មានម៉ាក់ៗជាច្រើនជ្រើសរើសប្រភេទទឹកដោះគោក្រដាសឲ្យកូនខ្លួនផឹកតាំងពី ៦ ខែឡើង ហើយមិនបានស្វែងយល់ពីការណែនាំផ្សេងៗនៅលើក្រដាស។ លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានចូលខ្លួនមកចែករំលែកថា ទឹកដោះគោប្រភេទនេះភាគច្រើនផលិតឡើងសម្រាប់កូនមានអាយុចាប់ពី ៦ ឆ្នាំទៅ នេះបើតាមការបញ្ជាក់នៅលើសម្បកផលិតផលទាំងនោះ។
វេជ្ជបណ្ឌិតបន្តទៀតថា តាមបទពិសោធន៍លោកជាច្រើនឆ្នាំមកនេះ បានសង្កេតឃើញថា ប្រជាជនខ្មែរមួយចំនួនទិញទឹកដោះគោក្រដាសឲ្យកូនផឹកតាំងពី ៦ ខែឡើង ឬមួយឆ្នាំ ព្រោះមានភាពងាយស្រួល និងចំណាយថវិកាអស់តិច ហើយក្រោយផឹកវាយូរៗទៅ កូនមានជំងឺជាច្រើនដូចជារលាកបំពង់ក រលាកផ្លូវដង្ហើម ងាយខូចធ្មេញ។ ជាពិសេសក្មេងៗបានផឹកវាហើយលែងចង់ញ៉ាំបាយហើយ។
រឿងសំខាន់មួយទៀត គឺទឹកដោះគោក្រដាសមានជាតិផ្អែមខ្លាំងជាងទឹកដោះគោកំប៉ុងដែលឆុងឲ្យកូនបៅ។ លោកបានសង្កត់ធ្ងន់ថា ទឹកដោះគោក្រដាសមិនសូវមានសារធាតុចិញ្ចឹម វីតាមីន ប្រូតេអ៊ីន គ្រប់គ្រាន់ដែលអាចជួយទ្រទ្រង់រាងកាយ និងការលូតលាស់របស់កុមារបាននោះទេ។ តែវាមានត្រឹមជាតិស្ករប៉ុណ្ណោះ។
របបអាហារកូនទើបកើត ដល់ អាយុ ៥ ឆ្នាំគឺជារឿងចាំបាច់ត្រូវយកចិត្តទុកដាក់ និងចៀសវាងទឹកដោះគោក្រដាសនេះ ពេលកូនគ្រប់អាយុចាំឲ្យផឹក។ ក្នុងវ័យប៉ុណ្ណោះក្មេងត្រូវការបំផុតគឺ ពពួកអាហារសាងសង់ និងអាហារការពារ ហើយក្មេងមិនសូវត្រូវការអាហារថាមពលនោះទេ។
ចំណុចពិសេសមួយទៀតដែលវេជ្ជបណ្ឌិត ហ៊ាង រតនា ចង់ណែនាំ គឺសម្បកវេចខ្ចប់ ដោយប្រភេទទឹកដោះគោក្រដាសសម្បកវាងាយរហែក និងមានក្នុងទឹកដោះគោមានលាយសារធាតុទុកបានយូរ។ ចំណែកការដឹកជញ្ជូនវិញ រឹតតែមិនមិនសុវត្ថិភាពទៀត គឺដឹកដោយម៉ូតូហាលថ្ងៃ ហើយបើឡានវិញគ្មានម៉ាស៊ីនត្រជាក់ ហើយដឹកពីមួយទៅមួយ។
រីឯការផឹកដែលមានផាសុកភាពវិញ លោកណែនាំឲ្យផឹកពី ៦ ឆ្នាំឡើង មួយថ្ងៃ មួយប្រអប់ ហើយក្រោយផឹកត្រូវឲ្យកូនផឹកទឹក និងខ្ពុរមាត់ ដើម្បីកុំឲ្យជាតិផ្អែមជាប់ធ្មេញ មាត់ បំពង់ក។
ចំណែកវិធីសម្គាល់វិញ គឺអាចមើលនៅកៀនៗប្រអប់ដែលអាចមានសរសេរជាអក្សរអង់គ្លេស ឬខ្មែរតាមប្រភេទផលិតផល តើសម្រាប់ក្មេងអាយុប៉ុន្មាន? បើមើលមិនយល់អាចយកទៅសួរគ្រូពេទ្យជំនាញវិញ។ មួយវិញទៀតលោកក៏ណែនាំម៉ាក់ប៉ាឲ្យកូនផឹកម្សៅទឹកដោះគោដែលមានកំប៉ុងធំ ទើបល្អជាងទឹកដោះគោក្រដាស។
អត្ថបទពាក់ព័ន្ធ៖
- ក្មេងមានជំងឺផ្លូវដង្ហើមប្រភេទនេះ បណ្តោយទុកយូរកើតជាជំងឺប្រឹសបេះដូង
- ម៉ាក់ប៉ារវល់ ហើយទុកកូនឲ្យអ្នកដទៃមើលថែជំនួស ប្រយ័ត្នជួបរឿងបែបនេះ
- កូនតូចៗចូលចិត្តញ៉ាំចំណីចំណុកផ្អែមៗ ប្រឈមបញ្ហាសុខភាពច្រើនយ៉ាង
- ហេតុអីកូនតូចងាយក្តៅខ្លួន ហើយក្ដៅកម្រិតណា ទើបត្រូវបារម្ភខ្លាំង?
- ចំណុចធ្វេសប្រហែសរបស់ម៉ាក់ប៉ាសម័យថ្មី ធ្វើឲ្យកូនតូចឧស្សាហ៍ឈឺ
- ពេទ្យថា ទម្លាប់ឲ្យកូនបៀមដបទឹកដោះគោ គ្រោះថ្នាក់ខ្លាំងណាស់
- មិនចង់ឲ្យកូនឈឺធ្មេញតាំងពីតូច ម៉ាក់ប៉ាគួរធ្វើម៉េច?
- មានកូនរពឹស ម៉ាក់ប៉ាត្រូវត្រៀមខ្លួនទប់ទល់បែបណា?
- កូនឈឺមិនងាយជាទេ បើម៉ាក់ប៉ាឲ្យលេបថ្នាំបែបនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
