ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការខាត់ស្បែកមុខជាប្រចាំអាចជួយជម្រុះកោសិកាស្បែកងាប់ ជំរុញកោសិកាស្បែកថ្មីឱ្យដុះឡើងវិញជួយឱ្យស្បែកមុខយើងភ្លឺរលោង។ ស្រ្កាប់ខាត់ស្បែកមុខនៅទីផ្សារអាចមានលាយជាតិគីមីដែលធ្វើឱ្យស្បែកយើងខូច និងអាចមិនត្រូវនឹងប្រភេទស្បែកមុខរបស់យើង។ តោះមកមើលគ្រឿងផ្សំធម្មជាតិដែលយើងអាចយកមកខាត់ស្បែកមុខតាមប្រភេទស្បែក!
ដើម្បីទទួលបានលទ្ធផលល្អ យើងគួរប្រើស្រ្កាប់ខាត់ស្បែកតាមប្រភេទមុខរបស់យើង៖
ស្រូវសាលីអូតស័ក្តិសមសម្រាប់អ្នកមានស្បែកស្ងួត ព្រោះអាចជួយស្រូបខ្លាញ់ពីស្បែកមុខ និងជួយការពារស្បែកមុខយើងពីការរលាក។ យើងអាចលាយស្រូវសាលីអូតមួយស្លាបព្រាបាយជាមួយស្ករត្នោតមួយស្លាបព្រាបាយ និងទឹកឃ្មុំមួយស្លាបព្រា។
ម្សៅបេកឃីងសូដាអាចជួយការពារស្បែកមុខពីការឆ្លងមេរោគ រក្សាកម្រិត pH ស្បែកមុខឱ្យមានតុល្យភាព និងមិនមានជាតិកាត់ខ្លាំងដែលស័ក្តិសមជាមួយស្បែកមុខងាយប្រតិកម្ម។ យើងអាចលាយម្សៅបេកឃីងសូដាមួយស្លាបព្រាជាមួយទឹកពីរបីដំណក់។
ក្រូចឆ្មារមានផ្ទុកអាស៊ីដ alpha hydroxy ដែលអាចជួយកម្ចាត់កោសិកាស្បែកងាប់ និងខ្លាញ់ចេញពីស្បែកមុខយើងបានដែលស័ក្តិសមជាមួយស្បែកមុខខ្លាញ់ ឬចម្រុះ។ យើងអាចលាយទឹកក្រូចឆ្មារពាក់កណ្តាលផ្លែជាមួយនឹងស្ករសកន្លះពែង ប្រេងអូលីវមួយស្លាបព្រាកាហ្វេ និងទឹកឃ្មុំមួយស្លាបព្រាកាហ្វេ។
ស្ករត្នោតមានសភាពទន់ជាងស្ករសដែលស័ក្តិសមយកមកខាត់ស្បែកមុខងាយប្រតិកម្ម។ យើងអាចលាយស្ករត្នោតមួយស្លាបព្រាបាយជាមួយប្រេងអូលីវមួយស្លាបព្រាបាយ។
យ៉ាអួមានផ្ទុកអាស៊ីដ alpha hydroxyl ជួយផ្តល់សំណើមដល់ស្បែកមុខ និងល្អចំពោះស្បែកស្ងួត។ យើងអាចលាយយ៉ាអួមួយស្លាបព្រាកាហ្វេជាមួយទឹកឃ្មុំមួយស្លាបព្រាកាហ្វេ និងស្រូវសាលីអូតមួយស្លាបព្រាកាហ្វេ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ទឹកឃ្មុំមានផ្ទុកសារធាតុប្រឆាំងនឹងបាក់តេរីដែលអាចជួយកាត់បន្ថយការឆ្លងមេរោគស្បែក ការឡើងក្រហម និងការឡើងមុន។ ទឹកឃ្មុំក៏ជួយផ្តល់សំណើមដល់ស្បែកដែរ ដូច្នេះស័ក្តិសមជាមួយស្បែកស្ងួត។ យើងអាចលាយទឹកឃ្មុំមួយស្លាបព្រាកាហ្វេជាមួយម្សៅបេកឃីងសូដាកន្លះស្លាបព្រាកាហ្វេ។
ម្សៅ ឬកាកកាហ្វេមានសភាពក្រើមដែលអាចជួយកម្ចាត់កោសិកាស្បែកងាប់ចេញពីមុខ និងជួយឱ្យស្បែកមានសំណើម ហើយស័ក្តិសមជាមួយស្បែកស្ងួត។ យើងអាចលាយកាហ្វេមួយស្លាបកាហ្វេជាមួយប្រេងដូងមួយស្លាបព្រាកាហ្វេ។
ល្ហុងស័ក្តិសមជាមួយស្បែកចំរុះ និងមានផ្ទុកអង់ស៊ីមដែលជួយកម្ចាត់កោសិកាស្បែកងាប់ ឬរបួស ហើយជួយឱ្យចរន្តឈាមលើផ្ទៃមុខរត់បានល្អ និងផ្តល់ភាពរលាស់ដល់ស្បែក។ យើងអាចលាយល្ហុងម៉ដ្ឋបួនស្លាបព្រាកាហ្វេជាមួយទឹកឃ្មុំមួយស្លាបព្រាបាយ។
នៅពេលខាត់ស្បែកមុខ យើងគួរខាត់ជាចលនារង្វង់ៗជាមួយម្រាមដៃ ទុកចោលប្រហែល ៥ នាទី រួចលាងសម្អាតជាមួយទឹក។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
