គ្នាយើងប្រហែលធ្លាប់ឮហើយថា ការញ៉ាំផ្លែល្ហុងអាចជួយឲ្យពោះវៀនរឹងមាំ និងធ្វើឲ្យការរំលាយអាហារដំណើរការកាន់តែប្រសើរ។ ប៉ុន្តែ យើងធ្លាប់ដឹងទេថា ផ្លែឈើមួយប្រភេទនេះ ក៏មានគុណប្រយោជន៍ដ៏ល្អឯកក្នុងការសម្រកទម្ងន់ដែរនោះ?
មាតិកា
ផ្លែល្ហុងមានគុណប្រយោជន៍ដ៏អស្ចារ្យទាំង ៧ ជួយដល់ការសម្រកទម្ងន់ គ្នាយើងមិនគួររំលង!
ទាំងនេះជាគុណប្រយោជន៍សុខភាពទាំង៧នៃផ្លែល្ហុងដែលល្អបំផុតសម្រាប់ការសម្រកទម្ងន់
១. សម្បូរទៅដោយជាតិសរសៃ
ចំពោះអាហារដែលសម្បូរទៅដោយជាតិសរសៃខ្ពស់ មានប្រសិទ្ធភាពក្នុងការជួយឲ្យប្រព័ន្ធរំលាយអាហារដំណើរការយ៉ាងរលូន និងជួយឲ្យយើងមានអារម្មណ៍ឆ្អែតបានយូរ។ កត្តាទាំងនេះហើយ ដែលអាចជួយឲ្យយើងអាចសម្រកទម្ងន់បានយ៉ាងឆាប់រហ័ស។
២. ប្រឆាំងនឹងការរលាក
ទន្ទឹមនឹងនេះដែរ ផ្លែល្ហុងក៏ជាប្រភពនៃសារធាតុPapain ជាសារធាតុប្រឆាំងនឹងអុកស៊ីតកម្ម ដែលអាចកាត់បន្ថយការរលាកនៅក្នុងរាងកាយ។ យោងតាមការស្រាវជ្រាវបានបង្ហាញថា ការរលាកអាចរាំងស្ទះគ្នាយើងក្នុងការសម្រកទម្ងន់ប្រកបដោយប្រសិទ្ធភាព។
ចង់គណនារង្វាស់ចង្វាក់បេះដូង ចុចទីនេះ!
ចងពិនិត្យជំងឺសរសៃឈាមបេះដូង ចុចទីនេះ!
៣. ជួយដល់ការរំលាយអាហារ
ជាមួយគ្នានេះដែរ ផ្លែល្ហុងមានផ្ទុកសារធាតុ Papain និង Chymopapain ដែលអាចជួយសម្រួលដល់ការរំលាយអាហារ និងប្រឆាំងនឹងការទល់លាមក។ បន្ថែមពីនេះ ផ្លែល្ហុងក៏អាចជួយបង្ការ និងព្យាបាលការរលាកក្រពះបានយ៉ាងអស្ចារ្យ។ ដូចយើងបានដឹងស្រាប់ហើយថា ពោះវៀន និងប្រព័ន្ធរំលាយអាហារដែលមានសុខភាពល្អ មានទំនាក់ទំនងយ៉ាងជិតស្និទ្ធជាមួយនឹងការសម្រកទម្ងន់។
៤. ជួយបន្សាបជាតិពុល
មិនត្រឹមតែប៉ុណ្ណោះ ផ្លែល្ហុងសម្បូរទៅដោយជាតិសរសៃ ដែលអាចជួយបន្សាបជាតិពុលនៅក្នុងប្រព័ន្ធរាងកាយ និងសម្អាតពោះវៀន។
៥. ប្រឆាំងនឹងការឆ្លងមេរោគ
ជាក់ស្តែង គ្នាយើងខ្លះប្រឈមនឹងបញ្ហាប្រព័ន្ធភាពស៊ាំប្រឆាំងនឹងខ្លួនឯង ដែលរារាំងដល់ដំណើរការប្រក្រតីនៃរាងកាយ និងបណ្តាលឲ្យមានការឡើងទម្ងន់។ ផ្លែល្ហុង ជាប្រភពនៃសារធាតុប្រឆាំងនឹងមេរោគ ព្រមទាំងប៉ារ៉ាស៊ីត ដែលជួយប្រឆាំងនឹងជំងឺ ក៏ដូចជាការឆ្លងមេរោគផ្សេងៗ។
៦. មានកាឡូរីទាប
ចំពោះផ្លែល្ហុងចំនួន១០០ក្រាម មានកាឡូរីតែ៤៣កាឡូរីប៉ុណ្ណោះ។ លើសពីនេះ ផ្លែឈើមួយប្រភេទនេះ ក៏សម្បូរទៅដោយវីតាមីនC កាល់ស្យូម វីតាមីនA ម៉ាញេស្យូម ហ្វូឡេត និងប៉ូតាស្យូមផងដែរ។ ដោយសារតែមានជាតិសរសៃខ្ពស់ ទើបផ្លែល្ហុងគឺជាប្រភពនៃសារជាតិទឹក ព្រមទាំងជួយឲ្យយើងឆ្អែតបានយូរ និងបញ្ចេញម៉ូលេគុលខ្លាញ់។
គណនា BMI
៧. ជួយបំបែកជាតិខ្លាញ់
ផ្លែល្ហុង ក៏ជាភ្នាក់ងារដុតបំផ្លាញជាតិខ្លាញ់ដ៏ល្អបំផុត។ ផ្លែឈើមួយនេះ មិនត្រឹមតែជួយបំបែក និងកម្ចាត់ជាតិខ្លាញ់trans fat និងlipidsដ៏គ្រោះថ្នាក់ប៉ុណ្ណោះទេ ថែមទាំងជួយចិញ្ចឹមបំប៉នរាងកាយថែមទៀតផង។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Anti-obesity effect of Carica papaya in high-fat diet fed rats
https://www.ncbi.nlm.nih.gov/pmc/articles/PMC7412661/
10 Foods to Help You Lose Weight
https://www.downtoearth.org/articles/health-tips/1775/10-foods-to-help-you-lose-weight
Hypolipidaemic effects of papaya (Carica papaya L.) juice on rats fed on a high fat and fructose diet
https://www.cambridge.org/core/journals/journal-of-nutritional-science/article/hypolipidaemic-effects-of-papaya-carica-papaya-l-juice-on-rats-fed-on-a-high-fat-and-fructose-diet/B6C8F4B9E598A65512DB4277A2496FA4
កំណែប្រែបច្ចុប្បន្ន
14/09/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Sopheng
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម