បច្ចុប្បន្នការរីករាលដាលនៃជំងឺកូវីដ ១៩ នៅកម្ពុជាមិនទាន់មានសញ្ញាថមថយនោះទេ តើយើងត្រូវការពារកូនតូចជាទីស្រលាញ់ ដែលទើបចាប់កំណើតលើផែនដីនេះពីជំងឺកូវីដ ១៩ ដោយរបៀបណា?
មានកូនតូចពិបាកបន្តិចហើយ នេះជាតិចនិកការពារទារកទើបកើត-១ឆ្នាំ ពីជំងឺកូវីដ ១៩
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បើតាមការផ្សព្វផ្សាយរបស់អង្គការ UNICEF បន្ថែមលើដំបូន្មានទាំងអស់ដែលបានផ្តល់កន្លងមកដល់ម៉ាក់ប៉ា អំពីការលាងសម្អាតដៃ ការរក្សាគម្លាត សុវត្ថិភាព និងការឧស្សាហ៍ធ្វើអនាម័យឱ្យទាករតូចៗ យើងគួរយកចិត្តទុកដាក់បន្ថែមទៀត ដើម្បីការពារទារកតូចៗពីការឆ្លងជំងឺ។ ម៉ាក់ៗត្រូវបំបៅដោះកូន ប្រសិនបើអាចធ្វើបាន ព្រោះបច្ចុប្បន្នពុំមានការស្រាវជ្រាវណា ដែលបង្ហាញថាទឹកដោះម្តាយអាចចម្លងវីរុសនេះនោះឡើយ ហើយម៉ាក់ៗគួរអនុវត្តតាមទម្លាប់អនាម័យធម្មតា និងការពារផ្លូវដង្ហើម (ពេលបំបៅកូន ក៏ដូចជាពេលវេលាផ្សេងទៀត) ដើម្បីចៀសវាងការឆ្លងតាមផ្លូវដង្ហើម។
បន្ថែមពីនោះត្រូវប្រើកំណាត់ជូតដែលមានថ្នាំសម្លាប់មេរោគប្រសិនបើមាន ដើម្បីជូតផ្ទែកខាងលើ និងផ្ទៃសម្រាប់ប្តូរខោទឹកនោមកូនឱ្យបានម្តង/ថ្ងៃ ធានាថាក្មេងតូចៗ មានអ្នកថែទាំដដែលៗ ដើម្បីកាត់បន្ថយចំនួនមនុស្សដែលមកប៉ះពាល់ជាមួយពួកគេ។ ចំពោះអ្នកមើលថែកូនយើងត្រូវប្រាប់ពួកគេឲ្យលាងសម្អាតដៃឱ្យបានញឹកញាប់ ចៀសវាងប្រើប្រាស់វត្ថុរួមគ្នាដែលយកមកប៉ះពាល់មាត់ ដូចជាពែងជាដើម និងមិនត្រូវនៅជិត ក្មេងឡើយបើពួកគេមានអារម្មណ៍មិនស្រួលខ្លួន។
ប្រសិនបើកូនឈឺក ក្អក ឬក្តៅខ្លួន ត្រូវទូរស័ព្ទពេទ្យដើម្បីសុំដំបូន្មានសិន មុននឹងយកកូនទៅពេទ្យ។ប៉ុន្តែបើកូនមានរោគសញ្ញាកាន់តែធ្ងន់ធ្ងរ ដូចជាថប់ដង្ហើម ឬមិនស្រួលខ្លួនខុសធម្មតា សូមទូរស័ព្ទទៅកាន់លេខ ១១៥ ឬយកពួកគេទៅកាន់ផ្នែកសង្គ្រោះបន្ទាន់ដែលនៅជិតបំផុត។
អង្គការ UNICEF ក៏បានបញ្ជាក់ថា ក្មេងភាគច្រើនដែលមានជំងឺកូវីដ១៩ មានរោគសញ្ញាស្រាលៗ ឬពុំមានរោគសញ្ញាទាល់តែសោះ។ ប៉ុន្តែជាការសំខាន់ដែលត្រូវការពារមនុស្សចាស់ និងអ្នកដទៃទៀតដែលងាយរងគ្រោះដោយសារការឆ្លងរោគធ្ងន់ធ្ងរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម