ទារកមួយចំនួនពេលម៉ឹមដោះម្តាយ ឬទឹកដោះគោ ចេះតែក្អែរចេញមកវិញ ពេលខ្លះអាចតិច ពេលខ្លះក៏ច្រើន។ ការដែលកូនបៅហើយ ក្អែរចេញមកវិញនេះ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅថា មកពីមូលហេតុធំ ៣ យ៉ាង ទី១ កូនបៅឆ្អែតជ្រុល ទី២ បំបៅកូនខុសបច្ចេកទេស និង ទី៣ កូនមានបញ្ហាសាច់ដុំក្រពះតូចត្បៀត។

ដើម្បីដោះស្រាយបញ្ហាកូនបៅរួចចេះតែក្អែរចេញមកវិញនេះ លោកវេជ្ជបណ្ឌិតបានណែនាំនូវតិចនិកងាយមួយចំនួនខាងក្រោម។

– កុំឲ្យកូនបៅឆ្អែតពេក ត្រូវឲ្យកូនបៅល្មមៗ តែច្រើនដង

– កុំឲ្យកូនដេកបៅ ឬយោលអង្រឹងបណ្តើរឲ្យកូនបៅបណ្តើរ

– រាល់ពេលបំបៅកូន ត្រូវតែក្បាលកូនខ្ពស់ជាងដងខ្លួនបន្តិច

– កុំចាំដល់ដល់ពេលទឹកដោះចេញខ្លាំង ចាំបំបៅដោះកូន

– បើកូនម៉ឹមទឹកដោះគោ ត្រូវមើលក្បាលដប ក្រែងកូនខាំធ្លាយ បៅទៅហូរខ្លាំង

– ពេលបំបៅដោះ កុំស្លៀកពាក់ឲ្យកូនរឹបតឹងពេក

– កុំឲ្យកូនដេកភ្លាមបន្ទាប់ពីបំបៅរួច ត្រូវលើកកូនបញ្ឈរ បន្ទាប់ពីម៉ឹមរួចឲ្យបាន ៣-៥នាទី។

អត្ថបទពាក់ព័ន្ធ៖ ទារកបៅចេះតែឈ្លក់ដោយសារអី បើឈ្លក់ចូលសួតញឹក ប៉ះពាល់ម៉េចខ្លះ?

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

តិចនិកងាយៗ ជួយកូនបៅរួច កុំឲ្យក្អែរចេញមកវិញ