គ្រូពេទ្យមានតិចនិកក្នុងការពិនិត្យកូនយើងផ្សេងៗពីគ្នា និងទៅតាមស្ថានភាពរបស់ក្មេង។ ប៉ុន្តែជាទូទៅមុន ឬក្រោយពេលពិនិត្យ គ្រូពេទ្យអាចផ្តល់ដំបូន្មានពីការឲ្យចំណីអាហារកូនញ៉ាំ ការគេង ការលូតលាស់ និងវិធីបង្ការផ្សេងៗ ហើយម៉ាក់ប៉ាក៏អាចសួរសំណួរទៅវិញ បើមានចម្ងល់លើបញ្ហាអ្វីមួយ។
៣- ចំណុចត្រូវដឹង
អាយុ ៨-៩ ខែហើយ អាអូនមិនទាន់ដុះធ្មេញ មិនសូវមានសក់ តើមកពីអ្វី? គួរឲ្យបារម្ភអត់?
ធ្មេញមិនទាន់ដុះ៖ គ្មានអ្វីគួរឲ្យបារម្ភទេ បើកូនអាយុ ៩ ខែ ហើយនៅមិនទាន់ដុះធ្មេញ។ ធ្មេញអាអូនជាទូទៅ ដុះនៅចន្លោះខែទី ២-១២។ ការក្រដុះធ្មេញអាចជាកត្តាតំណពូជ មិនប៉ះពាល់ដល់ការលូតលាស់របស់កូនទេ។ ទោះអត់ទាន់ដុះធ្មេញក៏មិនអីដែរ កូនយើងអាចប្រើអញ្ចាញដើម្បីទំពាអាហារបាន។
សក់អត់ដុះ៖ ដូចការអត់ទាន់ដុះធ្មេញដែរ សក់មិនទាន់សូវដុះច្រើនក្នុងខែនេះ មិនមែនបញ្ហាដែលគួរឲ្យបារម្ភទេ។ បញ្ហាអត់ដុះសក់មិនមែនមានន័យថាកូនយើងមានសក់តិច ឬទំពែកពេលធំឡើយដល់ពេលណាមួយសក់នឹងដុះដោយខ្លួនឯង។
ការព្រួយបារម្ភ
៤- រឿងអ្វីខ្លះត្រូវបារម្ភ?