ក្មេងជាច្រើនមានអាការៈវៀចកតាំងពីតូច ហើយដោយសារម៉ាក់ប៉ាមិនបានចាប់អារម្មណ៍ និងព្យាបាលទាន់ពេលវេលាទៀតនោះ ទើបបណ្ដាលឲ្យពួកគេមានបញ្ហាបែបនេះ។ អ្នកគ្រូឆ្មប សុំ សូរិយា បម្រើការងារនៅមន្ទីរពេទ្យបង្អែក ស្រុកខ្សាច់កណ្ដាល បានឲ្យដឹងថា កូនវៀចក ពេលសង្កេតឃើញតាំងពីនៅជាទារក ត្រូវប្រញាប់យកទៅព្យាបាលឲ្យទាន់ពេលវេលា។
បើកូនកើតមកវៀចក មានផលប៉ះពាល់អីអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្នកគ្រូក៏បន្ថែមទៀតថា ក្នុងចំណោមភាពមិនប្រក្រតីទាំងឡាយ ទារកវៀចក គឺជាករណីឧស្សាហ៍ជួបប្រទះមួយ។ ចំពោះមូលហេតុវិញ វាពិបាកពន្យល់ឲ្យបានជាក់លាក់ណាស់ដឹងត្រឹមថា វាកើតឡើងដោយសារ
- សាច់ដុំកទាំងសងខាងលូតលាស់មិនស្មើគ្នា
- ទម្រង់របស់ទារកពេលនៅក្នុងពោះមិនស្របនឹងស្បូនម៉ាក់
- ការកើនឡើងជាតិកាល់ស្យូមយ៉ាងរហ័ស ទើបបណ្ដាលឲ្យមានការកន្ទ្រាក់សាច់ដុំរយៈពេលយូរ។
ជាទូទៅម៉ាក់ៗអាចមើលដឹងច្បាស់នៅពេលទារកអាយុចាប់ពី ១ ដល់ ៤ ខែ ប៉ុន្តែក្នុងករណីវៀចកខ្លាំង យើងអាចដឹងតាំងតែពីទារកទើបកើតមកភ្លាមម្ល៉េះ។ក្នុងករណីវៀចកតិចតួច ទារកអាចវិលទៅសភាពធម្មតាវិញ ក្នុងរយៈពេលខ្លី ដោយយើងត្រូវព្យាយាមដាក់កូនឲ្យដេកត្រង់ ក្បាលស្របនឹងដងខ្លួន ហើយបើពេលដេកកូនផ្អៀងក្បាលចេញ ត្រូវតំរែតម្រង់។ ប៉ុន្តែបើកូនវៀចកធ្ងន់ធ្ងរ ទារកត្រូវព្យាបាលដោយចលនារយៈពេលវែង ហើយបើមិនព្យាបាលទាន់ពេលវេលា ទៅថ្ងៃមុខពេលកូនធំទៅអាចមានរូបរាងមិនសមរម្យ និងខូចឆ្អឹងកងកទៀត ផង។
ដូចនេះហើយ ក្រោយសម្រាលកូនរួចភ្លាមយើងត្រូវមើលថែ និងតាមដានពីសភាពរបស់កូនជាប្រចាំ ដើម្បីការធំធាត់ប្រកបដោយសុភាពល្អ និងមានកាយសម្បទារឹងមាំ ហើយបើមានករណីសង្ស័យ ឬភាពមិនប្រក្រតីណាមួយ ត្រូវនាំកូនទៅជួបគ្រូពេទ្យជំនាញពិភាក្សា។
អត្ថបទពាក់ព័ន្ធ៖
- ម៉េចបានកូនតូច ពេលដេកមានឮសំឡេងដកដង្ហើមខ្សឺតខ្សក? មានជំងឺអីអត់?
- ក្មេងអាយុក្រោម២ឆ្នាំ ហាមដាច់ខាតប្រើប្រេងកូឡា-ប្រេងរឹតគ្រប់ប្រភេទ
- ស្បែកកូនតូចមានបញ្ហា ម៉ាក់ប៉ាគួរធ្វើតាមការណែនាំប៉ុន្មានយ៉ាងនេះ
- ប្រើប្រេងកូឡាលាបលើបង្ហើយក្មេងទើបកើត អាចប៉ះពាល់ខួរក្បាល
- ក្មេងជាប់គល់អណ្ដាត បើមិនបានកាត់ រងផលប៉ះពាល់ទាំងនេះ
- ម៉ាក់ប៉ាគួរដឹង របៀបកិនថ្នាំឲ្យកូនតូចលេបបានត្រឹមត្រូវ
- ហេតុអ្វីបានជាទារិកាទើបកើត មានឈាមនៅទ្វារមាស?
- ក្មេងទើបកើត កុំធ្វើរឿងទាំងប៉ុន្មាននេះដាក់ឲ្យសោះ
- របៀបថែទាំកូនកើតមិនគ្រប់ខែ ឲ្យមានសុខភាពល្អ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម