក់នៅពេលដែលយើង​ក្រោកពីគេងផងដែរ។

ការថែរក្សាស្បែកយើងឲ្យនៅមាន​ភាពស្រស់ស្អាតគឺមិនមានភាពពិបាកទេ។ យើង​គ្រាន់តែត្រូវមានភាពអត់ធ្មត់ និងឧស្សាហ៍ធ្វើនូវទំលាប់ដែលបានរៀបរាប់ខាងលើឲ្យបានត្រឹមត្រូវនៅពេលយើង​មុនពេលចូលគេង ហើយយើង​នឹងឃើញលទ្ធផលល្អដែលអាចធ្វើឲ្យើង​សប្បាយចិត្តជាមិនខាន។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញដើម្បីស្វែងយល់ពីដំណោះស្រាយរបស់អ្នក។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ ចាន់ សុខឡាង កែសម្រួល​ចុងក្រោយ 08/06/2020
ត្រួតពិនិត្យដោយ គឹម កាណែល
x