ម៉ាក់ប៉ាខ្លះ សង្កេតឃើញថាកូនចេះចាប់ផ្ដើមយកដៃទៅទាញ ឬចាប់ចំណីមកដាក់ក្នុងមាត់ខ្លួនឯងតាំងពី ៥-៦ខែ តែមានកូនខ្លះក៏មិនចេះចាប់កាន់ចំណីអាហារមកញ៉ាំ ទាល់តែតាមបញ្ចុករហូតដល់ធំ។ ដូចនេះហើយតែងមានម៉ាក់ប៉ាសួរថា តើម៉ាក់ប៉ាបញ្ចុកបាយកូនរហូតដល់ធំល្អទេ?
ម៉ាក់ប៉ាទម្លាប់បញ្ចុកបាយកូនរហូតដល់ធំ ល្អទេ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តាមការណែនាំរបស់លោកវេជ្ជបណ្ឌិត អៀប តិចឆេង ឯកទេសកុមារ និងជំងឺផ្លូវដង្ហើម នៅមន្ទីរពេទ្យកុមារជាតិ បានឲ្យដឹងថា កូនតូចចាប់ពីអាយុ ១ ឆ្នាំទៅ គួរតែបណ្ដោយឲ្យញ៉ាំអាហារខ្លួនឯងបណ្ដើរៗទៅ ទម្រាំដល់កូនអាយុបាន ១ ឆ្នាំ កូនអាចញ៉ាំបានដោយខ្លួនឯង។ លោកបានលើកឡើងថា ឧបសគ្គដែលម៉ាក់ប៉ាតែងជួបពេលឲ្យកូនញ៉ាំដោយខ្លួនឯងនោះ គឺកូនមិនព្រមញ៉ាំអាហារតាមបរិមាណកំណត់ ឬកូនខ្លះទៀតញ៉ាំតែសាច់ មិនញ៉ាំបន្លែធ្វើឲ្យខ្វះសារធាតុចិញ្ចឹមគ្រប់គ្រាន់ទៅរាងកាយ។
កត្តានេះហើយទើបអាណាព្យាបាលភាគច្រើនមិនផ្ដល់ហ៊ានឲ្យកូនតូចញ៉ាំអាហារដោយខ្លួនឯង រហូតដល់កូនទម្លាប់ដល់វ័យ ៥-៦ ឆ្នាំក៏នៅតែតាមបញ្ចុក។ វេជ្ជបណ្ឌិត អៀប តិចឆេង ក៏បន្តទៀតថា ការឲ្យកូនញ៉ាំអាហារដោយខ្លួនឯងអស់មួយចានៗ មិនមែនងាយស្រួលឡើយ កូនខ្លះទាមទារការលួងលោម និងចំណាយពេលយូរ ខណៈកូនខ្លះទៀតត្រូវសន្យាឲ្យអ្វីមួយដូចជាទូរស័ព្ទមើល ឬទិញអ្វីឲ្យលេងជាដើម។
អត្ថបទពាក់ព័ន្ធ៖ បន្លែបៃតងល្អចំពោះសុខភាពកូន តែគួរចម្អិនបែបណា ទើបសុវត្ថិភាព?
មានវិធីមួយទៀត គឺពេលកូនញ៉ាំខ្លួនឯងមិនអស់ យើងអាចជួយបញ្ចុកតិចៗតែមិនមែនទាំងអស់ ហើយគួរធ្វើម្ហូបណាដែលកូនចូលចិត្តញ៉ាំឲ្យបានញឹកញាប់ ទើបក្មេងព្រមញ៉ាំអាហារអស់តាមការកំណត់។ បន្ថែមពីនោះគួរឲ្យផ្លែឈើ ក៏ដូចជាចំណីណាដែលល្អៗ ដើម្បីឲ្យកូនទទួលបានសារជាតិថែមទៀត។
ចំពោះចម្ងល់ថា តើក្មេងត្រូវញ៉ាំដោយយើងបញ្ចុករហូតដល់ធំ មានបញ្ហាអ្វីអត់? គ្រូពេទ្យឯកទេសកុមាររូបនោះបានឲ្យដឹងថា ទម្លាប់បញ្ចុកកូនវាមិនអាក្រក់អ្វីចំពោះសុខភាពទេ គ្រាន់តែកូនមិនចេះញ៉ាំខ្លួនឯង និងពិបាកសម្របខ្លួននឹងបរិស្ថានខាងក្រៅ ជាពិសេសពេលចូលរៀន។ ការបង្រៀនកូនតាំងពីតូចឲ្យចេះញ៉ាំខ្លួនឯង ជួយឲ្យកូនធំឡើងដោយមានទំនួលខុសត្រូវខ្លួនឯង និងជួយសម្រួលកិច្ចការម៉ាក់ប៉ាបានមួយកម្រិត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម