គ្នាយើងប្រហែលធ្លាប់ឮហើយថា ការញ៉ាំផ្លែល្ហុងអាចជួយឲ្យពោះវៀនរឹងមាំ និងធ្វើឲ្យការរំលាយអាហារដំណើរការកាន់តែប្រសើរ។ ប៉ុន្តែ យើងធ្លាប់ដឹងទេថា ផ្លែឈើមួយប្រភេទនេះ ក៏មានគុណប្រយោជន៍ដ៏ល្អឯកក្នុងការសម្រកទម្ងន់ដែរនោះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គ្នាយើងប្រហែលធ្លាប់ឮហើយថា ការញ៉ាំផ្លែល្ហុងអាចជួយឲ្យពោះវៀនរឹងមាំ និងធ្វើឲ្យការរំលាយអាហារដំណើរការកាន់តែប្រសើរ។ ប៉ុន្តែ យើងធ្លាប់ដឹងទេថា ផ្លែឈើមួយប្រភេទនេះ ក៏មានគុណប្រយោជន៍ដ៏ល្អឯកក្នុងការសម្រកទម្ងន់ដែរនោះ?
ចំពោះអាហារដែលសម្បូរទៅដោយជាតិសរសៃខ្ពស់ មានប្រសិទ្ធភាពក្នុងការជួយឲ្យប្រព័ន្ធរំលាយអាហារដំណើរការយ៉ាងរលូន និងជួយឲ្យយើងមានអារម្មណ៍ឆ្អែតបានយូរ។ កត្តាទាំងនេះហើយ ដែលអាចជួយឲ្យយើងអាចសម្រកទម្ងន់បានយ៉ាងឆាប់រហ័ស។
ទន្ទឹមនឹងនេះដែរ ផ្លែល្ហុងក៏ជាប្រភពនៃសារធាតុPapain ជាសារធាតុប្រឆាំងនឹងអុកស៊ីតកម្ម ដែលអាចកាត់បន្ថយការរលាកនៅក្នុងរាងកាយ។ យោងតាមការស្រាវជ្រាវបានបង្ហាញថា ការរលាកអាចរាំងស្ទះគ្នាយើងក្នុងការសម្រកទម្ងន់ប្រកបដោយប្រសិទ្ធភាព។
ចង់គណនារង្វាស់ចង្វាក់បេះដូង ចុចទីនេះ!
ចងពិនិត្យជំងឺសរសៃឈាមបេះដូង ចុចទីនេះ!
ជាមួយគ្នានេះដែរ ផ្លែល្ហុងមានផ្ទុកសារធាតុ Papain និង Chymopapain ដែលអាចជួយសម្រួលដល់ការរំលាយអាហារ និងប្រឆាំងនឹងការទល់លាមក។ បន្ថែមពីនេះ ផ្លែល្ហុងក៏អាចជួយបង្ការ និងព្យាបាលការរលាកក្រពះបានយ៉ាងអស្ចារ្យ។ ដូចយើងបានដឹងស្រាប់ហើយថា ពោះវៀន និងប្រព័ន្ធរំលាយអាហារដែលមានសុខភាពល្អ មានទំនាក់ទំនងយ៉ាងជិតស្និទ្ធជាមួយនឹងការសម្រកទម្ងន់។
មិនត្រឹមតែប៉ុណ្ណោះ ផ្លែល្ហុងសម្បូរទៅដោយជាតិសរសៃ ដែលអាចជួយបន្សាបជាតិពុលនៅក្នុងប្រព័ន្ធរាងកាយ និងសម្អាតពោះវៀន។
ជាក់ស្តែង គ្នាយើងខ្លះប្រឈមនឹងបញ្ហាប្រព័ន្ធភាពស៊ាំប្រឆាំងនឹងខ្លួនឯង ដែលរារាំងដល់ដំណើរការប្រក្រតីនៃរាងកាយ និងបណ្តាលឲ្យមានការឡើងទម្ងន់។ ផ្លែល្ហុង ជាប្រភពនៃសារធាតុប្រឆាំងនឹងមេរោគ ព្រមទាំងប៉ារ៉ាស៊ីត ដែលជួយប្រឆាំងនឹងជំងឺ ក៏ដូចជាការឆ្លងមេរោគផ្សេងៗ។
ចំពោះផ្លែល្ហុងចំនួន១០០ក្រាម មានកាឡូរីតែ៤៣កាឡូរីប៉ុណ្ណោះ។ លើសពីនេះ ផ្លែឈើមួយប្រភេទនេះ ក៏សម្បូរទៅដោយវីតាមីនC កាល់ស្យូម វីតាមីនA ម៉ាញេស្យូម ហ្វូឡេត និងប៉ូតាស្យូមផងដែរ។ ដោយសារតែមានជាតិសរសៃខ្ពស់ ទើបផ្លែល្ហុងគឺជាប្រភពនៃសារជាតិទឹក ព្រមទាំងជួយឲ្យយើងឆ្អែតបានយូរ និងបញ្ចេញម៉ូលេគុលខ្លាញ់។
ផ្លែល្ហុង ក៏ជាភ្នាក់ងារដុតបំផ្លាញជាតិខ្លាញ់ដ៏ល្អបំផុត។ ផ្លែឈើមួយនេះ មិនត្រឹមតែជួយបំបែក និងកម្ចាត់ជាតិខ្លាញ់trans fat និងlipidsដ៏គ្រោះថ្នាក់ប៉ុណ្ណោះទេ ថែមទាំងជួយចិញ្ចឹមបំប៉នរាងកាយថែមទៀតផង។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕