ពេលកំពុងពពោះ ស្រីៗមួយចំនួនជួបអាការៈឈឺធ្មេញ តែអ្នកខ្លះអត់ហ៊ានធ្វើទេ ខ្លាចប៉ះពាល់ដល់កូនក្នុងផ្ទៃ។ តើការធ្វើធ្មេញពេលពពោះពិតអាចប៉ះពាល់ដល់កូនក្នុងពោះមែន ឬយ៉ាងណា?

ការធ្វើធ្មេញមានច្រើនប្រភេទណាស់ ដែលប្រភេទខ្លះមិនប៉ះពាល់ដល់គភ៌នោះទេ ឯប្រភេទខ្លះទៀតប៉ះពាល់ ដូច្នេះប៉ះពាល់ ឬមិនប៉ះពាល់អាស្រ័យទៅលើប្រភេទនៃការធ្វើធ្មេញ។ នេះបើតាមការបកស្រាយនៅលើផេកផ្លូវការរបស់មន្ទីរពេទ្យ កាល់ម៉ែត។

១- ប្រភេទនៃការធ្វើធ្មេញ ដែលមិនប៉ះពាល់ដល់កូនក្នុងពោះ

– សម្អាតធ្មេញ

– ប៉ះធ្មេញ

ការសម្អាតធ្មេញរៀងរាល់ ៦ខែ/ម្តង និងការប៉ះធ្មេញដែលបាក់បែក មិនមានអ្វីប៉ះពាល់ដល់កូនក្នុងផ្ទៃទេ ម៉ាក់ៗធ្វើបាន ទោះជាគភ៌អាយុប៉ុន្មានក៏ដោយ។

២- ប្រភេទនៃការធ្វើធ្មេញ ដែលត្រូវពិគ្រោះជាមួយពេទ្យធ្មេញ

– ដកធ្មេញ

– ព្យាបាលធ្មេញ

– វះកាត់ក្នុងមាត់

ការធ្វើធ្មេញទាំង ៣ ប្រភេទខាងលើនេះ ស្ត្រីមានផ្ទៃពោះចាំបាច់ត្រូវពិភាក្សាជាមួយពេទ្យធ្មេញឲ្យបានដិតដល់ ព្រោះករណីខ្លះអាចធ្វើបានមែន តែក៏មានហានិភ័យដែរ។

អត្ថបទពាក់ព័ន្ធ៖

ដុះថ្គាមទាល់ គួរដកចេញអត់ បើវាអត់ដែលឈឺសោះ?
បកស្រាយលម្អិតជុំវិញបញ្ហាឈឺថ្គាម និងវិធីបន្ថយការឈឺចាប់

ធ្វើធ្មេញពេលពពោះ

៣- ប្រភេទនៃការធ្វើធ្មេញ ដែលប៉ះពាល់ដល់កូនក្នុងផ្ទៃ

– ពត់តម្រង់ធ្មេញ

– ថតកាំរស្មី X-ray ព្យាបាលធ្មេញ

ពេទ្យហាមដាច់ខាតមិនឲ្យស្រីៗមានផ្ទៃពោះពត់តម្រង់ធ្មេញ និងថតកាំរស្មី X-ray ដើម្បីព្យាបាលធ្មេញឡើយ ត្រូវរង់ចាំដល់សម្រាលកូនរួចសិន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ធ្វើធ្មេញពេលពពោះ ប៉ះពាល់ដល់កូនអត់?