ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ!
ហាត់ប្រាណពេលពពោះឲ្យស្រួលកើត តែគ្រូពេទ្យថាជ្រុលពេក ប្រយ័ត្នស៊យធំ!
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គ្រូពេទ្យតែងតែណែនាំឲ្យស្ត្រីពពោះព្យាយាមហាត់ប្រាណ ដើម្បីឲ្យស្រួលសម្រាលកូន ប៉ុន្តែរបៀបរបបហាត់មិនបានបង្ហាញឡើយ។ ដូចនេះបានជាមានអ្នកខ្លះហាត់ជ្រុលខ្លាំងពេក ទៅជាគ្រោះថ្នាក់ចំពោះកូនក្នុងផ្ទៃវិញ។
សាស្ត្រាចារ្យវេជ្ជបណ្ឌិត គាន់ អូន ប្រធានផ្នែកសម្ភពនិងរោគស្ត្រីនៃមន្ទីរពេទ្យកាល់មែតបានឲ្យដឹងថា អ្នកជំនាញផ្នែកហាត់ប្រាណពេលពពោះ ទើបអាចបង្ហាញពីរបៀបហាត់មិនគ្រោះថ្នាក់ចំពោះម៉ាក់ និងកូនបាន។ ប៉ុន្តែសម្រាប់យើងដែលគ្មានជំនាញវិញ បានត្រឹមណែនាំឲ្យម៉ាក់ៗព្យាយាមមានចលនាឲ្យបានច្រើនប៉ុណ្ណោះដូចជាហើរទៅដើរមក ឬត្រឹមកាយវិការយោងដៃទៅវិញទៅមកតិចៗ។
លោកបន្ថែមទៀតថា ការធ្វើលំហាត់ប្រាណខ្លាំង ដោយងាកចុះងាកឡើង ហើយស្រោមទឹកភ្លោះស្ដើង អាចបណ្ដាលឲ្យជ្រាបទឹកភ្លោះតែម្ដងទាំងមិនទាន់គ្រប់ខែ។ វេជ្ជបណ្ឌិតតំណាងគ្រូពេទ្យវះកាត់រោគស្រ្តីអាស៊ីប៉ាស៊ីហ្វិកប្រចាំនៅកម្ពុជា រូបនោះបញ្ជាក់ទៀតថា មានស្ត្រីមួយចំនួនដែលមិនបានយល់ពីរបៀបហាត់ប្រាណអំឡុងពេលនេះ ប្រែជាប្រឹងហាត់ហួសកម្លាំងនាំឲ្យគ្រោះថ្នាក់ទៅវិញ។
សម្រាប់ការហាត់ដែលលើកដៃខ្ពស់ៗពេកកាន់តែប្រឈមដែលអាចបណ្ដាលឲ្យកូនក្នុងផ្ទៃជួបបញ្ហាដាច់សុក ស្របពេលដែលមានបញ្ហាសុករុំកកូនទៀតនោះ។ ដូចនេះជម្រើសល្អគួរតែដើរឲ្យបានច្រើន និងអាចអង្គុយសមាធិ ដើម្បីឲ្យអារម្មណ៍ស្រស់ថ្លា និងមិនគិតអ្វីស្មុគស្មាញនាំឲ្យគ្រោះថ្នាក់ទាំងយើង និងកូន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម