ទារកទើបនឹងកើតត្រូវការគេងច្រើន ហើយនោះក៏រឿងចាំបាច់បំផុតដែរ ព្រោះជួយឲ្យទារកលូតលាស់បានល្អ។ បើតាមអ្នកគ្រូពេទ្យផ្នែកឆ្មប សុំ សូរិយា បម្រើការនៅមន្ទីរពេទ្យបង្អែក ស្រុកខ្សាច់កណ្ដាល បានឲ្យដឹងថា យើងមិនគួរធ្វើរឿងប៉ុន្មានខាងក្រោមនេះ ព្រោះវាអាចធ្វើឲ្យប៉ះពាល់ដល់ដំណេករបស់កូន នាំឲ្យកូនមានបញ្ហាផ្សេងៗ។
ម៉ាក់ៗគួរតែដឹងរឿងទាំងប៉ុន្មាននេះ អំពីការគេងរបស់ទារក
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្នកគ្រូពេទ្យរូបនោះបានបន្តទៀតថា ទារកទើបកើតខ្លះគេង ៥-៨ ដងក្នុងមួយថ្ងៃ ហើយពេលវ័យកាន់តែវិវត្ត ការគេងក៏កាន់តែតិចជាងមុនដែរ រហូតដល់ពេលពួកគេមានវ័យដល់ ១ ឆ្នាំ ការគេងនៅសល់ត្រឹម ២ ឬ ៣ ដងប៉ុណ្ណោះ។ ខាងក្រោមនេះជាដំបូន្មានខ្លះៗទាក់ទងនឹងការគេងរបស់ទារក ដែលម៉ាក់ៗគួរតែដឹង៖
១- កាលណាយើងឧស្សាហ៍ធ្វើឲ្យកូនភ្ញាក់ទាំងកំពុងគេង អាចធ្វើឲ្យទារកគេងមិនឆ្អែត ហើយប៉ះពាល់ដល់សុខភាព និងខួរក្បាល។
២- ទារកមិនអាចគេងលក់មួយយប់ទល់ភ្លឺបានឡើយ ពួកគេត្រូវការក្រោកបៅយ៉ាងហោចណាស់ចន្លោះពី ២-៤ ដងដែរ។
៣- ជាធម្មតាទារកងុយគេងតែងតែរករឿង ឬយំ ដូចនេះបើសង្កេតឃើញថាកូនគ្មានបញ្ហាសុខភាពខុសប្រក្រតីអ្វីទេ គឺមានន័យថាយំព្រោះងងុយ ហើយដើម្បីឲ្យទារកគេងលក់ឆាប់ត្រូវបំបៅកូនពេលងងុយនោះទៅ។
៤- ត្រូវកំណត់ពេលវេលាគេងកូនឲ្យបានច្បាស់លាស់ ចៀសវាងជ្រុលពេល អាចនាំឲ្យកូនពិបាកគេង។ ឧទាហរណ៍៖ កូនធ្លាប់ចូលគេងម៉ោង ៧៖៣០ នាទីយប់ មិនគួរអូសបន្លាយរហូតដល់ម៉ោង ៩៖០០ យប់ឡើយ ព្រោះកាលណាខកគេង កូនចាប់ផ្ដើមមួម៉ៅខ្លាំង និងពិបាកលួងជាដើម។
៥- ទារកទើបកើត ពេលគេង ច្រើនមានអាការៈភ្ញាក់កន្ទ្រាក់ ឬសើច គឺជារឿងធម្មតារបស់ទារក ហើយវានឹងបាត់ទៅវិញនៅពេលទារកចម្រើនវ័យបន្តិច។
៦- ចង់ឲ្យទារកគេងយូរ គួរតែកុំឲ្យមានសំឡេងរំខានណាមួយក្បែរគេ ព្រោះកូនងាយនឹងឮសំឡេងទាំងនោះណាស់ ហើយបើសំឡេងខ្លាំងទៀតនោះ ទារកអាចភ្ញាក់កន្ទ្រាក់ ព្រមជាមួយសំឡេងយំតែម្ដង។
អត្ថបទពាក់ព័ន្ធ៖ ធ្លាប់ឮពីជំងឺ ស្កន់ម្តាយដើម អត់ ហេតុអីគេហៅឈ្មោះបែបហ្នឹង?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម