ការលូតលាស់ និងអាកប្បកិរិយា
មួយអាទិត្យក្រោយសម្រាលបេប៊ីស្គាល់សំឡេងរបស់ម៉ាក់ប៉ាបណ្តើរៗហើយ។ អូនតូចនឹងមានអារម្មណ៍កក់ក្តៅពេលបានឮសំឡេងយើង ទោះជាមិនទាន់យល់ពីអ្វីដែលកំពុងនិយាយក៏ដោយ។ អ្វីដែលគួរឲ្យចាប់អារម្មណ៍នោះក្នុងអំឡុង ២ សប្តាហ៍ដំបូងបេប៊ីនឹងងើបក្បាលបន្តិច ដូច្នេះហើយត្រូវតែប្រយ័ត្នកុំឲ្យមានអ្វីមកបិទផ្លូវដង្ហើមរបស់អាអូននៅពេលគេផ្កាប់មុខចុះ។ ចំណែកភ្នែករបស់អូនតូចៗមិនទាន់បើកបានពេញលេញនោះទេ គេអាចមើលឃើញប្រហែល ២០-៤០ សង់ទីម៉ែត្រ ពីខ្លួនតែប៉ុណ្ណោះ។