អាការៈក្ដៅខ្លួនក្នុងអំឡុងពេលមានផ្ទៃពោះ គឺជាការកើនឡើងកម្ដៅក្នុងខ្លួនជាងពេលធម្មតា ឬស្មើ ៣៧,៨ អង្សារសេ ដែលបញ្ហានេះម៉ាក់ៗមួយចំនួនតែងជួបប្រទះ។ នេះបើតាមការចុះផ្សាយរបស់ផេក Calmette Hospital ហើយមូលហេតុក៏មានច្រើនទៀត ដូច្នេះហើយយើងត្រូវដឹងពីផលប៉ះពាល់ និងវិធីព្យាបាលឲ្យបានទាន់ពេលវេលា ចៀសវាងគ្រោះថ្នាក់កូន និងខ្លួនឯង៖
មកដឹងពីកត្តាប្រឈមអាការៈគ្រុនក្តៅរបស់ម៉ាក់ៗ ពេលមានផ្ទៃពោះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- មូលហេតុនាំឲ្យមានការកើនឡើងកម្ដៅអំឡុងពេលមានផ្ទៃពោះ មាន ៣ ប្រភេទគឺ៖
- មូលហេតុមិនសូវធ្ងន់ធ្ងរ
– រលាកត្រចៀក
– រលាកបំពង់ក
– រលាកទងសួត
– ផ្តាសាយធំ
- មូលហេតុធ្ងន់ធ្ងរ
– ការរលាកតម្រងនោម
– ការរលាកប្រដាប់បន្តពូជ
– ការរលាកស្រោមទឹកភ្លោះ
– ស្អូច Toxoplasmose cytomegalovirus herpès រលាកសួត ស្រឡទែន រលាកថ្លើមប្រភេទ B ,C, របេង listeriose ជំងឺអេដស៍
- មូលហេតុដែលអាចបណ្ដាលឲ្យមានការវះកាត់បន្ទាន់មានដូចជា៖
– រលាកខ្នែងពោះវៀន
– រលាកថង់ទឹកប្រមាត់
២- រោគសញ្ញាដែលអាចកើតមានឡើងគួបផ្សំជាមួយការកើនឡើងកម្ដៅ
- សញ្ញានៃការពិបាកបត់ជើងតូចមានដូចជា
– នោមពិបាក នោមមិនអស់ នោមក្រហាយ នោមមានឈាម
– ឈឺចង្កេះ
- សញ្ញាផ្នែកប្រដាប់រំលាយអាហារ
– រាក
– ក្អួត ចងោ្អរ
– ចុកពោះ
- សញ្ញាផ្លូវដង្ហើម
– ក្អក ហត់ ពិបាកដកដង្ហើម
– ថប់ដើមទ្រូង
- សញ្ញាប្រដាប់បន្តពូជ
– ធ្លាក់សខ្លាំង មានក្លិនស្អុយ
– ការធ្លាក់ឈាម និងការហូរខ្ទុះ
បញ្ជាក់៖ ចំពោះការបង្ករោគដោយ ប៉ារ៉ាស៊ីត វីរុស ឬបាក់តេរីមួយចំនួនធំមិនបណ្ដាលឲ្យមានសញ្ញាដូចរៀបរាប់ខាងលើឡើយ ដូច្នេះទាមទារឲ្យស្ត្រីមានផ្ទៃពោះទាំងអស់ ត្រូវមកពិនិត្យផ្ទៃពោះ និងធ្វើតេស្តឈាមរកមេរោគមួយចំនួនឲ្យបានទៀងទាត់ និងទាន់ពេលវេលា។
៣- កត្តាប្រឈមនៅពេលមានអាការៈគ្រុនក្ដៅអំឡុងពេលមានផ្ទៃពោះមានដូចជា
- អាចបណ្ដាលឲ្យរលូតកូន
- កូនកើតមិនគ្រប់ខែ
- ទារកស្លាប់ក្នុងពោះ
- ជំងឺដែលអាចកើតមានលើទារកបណ្ដាលមកពីការឆ្លងរោគពីម្ដាយទៅកូន
៤- វិធីការពារ និងព្យាបាល
- ត្រូវនៅឲ្យឆ្ងាយពីសត្វឆ្មា ឬសត្វអាចបង្ករោគមួយចំនួនទៀត
- មិនត្រូវបរិភោគ សាច់ ឬបន្លែឆៅ ដែលលាងសម្អាតមិនបានស្អាតល្អ
- មិនត្រូវបរិភោគ អាហារផ្អាប់ ឬអាហាររក្សាក្នុងទូទឹកកករយៈពេលយូរ ព្រោះវាមានផ្ទុកនូវប៉ារ៉ាស៊ីតមួយចំនួន
- ត្រូវនៅឲ្យឆ្ងាយពីក្មេង ឬកុមារដែលកើតអុតស្វាយ ឬស្អូចព្រោះបណ្ដាលឲ្យឆ្លងបាន
- ត្រូវមកពិនិត្យផ្ទៃពោះ និងពិនិត្យឈាម ដើម្បីស្វែងរកមេរោគមួយចំនួន ដែលអាចបង្កហានិភ័យដល់ទារកក្នុងផ្ទៃ
- បើមានអាការៈក្ដៅខ្លួន កម្ដៅលើស ឬស្មើ ៣៧.៨ អង្សាសេ ត្រូវមកមន្ទីរពេទ្យ ដើម្បីទទួលបានការព្យាបាល និងស្វែងរកមូលហេតុ ឲ្យបានទាន់ពេលវេលា ចៀសវាងការបង្កគ្រោះថ្នាក់ដល់ម្ដាយ និងទារកក្នុងផ្ទៃ។
អត្ថបទពាក់ព័ន្ធ៖ ហានិភ័យទាំងនេះ ស្រីៗពពោះជួបប្រទះញឹកញាប់
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម