backup og meta

ក្រោយ​ពេល​រួមភេទ មេជីវិតឈ្មោល​ធ្វើម៉េចអាចបង្កកំណើតបាន?

ត្រួតពិនិត្យដោយ គឹម កាណែល


អត្ថបទ​ដោយ CHIN Ven · កែ Mar 25, 2021

    ក្រោយ​ពេល​រួមភេទ មេជីវិតឈ្មោល​ធ្វើម៉េចអាចបង្កកំណើតបាន?

    ការ​បង្ក​កំណើត​ជា​ពេល​ដែល​មេ​ជីវិត​ញី​និង​មេ​ជីវិត​ឈ្មោល​ជួប​គ្នា។​វា​ត្រូវការ​ពេល​ពី៤៥​នាទី​ ទៅ ១២ ម៉ោង​ដើម្បី​ឱ្យ​មេ​ជីវិត​ឈ្មោល​ទៅ​ជិត​បំពង់​ដៃ​ស្បូន​ ជា​ទី​ដែល​ការ​បង្ក​កំណើត​កើត​មាន​ឡើង។ ទោះ​ជា​យ៉ាង​នេះ​ក្ដី មេ​ជីវិត​ឈ្មោល​អាច​រស់​នៅ​ក្នុង​រាង​កាយ​របស់​មនុស្ស​ស្រី​បាន​រហូត​ដល់​ទៅ​៧​ថ្ងៃ។ ដូច​នេះ​ហើយ ការ​បង្ក​កំណើត​អាច​កើត​មាន គ្រប់​ពេល​ក្នុង​មួយ​សប្ដាហ៍​បន្ទាប់​ពី​រួម​ភេទ​រួច ប្រសិន​បើ​ខាង​ស្រី​ធ្លាក់​មេ​ជីវិត​ញី។ សូម​ស្វែងយល់​បន្ថែម​អំពី​ដំណើរ​ដ៏​អស្ចារ្យ​នេះ​និង​របៀប​ដែល​ជីវិត​ កកើត​ឡើង!

    ១- មាន​អ្វី​កើត​ឡើង​ពេល​អ្នក​កំពុង​រួម​ភេទ

    បន្ថែម​លើ​ការរំភើប រាង​កាយ​របស់​យើង​នឹង​បង្កើត​​សម្ពាធ ដែល​យើង​តែ​ចង់​បាន​ចុង​ក្រោយ​នោះ​គឺ​ឈាន​ដល់​ចំណុច​កំពូល (Orgasm)។ ការ​ឈាន​ដល់​ចំណុច​កំពូល​គឺ​សំខាន់​សម្រាប់​មុខងារ​សរីរាង្គ។ ចំពោះ​មនុស្ស​ប្រុស​ ពេល​ឈាន​ដល់​ចំណុច​កំពូល ទឹក​កាម​ដែល​សំបូរ​ទៅ​ដោយ​មេជីវិត​ឈ្មោល​រុញ​ខ្លាំង​ចូល​ទៅ​ក្នុង​ទ្វារ​មាស ឡើង​ទៅ​ក្នុង​ស្បូន ក្នុង​ល្បឿន១៦ គីឡូម៉ែត្រ​ក្នុង​មួយ​ម៉ោង។

    កម្លាំង​បាញ់​បញ្ចេញ​ទឹក​កាម ធ្វើ​ឲ្យ​មេ​ជីវិត​ឈ្មោល​ចាប់​ផ្ដើម​បាន​ល្អ​ក្នុង​ដំណើរ​ទៅ​ជួប​មេ​ជីវិត​ញី។ ស្ត្រី​មិន​ចាំ​បាច់​ត្រូវ​ការ​ឈាន​ដល់​ចំណុច​កំពូល​នោះ​ទេ ដើម្បី​ឲ្យ​មាន​ការ​បង្ក​កំណើត។ ការ​កន្ត្រាក់​ស្បូន​តែ​បន្តិច​អាច​ជួយ​ឲ្យ​មេ​ជីវិត​ឈ្មោល​បាន​ហើយ ប៉ុន្តែ​សកម្មភាពកន្ត្រាក់​នេះ​កើត​ឡើង​ដោយ​គ្មាន​ការ​ឈាន​ដល់​ចំណុច​កំពូល​ឡើយ។

    គូ​ស្វាមី​ភរិយា​ជាច្រើន​ឆ្ងល់​ថា​ទីតាំង​រួមភេទ​ណាមួយ​ល្អ​បំផុត​ដើម្បី​មាន​ផ្ទៃពោះ​។ គ្មាន​នរណា​ដឹង​ប្រាកដ​ឡើយ។ អ្វី​សំខាន់​បំផុត​អំពី «សិច» គឺ​ដៃ​គូមាន​ពេល​វេលា​មួយ​ដ៏​ល្អ ហើយ​អនុវត្ត​​វា​ឲ្យបាន​ញឹក​ញាប់​គ្រប់​គ្រាន់។ ដើម្បី​ឲ្យ​មាន​កូន មេ​ជីវិត​ឈ្មោល​ដែល​នៅ​រស់​ត្រូវ​តែ​នៅ​ក្នុង​បំពង់​ដែល​ផ្ទុក​អូវ៉ុល។ មិន​មែន​មនុស្ស​ស្រី​ទាំង​អស់​មាន​មេ​ជីវិត​ញី នៅ​ពាក់​កណ្ដាល​វដ្ត​រដូវ​ ឬ​ក្នុង​ពេល​វដ្ត​រដូវ​របស់​ពួកគេ​រហូត​នោះ​ទេ។ ដើម្បី​បង្កើន​ឱកាស​មាន​កូន សូម​រួម​ភេទ​រៀង​រាល់​២ថ្ងៃ​ម្ដង ឬ​អំឡុង​ពេល​នៃ​វដ្ត​រដូវ

    មេជីវិតញី

    អត្ថបទពាក់ព័ន្ធ៖

    ២-ពេល​យើងសម្រាកមេ​ជីវិត​ឈ្មោល​​ទើប​នឹង​ចាប់​ផ្ដើម​ធ្វើ​ការ​ទេ

    ដល់​ដំណាក់​កាល​នេះ យើង​កំពុង​បន់ស្រន់​ចង់​បាន​កូន ហើយ​ខណៈ​នេះ​យើង​​នឹង​ដៃ​គូកំពុង​គេង​ឱប​គ្នា​សម្រាក ប៉ុន្តែ​នៅ​ក្នុង​រាង​កាយ​របស់​យើង​មាន​រឿង​ជា​ច្រើន​កើត​ឡើង។ មេ​ជីវិត​ឈ្មោល​រាប់​លាន​ចាប់​ផ្ដើម​ស្វែង​រក​មេ​ជីវិត​ញី ហើយ​ដំណើរ​ស្វែង​រក​នេះ​មិន​មែន​ជា​រឿង​ងាយ​ទេ។ របាំង​ទី​មួយ​អាច​បណ្ដាល​មក​ពី​ទឹក​រំអិល​នៅ​ក្នុង​ស្បូន​ខាងស្រី ដែល​ដូច​ជា​សំណាញ់​មិន​អាច​ជ្រាប​ចូល​បាន នៅ​ថ្ងៃ​ដែល​ស្ត្រី​មិន​មាន​មេ​ជីវិត​ញី។ នៅ​ថ្ងៃ​ដែល​ស្ត្រី​អាច​បង្ក​កំណើត​ខ្លាំង ទឹក​រំអិល​ទាំង​នោះ​នឹង​ចាប់​ផ្ដើម​ស្ដើង​ទៅៗ ហើយ​មេជីវិត​ឈ្មោល​ដែល​ហែល​ខ្លាំង​ជាង​គេ​នឹង​ឆ្លងកាត់​​បាន។

    មេ​ជីវិត​ឈ្មោល​ដែល​នៅ​រស់ និង​ត្រូវ​ធ្វើ​ដំណើរ​ឆ្ងាយ​​ទៅ​មុខទៀត។ វា​ត្រូវ​ធ្វើ​ដំណើរ​ប្រហែល១៨ សង់​ទី​ម៉ែត្រ​ទៀត​ពី​មាត់​ស្បូន ឆ្លង​កាត់​ស្បូន​ទៅ បំពង់​ដៃ​ស្បូន។ មេ​ជីវិត​ដែល​ហែល​លឿន​ជាង​គេ អាច​ត្រូវ​ការ​ពេល​៤៥​នាទី ដើម្បី​ទៅ​ដល់​មេជីវិត​ញី ហើយ​មេ​ជីវិត​ដែល​ហែល​យឺត ត្រូវ​ការ​ពេល​ដល់​ទៅ​១២​ម៉ោង​ដើម្បី​ដល់។ ប្រសិន​បើ​មេ​ជីវិត​ឈ្មោល​រក​មិន​ឃើញ​មេជីវិត​ញី​ទេ វា​នឹង​នៅ​ក្នុង​ទ្វា​មាស​មនុស្ស​ស្រី​រហូត​ដល់ប្រាំពីរ​ថ្ងៃ។ នេះ​មាន​ន័យ​ថា ប្រសិន​បើ​មនុស្ស​ស្រី​ធ្លាក់​មេជីវិត​ញី​នៅ​ចន្លោះ​ពេល​នេះ អ្នក​អាច​នឹង​បង្កកំណើត​បាន។

    អត្រា​ស្លាប់​របស់​មេ​ជីវិត​ឈ្មោល​មាន​កម្រិត​ខ្ពស់ ហើយ​មាន​តែ​ចំនួន​តូច​ប៉ុណ្ណោះ​ដែល​អាច​ទៅ​ដល់​ជិត​មេ​ជីវិត​ញី។ ហើយ​ចំនួន​តិច​តួច​ទាំង​នោះ នឹង​ត្រូវ​ប្រជែង​គ្នា ទៀត​ដើម្បី​ធ្វើ​ការ​បន្ត ហើយ​មេជីវិត​និមួយ​ៗ​ត្រូវ​តែ​ធ្វើ​យ៉ាង​ណា​ដើម្បី​អាច​ចូល​ក្នុង​មេជីវិត​ញី​បាន​មុន​គេ។ ពង​មេ​ជីវិត​ញី​ដែល​បាន​បង្ក​កំណើត​ត្រូវ​ការ​ពេល ២៤​ម៉ោង​ដើម្បី​បញ្ចេញ​។ ពេល​ដែល​មេជីវិត​ឈ្មោល​ដែល​ខ្លាំង​ជាង​គេ​ចូល​បាន មេ​ជីវិត​ញី​នឹង​ផ្លាស់​ប្ដូរ​មួយ​រំពេច ដោយ​ចៀស​មិន​រវល់​ជាមួយ​មេជីវិត​ឈ្មោល​ផ្សេង​ទៀត​ឡើយ។

    ៣-ជីវិត​ថ្មី​ត្រូវ​បាន​បង្កើត​ឡើង

    បន្ទាប់​ពី​បង្ក​កំណើត​រួច មេ​ជីវិត​ឈ្មោល​និង​មេជីវិត​ញី រួម​បញ្ចូល​ព័ត៌មាន​សេនេទិក​គ្នា បង្កើត​បាន​ជា​កោសិកា​ថ្មី​មួយ ដែល​បំបែក​យ៉ាង​លឿន។ បណ្ដុំ​កោសិកា​ថ្មី​នេះ​មាន​ឈ្មោះ​ថា​ blastocyst ហើយ​បាន​បន្ត​ដំណើរ​ចុះ​តាម​បំពង់​ដៃ​ស្បូន​ឆ្ពោះ​ទៅ​ស្បូន​ចំណាយ​ពេល​រហូត​ដល់​បី​ថ្ងៃ​ឬ​យូរ​ជាង​នេះ។​ ពេល​ដែល​កោសិកា​blastocyst ភ្ជាប់​ទៅ​នឹង​ជញ្ជាំង​នៃ​ស្បូន ស្រ្តីនឹង​មាន​ផ្ទៃ​ពោះ ហើយ​កោសិកា​នោះ​នឹង​វិវត្ត​ទៅ​ជា​អំប្រ៊ីយ៉ុង​និង​សុក។ ពេល​ខ្លះ កោសិកា Blastomacys ភ្ជាប់​ទៅ​នឹង​កន្លែង​ផ្សេង​ទៀត​ក្រៅ​ពី​ស្បូន​ (ជា​ទូទៅ​ច្រើន​នៅ​បំពង់​ដៃ​ស្បូន) វា​ធ្វើ​ឲ្យ​ក្លាយ​ជា​បញ្ហា​មួយ​ហៅ​ថា​កូន​ដៃ​ស្បូន (Ectopic pregnancy) ដែល​ទាម​ទារ​ឲ្យ​មាន​ការ​ព្យាបាល​បន្ទាន់​ភ្លាមៗ។ ​អំប្រ៊ីយ៉ុង​ដែល​នៅ​ដៃ​ស្បូន​នោះ​នឹង​មិន​អាច​រស់​បាន​ឡើយ ហើយ​ត្រូវ​យក​ចេញ​ភ្លាម​ដើម្បី​ការពារ​កុំ​ឲ្យ​ខូច​ដៃ​ស្បូន។

    អត្ថបទពាក់ព័ន្ធ៖ 

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    គឹម កាណែល


    អត្ថបទ​ដោយ CHIN Ven · កែ Mar 25, 2021

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម