backup og meta

ពិតអត់ ពាក់គ្រឿងអលង្ការជាប់ទាំងងូតទឹក ទាំងគេង បង្កបញ្ហាដល់ស្បែក?

ត្រួតពិនិត្យដោយ ទូច សុខា


អត្ថបទ​ដោយ មាន រតនា · កែ May 26, 2020

    ពិតអត់ ពាក់គ្រឿងអលង្ការជាប់ទាំងងូតទឹក ទាំងគេង បង្កបញ្ហាដល់ស្បែក?

    គ្នា​យើង​មួយ​ចំនួន អាច​ជា​ទម្លាប់​ទៅ​ហើយ ទាក់​ទង​នឹង​ការ​ពាក់​គ្រឿង​​អលង្ការ ដូច​ជា​ចិញ្ចៀន ក្រវិល ខ្សែ​ក ពាក់​ជាប់​ មិន​ដោះ​ចេញ ហើយ​ពាក់​ទាំង​នៅ​ពេល​ងូត​ទឹក និង​ពេល​គេង​។ ដូច​នេះ ក៏​មាន​សំនួរ​ជា​ច្រើន​ដូច​គ្នា​ថា តើ​​ការ​ពាក់​គ្រឿង​អលង្ការ​ជាប់​បែប​នេះ នឹង​បង្ក​បញ្ហា​ដល់​ស្បែក​​ឬ​អត់?

    ទាក់​ទង​បញ្ហា​នេះ លោក​ស្រី​​សាស្រ្តាចារ្យ​វេជ្ជបណ្ឌិត Marina Peredo អ្នក​ជំនាញ​​​​សិក្សា​ពី​ជំងឺស្បែក នៃ​មន្ទីរ​ពេទ្យ Mount Sinai ក្រុង​ញ៉ូវ​យក សហរដ្ឋអាមេរិក បាន​លើក​ឡើង​ថា ជា​ការ​ពិតការ​ពាក់​គ្រឿង​អលង្ការ​ជាប់​បែប​នោះ ពុំ​មាន​កើត​ជា​​បញ្ហា​ខ្លាំង​​គួរ​ឱ្យ​ព្រួយ​បារម្ភ​​នោះ​ទេ ដរាប​ណាយើង​បាន​សម្អាត​របស់ទាំងនោះ​បាន​ស្អាត និង​ទៀង​ទាត់។ ប៉ុ​ន្តែ​លោក​ស្រី​បន្ថែម​ថា ​អ្វី​ដែល​​ត្រូវ​យក​ចិត្ត​​​ទុក​ដាក់​បន្តិច​នោះ​គឺ គ្រឿង​អលង្ការ​មួយ​ចំនួន​ផលិត​ឡើង​ពុំ​មាន​គុណភាព​ល្អ នឹង​បង្ក​ជាបញ្ហា​តិច​តួច​មួយ​​ចំនួន​ដូចជាបង្ក​ឱ្យ​រោល​ ឬរលាក​ស្បែក​។

    អត្ថបទពាក់ព័ន្ធ៖

    លោក​ស្រី​វេជ្ជបណ្ឌិត​​ឲ្យ​ដឹងទៀត​ថា ​គ្រឿង​អលង្ការធ្វើពីលោហៈ​​ដូច​ជា មាស ប្រាក់ ប្លាទីន ដែល​មាន​លាយ​​បន្ថែម​​​​ជាតិ​នីកែល ​អាច​បង្ក​ឱ្យ​​រោល​ស្បែក​បាន ហើយ​ពិសេស​​ធ្វើ​ឱ្យ​ស្បែក​ស្រអាប់​ខ្មៅ​ ស្រប​ពេល​ដែល​ពពួក​គ្រឿង​អលង្ការ​គុណ​ភាព​ល្អ​សុទ្ធ នឹង​​មិន​បង្ក​បញ្ហា​ទាំង​នេះ​ទេ។

    អត្ថបទពាក់ព័ន្ធ៖

    ទោះ​ជា​យ៉ាង​ណា អ្នក​​ឯកទេស​ផ្នែក​ជំងឺស្បែកខាង​លើ បាន​បញ្ជាក់​ជា​សង្ខេប​ខ្លី​ថា ការ​ពាក់​គ្រឿង​អលង្ការ​ជាប់ នឹង​មិន​បង្ក​បញ្ហា​​ធ្ងន់​ធ្ងរ​ដល់​ស្បែក​នោះ​ទេ ទោះ​ពេល​ងូត​ទឹក ពេល​គេង​ ឬ​សកម្មភាព​ប្រចាំ​ថ្ងៃ ប៉ុន្តែ​​លោក​ស្រី​ណែ​នាំ​ឱ្យ​ ដោះ​ទុក​គ្រឿង​អលង្ការ​នៅ​ពេល​ខ្លះ ក៏ជា​ជម្រើស​ប្រសើរមួយ​ ហើយ​ការ​ចេះ​ជ្រើស​រើស​គ្រឿង​អលង្ការ​​​ដែល​មាន​គុណ​ភាព​ល្អ​ គឺជា​ជម្រើស​កាន់តែ​ប្រសើរ​ផង​ដែរ​៕ ​​​

    ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​បញ្ហា​សុខភាព​អ្នក​ ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Groupមិន​ចេញ​វេជ្ជបញ្ជា​ មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ទេ៕

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    ទូច សុខា


    អត្ថបទ​ដោយ មាន រតនា · កែ May 26, 2020

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម