កត្តាមួយចំនួនដូចជាភាពតានតឹងពីការងារ ទំនួលខុសត្រូវក្នុងគ្រួសារ និងមានជំងឺជាដើម អាចរំខានដល់ដំណេករបស់យើងបាន។ ពេលខ្លះយើងអាចនឹងមិនអាចគ្រប់គ្រងកត្តាទាំងនេះ ប៉ុន្តែយើងអាចបង្កើតទម្លាប់ដែលជួយឲ្យគេងលក់ស្រួលតាមវិធីងាយៗមួយចំនួន។
១. កាលវិភាគក្នុងការគេង
យើងគួរកំណត់ការគេងមិនឲ្យលើសពី៨ម៉ោង។ សម្រាប់មនុស្សពេញវ័យគួរគេងយ៉ាងតិច៧ម៉ោង។ យកល្អយើងគួរចូលគេង និងក្រោកពីគេងនៅម៉ោងដដែលជារៀងរាល់ថ្ងៃ និងចៀសវាងកុំឲ្យម៉ោងចូលគេងនៅថ្ងៃធ្វើការ និងថ្ងៃចុងសប្តាហ៍ខុសគ្នាច្រើនជាងមួយម៉ោង។ ប្រសិនជាយើងមិនអាចគេងលក់ក្នុងរយៈពេល២០នាទីទេ យើងអាចសាកចេញពីបន្ទប់គេង និងបន្ធូរអារម្មណ៍ដោយអានសៀវភៅ ឬស្តាប់ចម្រៀង។ រួចយើងអាចត្រលប់ទៅគេងវិញនៅពេលបន្តិចក្រោយពីនោះ។
២. របបអាហារ
យើងមិនគួរចូលគេងទាំងឃ្លាន ឬឆ្អែតពេកទេ។ មុនចូលគេង២ម៉ោង យើងគួរចៀសវាងញ៉ាំអាហារច្រើន ឬអាហារដែលពិបាករំលាយ ព្រោះថាអាចនឹងមានអារម្មណ៍មិនស្រួលក្នុងខ្លួនដែលរំខានដល់ការគេង។
ជាតិនីកូទីន កាហ្វេអ៊ីន និងគ្រឿងស្រវឹងក៏គួរតែប្រយ័ត្នដែរ។ នីកូទីន និងកាហ្វេអ៊ីនត្រូវការរយៈពេលច្រើនម៉ោងក្នុងការអស់ឥទ្ធិពលពីរាងកាយ និងអាចរំខានដល់ដំណេកបាន។ គ្រឿងស្រវឹងអាចធ្វើឲ្យងងុយគេង តែក៏អាចរំខានដំណេកនៅពេលយប់។
អត្ថបទពាក់ព័ន្ធ៖
- ទាំងនេះជាមូលហេតុខ្លះៗ មិនគួរទ្រាំគេងទាំងឃ្លាននៅពេលយប់
- យប់ឡើងឃ្លាន តែខ្លាចធាត់ សាកអាហារសម្រន់នេះជួយដោះស្រាយបាន
- ទម្លាប់ញ៉ាំឆ្អែតភ្លាម ទម្រេតខ្លួនគេងភ្លាម គ្រោះថ្នាក់បំផុត
៣. បរិយាកាស
បន្ទប់គេងយើងគួររៀបចំឲ្យត្រជាក់ ងងឹត និងស្ងប់ស្ងាត់។ នៅពេលបន្ទប់គេងមានពន្លឺខ្លាំងពេកអាចធ្វើឲ្យពិបាកក្នុងការគេង។ បន្ថែមពីនេះទៀត យើងគួរចៀសវាសប្រើប្រាស់គ្រឿងអេឡិចត្រូនិចដូចជាទូរស័ព្ទមុនចូលគេង។ សកម្មភាពបន្ធូរអារម្មណ៍មួយចំនួនដែលយើងអាចធ្វើមុនចូលគេងមានដូចជា ការងូតទឹក សមាធិ ឬស្តាប់ចម្រៀង កឺជារឿងល្អ។
៤. ការគេងថ្ងៃ
ការគេងថ្ងៃយូរអាចរំខានដំណេកពេលយប់បាន។ ប្រសិនជាយើងគេងថ្ងៃ គួរកំណត់ការគេងត្រឹមតែ៣០នាទី និងចៀសវាងការគេងនៅរសៀលពេកទេ។ ដោយឡែកបើយើងត្រូវធ្វើការនៅពេលយប់ យើងអាចគេងនៅរសៀល ឬពេលល្ងាច ព្រោះនេះអាចជួយឲ្យយើងស្វាងនៅពេលយប់។
៥. ការហាត់ប្រាណ
ការហាត់ប្រាណរាល់ថ្ងៃអាចជួយដល់ការគេងកាន់តែប្រសើរឡើងព្រោះការហាត់ប្រាណជួយបន្ថយភាពតានតឹង និងធ្វើឲ្យយើងហត់។ ប៉ុន្តែមិនត្រូវហាត់ប្រាណជិតពេលចូលគេងទេ។ ការចំណាយពេលនៅខាងក្រៅផ្ទះរាល់ថ្ងៃក៏ជួយដល់ការគេងដែរ។
៦. ការគិតច្រើន
មុនគេងយើងគួរដោះស្រាយរឿងផ្សេងៗដែលនាំឲ្យយើងគិតច្រើនជាមុនដែរ។យើងអាចសរសេរបញ្ហាទាំងនោះ និងទុកដោះស្រាយនៅថ្ងៃស្អែក។ ការគ្រប់គ្រងភាពតានតឹងអាចជួយយើងបានដោយចាប់ផ្តើមពីការរៀបចំ កំណត់អាទិភាព និងបែងចែកការងារនីមួយៗ។ ការសមាធិក៏អាចជួយបន្ថយការថប់បារម្ភដែរ។
គួរបញ្ជាក់ដែរថា សម្រាប់អ្នកមានបញ្ហាគេងមិនលក់រាល់ថ្ងៃ គួរទៅពិគ្រោះជាមួយគ្រូពេទ្យ ដើម្បីដឹងពីមូលហេតុ និងការព្យាបាល។
អត្ថបទពាក់ព័ន្ធ៖
- ភេសជ្ជៈទាំង៥មុខនេះ ជួយសម្រាលបញ្ហារឿងគេងមិនលក់ស្កប់ស្កល់
- គេងមិនគ្រប់គ្រាន់ធ្វើឲ្យមានបញ្ហាទាំងនេះដល់ខួរក្បាល
- ចូលចិត្តគេងថ្ងៃត្រូវដឹងតិចនិកនេះ កុំឲ្យក្រោកឡើងរងីរងើ ឬរំខានដំណេកយប់
- មិនមែនតែគេងតិចទេប៉ះពាល់សុខភាព គេងច្រើនក៏ប៉ះពាល់ដែរ
- ប៉ាម៉ាក់ត្រូវដឹង អូនៗយប់ឡើងក្រគេងអាចមកពីលេងទូរសព្ទច្រើនពេក
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
