ពីមុនយើងធ្លាប់តែដឹងថា កើតជំងឺទឹកនោមផ្អែមរ៉ាំរ៉ៃងាយប្រឈមនឹងដំបៅជើង ដែលអ្នកជំងឺខ្លះអាចកាត់ជើងក៏មាន តែតាមពិតទៅនៅពេលកើតជំងឺទឹកនោមផ្អែមរ៉ាំរ៉ៃត្រូវប្រឈមនឹងជំងឺជាច្រើនមុខ។
ជំងឺទឹកនោមផ្អែមមិនមែនមកពីរបបអាហារមួយមុខនោះទេ វាបណ្តាលមកពីខូចកោសិកាលំពែង កត្តាហ្សែន បរិស្ថាន របៀបរស់នៅ និងកត្តាអាយុ ដែលមានទឹកនោមផ្អែមប្រភេទ១ ទឹកនោមផ្អែមប្រភេទ២ និងទឹកនោមផ្អែមពេលពពោះ។ អ្នកកើតជំងឺទឹកនោមទាំង ៣ ប្រភេទនេះសុទ្ធតែមានជាតិស្ករក្នុងឈាមឡើងខ្លាំង។
បើតាមអង្គការសុខភាពពិភពលោក (WHO) ជំងឺទឹកនោមផ្អែម ជាកត្តាជំរុញឲ្យប្រឈមនឹងជំងឺច្រើនមុនដូចជា ដាច់សរសៃឈាមខួរក្បាល គាំងបេះដូង ភ្នែកមើលមិនឃើញ មានបញ្ហាតម្រងនោម និងត្រូវកាត់អវៈយវៈ។
ចំពោះអ្នកជំងឺទឹកនោមផ្អែម តម្រូវឲ្យយកចិត្តទុកដាក់ចំពោះរបៀបរបបរស់នៅ ដោយហាត់ប្រាណជាប្រចាំ ពិសេសកំណត់របបអាហារឲ្យបានត្រឹមត្រូវ ដើម្បីរក្សាទម្ងន់ និងមានលំនឹងជាតិស្ករក្នុងឈាម នោះទើបមិនវិវត្តទៅធ្ងន់ធ្ងរ។
រីឯការកើតជំងឺទឹកនោមផ្អែមពេលពពោះវិញ អាចមានផលប៉ះពាល់ដល់កូនក្នុងផ្ទៃ ដូច្នេះហើយម៉ាក់ៗចាំបាច់ត្រូវឧស្សាហ៍ជួបគ្រូពេទ្យដើម្បីតាមដានសុខភាព គ្រប់គ្រងកម្រិតជាតិស្ករក្នុងឈាម និងត្រូវញ៉ាំអាហារដែលមានជាតិស្ករទាប។
[embed-health-tool-bmi]
