តាមការព្យាករ របស់អ្នកវិទ្យាសាស្រ្តអង់គ្លេស លោក J.B.S Haldane បានឲ្យដឹងថា អនាគតទៅ នៅអំឡុងឆ្នាំ ២០៧០ ប្លាយ ការប្រើបច្ចេកទេសចញ្ចឹមគភ៌ក្រៅស្បូនធម្មជាតិ របស់អ្នកម្តាយ នឹងអាចលេចចេញជារូបរាង ជាជម្រើសទីពីរ សម្រាប់អ្នកអសមត្ថភាព ឬមមាញឹកខ្លាំង។

សម្រាប់ដំណើរការ ចិញ្ចឹមគភ៌ក្រៅស្បូន ខាងលើនេះ ជាពាក្យបច្ចេកទេសហៅថា Ectogenesis ដែលបានកើតឡើងតាំងពីឆ្នាំ ១៩២៤ មកម្ល៉េះ ដោយអ្នកវិទ្យាសាស្រ្តជនជាតិអង់គ្លេសខាងលើនេះ។ តាមរយៈបច្ចេកទេសនេះ អ្នកវិទ្យាសាស្រ្តអាច ចិញ្ចឹមនឹងរក្សាគភ៌មនុស្សបាន តាមរយៈម៉ាស៊ីនសប្បនិម្មិត ដោយមានសារធាតុចិញ្ចឹម និងការតាមដានយកចិត្តទុកដាក់ ចំពោះគភ៌ ស្បូន និងសុកធម្មជាតិរបស់ម្តាយ។

ហើយពីមួយថ្ងៃទៅមួយ បច្ចេកទេសខាងលើ បានវិវឌ្ឍលេចចេញជារូបរាងកាន់តែច្បាស់ តួយ៉ាង ការរក្សាអំប្រ៊ីយ៉ុងមនុស្ស (គភ៌) នៅក្នុងមន្ទីរពិសោធន៍វិទ្យាសាស្រ្ត អាចរក្សាគភ៌បានរយៈពេលរហូតដល់១៣ថ្ងៃ ដែលថ្ងៃអនាគត នឹងអាចកើតឡើងចេញជារូបរាងពិតប្រាកដ។

អត្ថបទពាក់ព័ន្ធ៖

ទោះជាយ៉ាងណា នីតិវិធីខាងលើនេះ នៅតែជាប្រធានបទក្តៅគគុក ក្នុងការពិភាក្សាវែកញែក ព្រោះថាវាមានទាំងគុណវបត្តិជាច្រើនផងដែរ ដោយក្នុងនោះ មានមតិជាច្រើន រាប់ទាំងអ្នកវិទ្យាសាស្រ្តផង ថា ដំណើរការខាងលើ នឹងកាត់ផ្តាច់ម្តាយ និងកូន បាត់បង់ភាពស្និទ្ធស្នាលកក់ក្តៅដោយធម្មជាតិ ហើយម៉្យាងទៀត បើដំណើរការនោះកើតឡើងមែន នឹងប៉ះពាល់ដល់ការគ្រប់គ្រងកំណើនប្រជាជន និងការគោរពតម្លៃលើមនុស្សជាតិផងដែរ៕

ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អនាគតទៅ បច្ចេកវិទ្យាពពោះចិញ្ចឹមគភ៌ អាចក្លាយជាជម្រើសទីពីរសម្រាប់អ្នកម្តាយដែលរវល់ខ្លាំង