-រូបរាងកាយ ឬអវយវៈរបស់ទារកក្នុងផ្ទៃមានលក្ខណៈមិនប្រក្រតី អាចនឹងបង្កផលវិបាកដល់អាយុជីវិតទារក ក្រោយពេលកើត ដែលមើលតាមរយៈអេកូសាស្ត្រ។
កត្តាបុគ្គល
– ស្ត្រីមិនមានលទ្ធភាពគ្រប់គ្រាន់ក្នុងការរកប្រាក់ ដើម្បីមើលថែទាំទារក និងផ្គត់ផ្គង់ខ្លួនឯង។
-ស្ត្រីរំលូតកូនដោយសាររងសម្ពាធពីប្ដី ដែលមិនចង់បានកូន ឬត្រៀមខ្លួនដើម្បីធ្វើជាឪពុកកូនបាន ឬមានបញ្ហាសេដ្ឋកិច្ចក្នុងគ្រួសារ។
-ស្ត្រីមានផ្ទៃពោះក្នុងពេលដែលមិនមានប្ដី ត្រូវរំលូតកូនចោល ដោយរងការបង្ខិតបង្ខំពីឪពុកម្ដាយ ឬខ្លាចរងការរិះគន់ពីសង្គម។ បុគ្គលម្នាក់ៗ អាចសម្រេចចិត្តរំលូតកូនចេញ ទៅតាមហេតុផលដែលយល់ឃើញរបស់បុគ្គលខ្លួនឯងផ្ទាល់។
ពេលរំលូតកូន ស្ត្រីអាចប្រឈមនឹងផលវិបាកអ្វីខ្លះ?
ច្បាស់ហើយថា ការរំលូតកូនចេញនឹងផ្ដល់ផលវិបាកទៅដល់ស្ត្រីដូចជា៖
- ការហូរឈាមតាមទ្វារមាស អំឡុងពេលរំលូត ធ្លាយស្បូន ស្អិតស្បូន គ្មានកូនទៅថ្ងៃក្រោយ ឬកូនក្រៅស្បូន និងករណីបង្ករោគ
- មានបញ្ហាសុក ដូចជាការសល់សុកជាដើម
- កូនបន្ទាប់ អាចឲ្យកំណើតកូនមិនគ្រប់ខែ
- មានកូនដែលមានទម្ងន់តិចពេក ឬក៏រលូត។