វីតាមីន និងរ៉ែសំខាន់ៗសម្រាប់ការលូតលាស់របស់កូន ប៉ាម៉ាក់គួរដឹង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប៉ាម៉ាក់ដឹងទេថាអូនៗតូចៗ និងក្នុងវ័យជំទង់ ត្រូវការសារធាតុចិញ្ចឹមខុសពីមនុស្សធំ ហើយអាហារដែលយើងញ៉ាំប្រចាំថ្ងៃក៏ត្រូវតែយកចិត្តទុកដាក់បន្តិចដែរ ដើម្បីអាចបំពេញតម្រូវការវីតាមីន និងរ៉ែសំខាន់ៗដែលកូនយើងត្រវការ។ តើរ៉ែ និងវីតាមីនអ្វីខ្លះចាំបាច់សម្រាប់អូនៗ?
១. កាល់ស្យូម
កាល់ស្យូមជារ៉ែសំខាន់មួយសម្រាប់ជួយកសាងប្រព័ន្ធឆ្អឹង និងធ្មេញរបស់អូនៗ។ អូនៗអាចទទួលបានកាល់ស្យូមតាមរយៈអាហារធ្វើពីទឹកដោះគោ និងបន្លែមានស្លឹកបៃតងចាស់។
២. អាហារមានជាតិសរសៃ(Fiber)
អាហារមានជាតិសរសៃមិនមែនជារ៉ែ ឬវីតាមីនទេ តែអាហារប្រភេទនេះច្រើនផ្ទុកទៅដោយវីតាមីនដូចជាវីតាមីន E វីតាមីនC កាល់ស្យូម ម៉ាញ៉េស្យូម និងប៉ូតាស្យូម។ យើងអាចទទួលបានជាតិសរសៃនេះបានពីការញ៉ាំផ្កាខាត់ណាខៀវ និងផ្លែបឺរ ជាដើម។
៣. ពពួកវីតាមីនB
វីតាមីនB គឺមានសារៈសំខាន់ក្នុងការធ្វើមេតាប៉ូលិស ផ្ដល់ថាមពល សុខភាពបេះដូង និងប្រព័ន្ធប្រសាទ។ វីតាមីនB ដែលសំខាន់មានវីតាមីនB និងB 12។ អូនៗអាចទទួលបានវីតាមីនទាំងនេះបានតាមរយៈសាច់សត្វ ស៊ុត និងត្រីជាដើម។
៤. វីតាមីន D
វីតាមីនD ធ្វើការជាមួយកាល់ស្យូមជួយកសាងឆ្អឹងឲ្យមានភាពរឹងមាំ និងប្រហែលជាអាចជួយការពារអូនៗប្រឆាំងនឹងជំងឺរ៉ាំរ៉ៃមួយចំនួននៅថ្ងៃអនាគតផង។ អាហារសម្បូរវីតាមីនD មានក្នុងត្រីសាឌីន ត្រីសាល់ម៉ុន និងស៊ុត ជាដើម។
៥. វីតាមីន E
វីតាមីន E ជួយពង្រឹងប្រព័ន្ធភាពស៊ាំរបស់អូនៗ និងជួយសម្អាតសរសៃឈាម និងជួយឲ្យចរន្តឈាមរត់បានល្អ។ វីតាមីននេះយើងអាចទទួលបានពីគ្រាប់ផ្លែឈើ និងគ្រាប់ធញ្ញជាតិ។
៦. ជាតិដែក
ជាតិដែកជួយកោសិកាឈាមក្រហមដឹកនាំអុកស៊ីសែនទៅកាន់រាងកាយ។ ជាតិដែកមាននៅក្នុងសាច់ក្រហម និងបន្លែស្លឹកបៃតងចាស់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម