ពេលពពោះ ស្ត្រីអាចមានបញ្ហាប្រឈមច្រើន ដែលតម្រូវឲ្យយើងទៅតាមដានសុខភាពជាមួយគ្រូពេទ្យជំនាញឲ្យបានទៀងទាត់ សម្រាកឲ្យបានគ្រប់គ្រាន់ ញ៉ាំអាហារសម្បូរជីវជាតិឲ្យច្រើន។ ដើម្បីកាត់បន្ថយបញ្ហាប្រឈមនានា លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានណែនាំឲ្យស្រ្តីចេះកត់ចំណាំសញ្ញាគ្រោះថ្នាក់មួយចំនួន ដែលអាចឡើងអំឡុងពពោះ។