នៅលើលោកនេះ គ្មានអ្នកណាម្នាក់ដែលចង់មើលទៅមុខចាស់ជាងអាយុនោះទេ។ អ្នកខ្លះឆ្ងល់ថា ខ្លួនមានអាយុតិចទេ តែហេតុអីបានជាមុខមើលទៅចាស់ជាងអាយុដល់ ទៅ ២-៣ ឆ្នាំ។ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានឲ្យដឹងថា ចម្លើយ អាចបណ្តាលមកពីទម្លាប់អាក្រក់ទាំងប៉ុន្មានខាងក្រោមនេះ។

១.មិនហាត់ប្រាណ

ប្រសិនបើយើងមិនហាត់ប្រាណបានជាប្រចាំទេនោះ នឹងជំរុញឲ្យរាងកាយឆាប់ចាស់មុនអាយុ។ ការហាត់ប្រាណមិនត្រឹមតែជំនួយដល់លំហូរចរន្តឈាមទេ វាជួយឲ្យស្បែកតឹងណែន មើលទៅក្មេងជាងវ័យ និយាយរួមការហាត់ប្រាណមានអត្ថប្រយោជន៍ច្រើនដល់សុខភាពទូទៅ។

២.ផឹកស្រាច្រើន

អ្នកណាដឹងដែរថា ស្រាមិនសូវជាល្អចំពោះសុខភាពប៉ុន្មានទេ ហើយបើមានទម្លាប់ផឹកស្រារាល់ថ្ងៃ ឬញឹកញាប់ អាចបណ្តាលឲ្យប៉ះពាល់ដល់ការសំយោគ Collagen ដែលអាចធ្វើឲ្យស្បែកជ្រីវជ្រួញ និងយារធ្លាក់កាន់តែខ្លាំងនៅពេលអនាគត។

៣.ជក់បារី

ទម្លាប់មួយនេះ គ្មានអីគួរឲ្យភ្ញាក់ផ្អើលទេក្នុងការធ្វើឲ្យយើងចាស់ជាងវ័យ។ ការជក់បារី ធ្វើឲ្យធ្មេញឡើងពណ៌ ប៉ះពាល់ដល់ស្បែក និងអាចបណ្តាលឲ្យមានស្បែកជ្រីវជ្រួញទាំងវ័យក្មេង។ មិនតែប៉ុណ្ណោះ វាក៏ប៉ះពាល់ដល់សុខភាពខ្លួនដោយសារជាតិពុលរាប់ពាន់ប្រភេទនៅក្នុងថ្នាំជក់ និងមនុស្សនៅក្បែរខ្លួន។

អត្ថបទពាក់ព័ន្ធ៖

៤.ស្រ្តេសពេក

មូលហេតុចម្បងមួយដែលបណ្តាលឲ្យឆាប់ចាស់ គឺស្រ្តេស និងការគិតច្រើនពេកនេះឯង។ ការកើតស្រ្តេសធ្វើឲ្យយើងស្មុគអារម្មណ៍ ពិបាកចិត្ត គិតច្រើនដែលជាហេតុធ្វើឲ្យស្បែកស្រអាប់ មុខស្រពោន បណ្តាលឲ្យមានភាពជ្រីវជ្រួញបានយ៉ាងលឿន។

៥. គេងមិនគ្រប់គ្រាន់

ការគេងបានឆ្អែតភ្នែក គឺសំខាន់ណាស់ គ្នាយើងមិនគួរមើលងាយរយៈពេលគេងក្នុងមួយថ្ងៃៗនោះទេ។ ការគេងបានឆ្អែត ជំនួយដល់ប្រព័ន្ធភាពស៊ាំរឹងមាំ ជំនួយខួរក្បាល មិនតែប៉ុណ្ណោះជួយរក្សាសម្រស់ឲ្យមើលទៅស្រស់ថ្លាថែមទៀត។

៦.ផឹកកាហ្វេច្រើន

ផឹកកាហ្វេមួយកែវនៅពេលចាប់ផ្តើមថ្ងៃថ្មីរបស់យើងមិនអីទេ តែបើផឹកកាហ្វេច្រើនហួសប្រមាណធ្វើឲ្យមានការបាត់បង់ជាតិទឹកច្រើនពីក្នុងខ្លួនដោយសារជាតិកាហ្វេអុីន ដែលជាតិហេតុធ្វើឲ្យស្បែកបាត់បង់ជាតិសំណើម ធ្វើឲ្យធ្មេញឡើងពណ៌ និងអាចធ្វើឲ្យមើលទៅចាស់ជាងអាយុរាប់ឆ្នាំផងដែរ។

អត្ថបទពាក់ព័ន្ធ៖

របស់ ៥ យ៉ាងនេះគគ្រិច តែនៅជាប់លើខ្លួនមនុស្សយើង
ស្រីៗគ្នាយើងកុំអូសរំលង អាហារទាំងនេះជួយរក្សាសម្រស់ឲ្យនៅក្មេងជាងវ័យ
វិធីងាយៗតាមបែបធម្មជាតិធ្វើឲ្យស្បែកសលឿន ចំណាយថវិកាតិច
វិធីសាស្រ្តផ្សេងៗក្នុងការព្យាបាលអាចម៍រុយ និងស្នាមមុនលើស្បែកមុខ
ស្រីៗដឹងវិធីទាំងនេះ ទោះក្តៅយ៉ាងណាមិនបារម្ភខ្លាចខូចស្បែកដែរ!

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕

ប្រញាប់កែទម្លាប់អាក្រក់ទាំងនេះចេញ ប្រយ័ត្នមុខចាស់ជាងអាយុ