របស់ផ្អែមៗ មិនថានំចំណី ឬភេសជ្ជៈមានជាតិស្ករ រួមទាំងពពួកនំប៉័ងគ្រប់ប្រភេទ ពិសេសនំប៉័ងស (ស្នូលនំប៉័ងផ្នែកពណ៌ស) អាចបង្កឱ្យអ្នកចូលចិត្តញ៉ាំ ឬទម្លាប់ញ៉ាំ កើតរោគគេងមិនលក់ អស់កម្លាំង និងឃ្លានចង់ញ៉ាំអាហារមិនដឹងពេល។
មាតិកា
របស់ផ្អែមៗ និងនំប៉័ង ចៀសបានគួរចៀស កុំឱ្យកើតរោគគេងមិនលក់
តាមលទ្ធផលសិក្សាទៅលើមនុស្សប្រមាណជាង ៥ ម៉ឺននាក់ បានឱ្យដឹងថា ការញ៉ាំរបស់ជាតិស្ករច្រើន បានធ្វើឱ្យជាតិស្ករក្នុងឈាមប្រែប្រួល ជាហេតុធ្វើឱ្យរាងកាយបញ្ចេញអ័រម៉ូន Adrenaline និង Cortisol ទៅភ្ញោចប្រព័ន្ធសរសៃប្រសាទ ដែលបង្អាក់រាងកាយ គេងមិនបានគ្រប់គ្រាន់ ហើយរឿងនេះក៏កើតឡើងផងដែរ សម្រាប់ការញ៉ាំនំប៉័ង ពិសេសនំប៉័ងស។ បន្ថែមពីនេះ ការគេងមិនបានលក់ស្កប់ស្កល់ ធ្វើឱ្យរាងកាយអស់កម្លាំង ហេវហត់ និងមានចំណង់ចង់ញ៉ាំចំណីអាហារច្រើន ដែលបង្កជាផលវិបាកផ្សេងៗ។
បើតាមលោកវេជ្ជបណ្ឌិត James Gangwisch អ្នកដឹកនាំការស្រាវជ្រាវខាងលើ បាននិយាយថា៖ “ការចៀសវាងចំណីអាហារសម្បូរជាតិផ្អែម ជារឿងល្អបំផុត ចៀសរោគគេងពុំលក់ ព្រោះថា ក្នុងរាងកាយនឹងរងប្រតិកម្មដោយសារបម្រែបម្រួលអ័រម៉ូនច្រើន នៅពេលញាំប្រភេទអាហារទាំងនោះ”។
ដោយឡែក លោកវេជ្ជបណ្ឌិតអាមេរិកខាងលើ បានណែនាំថា ជំនួសឱ្យចំណីជាតិស្ករ គួរញ៉ាំអាហារដែលសម្បូរជាតិសរសៃ (Fiber) និងបន្លែ ផ្លែឈើជំនួសវិញ ដើម្បីជួយក្នុងការគេងលង់លក់ស្កប់ស្កល់។
សម្រាប់ការសិក្សាស្រាវជ្រាវករណីខាងលើ បានធ្វើឡើងដោយក្រុមការងារ នៃសាកលវិទ្យាល័យ Columbia នៅក្រុងញ៉ូវយក សហរដ្ឋអាមេរិក៕
អត្ថបទគួរអាន៖
គណនា BMR
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.dailymail.co.uk/health/article-7811629/Sugar-white-bread-tied-older-womens-insomnia.html
Could eating white bread every day ruin your sleep?
https://library.fabresearch.org/viewItem.php?id=13981
No bread in bed: Study suggests refined carbs can trigger insomnia
https://studyfinds.org/no-bread-in-bed-study-suggests-too-much-refined-carbs-can-trigger-insomnia/
កំណែប្រែបច្ចុប្បន្ន
07/02/2025
អត្ថបទដោយ មាន រតនា
ត្រួតពិនិត្យដោយ ដេត ធន្នី
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
ដេត ធន្នី
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម