ការបង្ករោគក្នុងឈាម ឬ Sepsis កើតឡើងនៅពេលដែលរាងកាយមានប្រតិកម្មខុសប្រក្រតីចំពោះការឆ្លងមេរោគ។ នៅពេលដែលយើងមានបញ្ហាសុខភាពមួយនេះ ប្រព័ន្ធភាពស៊ាំដែលការពារយើងពីមេរោគ នឹងបញ្ចេញសារធាតុគីមីជាច្រើនចូលទៅក្នុងឈាម ដោយបង្កជាការរលាក ដែលអាចនាំឲ្យខូចសរីរាង្គ។ ក្នុងករណីធ្ងន់ធ្ងរ ការបង្ករោគក្នុងឈាម អាចបណ្ដាលឲ្យសម្ពាធឈាមធ្លាក់ចុះខ្លាំង ដែលអាចធ្វើឲ្យខូចសរីរាង្គភ្លាមៗ ដូចជាសួត តម្រងនោម និងថ្លើមជាដើម។