ត្បិតតែឈាមច្រមុះ ជាបញ្ហាទូទៅមួយដែលគ្នាយើងមួយចំនួនធ្លាប់បានជួបប្រទះ ប៉ុន្តែបើវាកើតលើកូនក្មេងច្បាស់ជាបណ្ដាលឲ្យម៉ាក់ប៉ាកើតជាក្ដីបារម្ភពីសុខភាពកូនហើយ។ មូលហេតុអាអូនតូចៗឈាមច្រមុះអាចមានច្រើន តែភាគច្រើន វាមិនចោទជាបញ្ហាធំដុំដល់សុខភាពកុមារឡើយ ហេតុនេះម៉ាក់ប៉ាមិនចាំបាច់បារម្ភពេកទេ។
មកដឹងមូលហេតុអាអូនតូចៗឈាមច្រមុះ និងវិធីដោះស្រាយ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទាក់ទងនឹងបញ្ហានេះ លោកស្រីវេជ្ជបណ្ឌិត កុសល កណិការ ឯកទេសជំងឺកុមារ និងទារក នៃគ្លីនិកកុមារ MommyDoctor បានពន្យល់ឲ្យដឹងថា បញ្ហាឈាមច្រមុះនៅលើកុមារ ជាបញ្ហាមួយដែលយើងជួបញឹកញាប់ក្នុងការរស់នៅប្រចាំថ្ងៃ ហើយក៏ជាការព្រួយបារម្ភរបស់ប៉ាម៉ាក់ផងដែរ។ ចំពោះមូលហេតុអាអូនតូចៗឈាមច្រមុះមានដូចជា៖
ទី១. សរសៃឈាមក្នុងច្រមុះកុមារមានការផុយស្រួយ ងាយនឹងដាច់
ទី២. មូលហេតុអាអូនតូចៗឈាមច្រមុះ អាចដោយសារអាលែកហ្ស៊ី រលាកច្រមុះ ឬការរលាកនៅ Sinus
ទី៣. អាអូនកង្វះវីតាមីន C
ទី៤. សីតុណ្ហភាពក៏ជាមូលហេតុអាអូនតូចៗឈាមច្រមុះដែរដូចជា ត្រជាក់ពេក ឬក្ដៅពេក
ទី៥. កូនកេះ ឬអេះច្រមុះខ្លាំងពេក
វេជ្ជបណ្ឌិតសញ្ញាប័ត្រពីប្រទេសបារាំងបានបន្ថែមឲ្យដឹងពីវិធីដោះស្រាយពេលអាអូនឈាមច្រមុះដូចជា៖
– ឲ្យកូនអង្គុយលើកៅអីឲ្យត្រង់ខ្លួន និងងើយក្បាលកូនឡើងលើបន្តិច (ចៀសវាងងើយឡើងលើខ្លាំង)
– ចៀសវាងឲ្យកូនអង្គុយផ្អែកខ្លួនលើកៅអី ព្រោះវាអាចបណ្ដាលឲ្យឈាមហូរចូលបំពង់ក បង្កជាឈ្លក់
– យកកន្សែងត្រជាក់ស្អំលើច្រមុះកូនរយៈពេល១០នាទី
– ឲ្យកូនសម្រាកក្រោយបាត់ហូរឈាម និងចៀសវាងឲ្យកូនខំប្រឹងញើសសម្បោរ កេះ ឬញីច្រមុះខ្លាំង។
ពេលណាគួរយកកូនទៅពេទ្យ? ក្នុងករណីដែលម៉ាក់ប៉ាឃើញកូនឈាមច្រមុះ ដូចរៀបរាប់ខាងក្រោមនេះ គួរយកកូនទៅពិនិត្យជាមួយគ្រូពេទ្យឲ្យបានត្រឹមត្រូវ៖
- ឈាមច្រមុះញឹកញាប់
- មានញ៉ុករបស់របរចូលច្រមុះ
- របួសតូចតែហូរឈាមខ្លាំង
- ហូរឈាមបណ្ដាលឲ្យអាអូនឈឺក្បាល ឬខ្សោយ
- ហូរឈាមច្រមុះដោយសារប៉ះទង្គិចក្បាល។ល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម